1 JOHAN 1:3 - PATHIAN LEKHABU THIANGTHO (BSI)

³ Kei un ka musau leh ka hiatsau ma chu la kiang unle ka tâklang uh ahi: Tichun, nang unle kei uh tawh kipawl khawmna la neitheina ding un; I kipawl khawmnau chu, Pa tawh, Chapa Jesu Khrista tawh ahi.

1 JOHAN 1:3 Referans Kwoze

1 KORINTH 1:9

A chapa Jesu Khrista I Lalpau tawh kivopna ah hun kolutpa Pathian chu a muan um hi.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

NASEPTE 4:20

ka thil muu leh het uh chu gen lo thei ka hi puau hi,” a tiu a.

JOHAN 17:21

amau hawle pumkhat ah a um theina ding un. Nang ka Pa, keima ah la um ah, keima le nangma ah ka um gual in; amau le eimau ah a um ua, khawvel in keima hi nang ei sawl ka hi ti a ginchâk theina ding un.

PHILIPPI 2:1

Chutichun, Khrista ah lung muanna him him, hepi thamuanna him him, Thagau pawlna him him, lainatna leh lungsiatna him him a um chun, lungthim munkhat ah um in,

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

1 JOHAN 1:1

Hinna thu, a lim ah kipat a la umsa, kei un ka la het uh, ka mit ua ka muu, ka la et zing uh, ka khut ua ka khoi uh zia hinna chu a hung kilang ta’n, ka la mu tau a;

HEBRAITE 3:14

A tîl ah kipat I ginnau kingakna kha a tawp tiang ah I tûkdet ua chun, Khrista kikoppite chu I hitau hi.

PHILIPPI 3:10

Chutichun, ama leh a thawkitna thilhitheina chu ka het ah, a thoknate kikoppi in, a thina ah ama ka kibatpi theina ding in;

1 PETER 5:1

Chutichun, la lak ua kochuam upate chu, keima la upatpiu, Khrista thoknate he pa, lopina chang dingpa hin, la lak ua upate chu ka hun tîl ahi.

HEBRAITE 3:1

Ziaziakchun, suapi thiangtho, van kona chanpite haw, I thugin ua sawlchâk leh thiampu lianpen Jesu chu ngaitua tiam un.

KOLOSSA 1:13

Ama chun thim thuneina lak ah kipat ei hukdok in, a chapa doichuam gam ah chun ei lângkâi tai;

NASEPTE 20:27

la kiang un Pathian thiltup gen ka kipadâm pua kha.

1 JOHAN 1:5

Thu vaithâk a kiang ah kipat ka het uh ka hun hilsawn uh chu zia hi ahi: Pathian chu vâk ahi’n, ama ah chun thim him him a um puai, ti hi.

HEBRAITE 2:12

Zia gual hin a la gen a: “Ka suapite lak in la min chu, taklang ing ka tin, a kikhawmte lak ah chun La sa’n pâk ing ka,” ti in.

1 TIMOTHI 6:2

Chun, gingtu hotu ah neite chun unau khat a hung hi tâk ziak un ngainiam diak kiu hen la, a na seppiakteu chu gingtute leh doitakte ahi tâk ziak un, a phazaw diak in sep piak zawu hen. Zia thute hi hil inla, tîl in.

PHILIPPI 1:7

Nanghaw zosia lam ah zia gual lungthim put chu kei â dingin a kilawm him ahi, la lunggil un lei hezing ngal ua; ka kolbuna leh, chanchinpha ka panpina leh ka sukdetna ah le, la leng un Pathian lungsiatna chu lei kikoppi ngal un.

EPHESA 3:6

Chanchinpha ziakin Khrista Jesu ah chun, Jentelte hi goluapi dingte, taksa bâk chanpite leh thutep chanpite a hung hitau hi.

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

1 THESSALONITE 1:10

A Chapa Jesu, mithi lak ah kipat a kaithawkitpa chun, lungnatna hung tung ding lak ah ei hukdok in, van ah kipat a hung kitna ding chu ngak in la um tau ahi.

1 KORINTH 15:1

Suapite haw, la kiang ua Chanchinpha ka hun gen tâk, la het ua la din zing nau kha ka hun gen thak kit hi;

ROMTE 15:27

Zia a thilbawl uh chun amau a kipaksak ah, zia gual thil hi, chu a bat uh le ahi him a; Jentelte chun thagau lam ah a thil chanteu chu a hun kikoppi tâk ziak un, taksa lam thil ah amau tâksapnau a kithuapiu chu, a bawl ding dawl uh le ahi him hi.

NASEPTE 13:41

“Mi musitte haw, ngai un! Mak sau inla, mangthai tau in; nangmau hun sung ngei in thil pakhat ka bawl in, zia thil chu la kiang un min hun gen leule, gingcha thei pua’n lau,” ti thu kha, a tia.

NASEPTE 13:32

Zia thu kipak um tak chu taklang in, I pu leh pateu kiang ah Chanchinpha a la tiam chu ka hun gen tau ahi.

NASEPTE 2:42

Amau haw chu sawlchâkte thuhilnate leh kithua khawmna, vaithum phelna leh pauchapnate’n a kipelut zing tau a.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

SAM 22:22

Ka suapite kiang in la min hil ing ka tin; mipi kikhawmte lak ah la min pâk ing ka.

ISAI 66:19

chuleh, a lak un tepte’na hun koi ing ka. Chun, a lak ua suakcha sunte chu namtin kiang in: Tarshish ah te, Put ah te leh Lud gam ah thalpi luaisa umte chu, Tubal gam leh Javan gam ah te leh, gamla tak ah thialkâl gam zosia ka lopina a la he’kha nai lo leh, a la mu kha nai lo zosiate kiang in sawl ing ka tin; tichun, ka lopina chu namtin kiang in puang jak ta’n au.

SAM 2:7

Lalpa thupiak chu hun hil ding ka hi; ka kiang in: “Nang vâng ka chapa la hi; tu’ni ka hin la hi.

JOHAN 19:35

(Zia chu a vamu ngei ngei pa chun a gen ahi, a thugen chu a dik ngei ahi; ama chun a dik ahi ti a het ngei chu a gen a hin, zia chu nang unle la taksan theina ding ua a gen ahi.)

2 PETER 1:16

I Lalpau Jesu Khrista thilhitheina leh a hungna thu ka hun hil lai un, tuanthu pil tak ah ngaitua dawte mai zui ka hi puau ah, a lopina mutute ka hi zawu hi.

KISIMNA LEKHABU 10:32

Chuleh, lei zui leh Lalpa‘n ka chung ua thilpha a bawl dungzui in, nang chung ah le hun bawl ding ka hiu,” a tia.

JOB LEKHABU 13:1

En in, ka mit in zia zosia chu a la mu ta’n, ka bil in a la he ta’n, a hechian tai.