REVELESEN Anutu wari Jon ga' Girii Jisas ning ki anatintingneinga kagu' 22:14 - Anutuning midi totangka ingaʼni

¹⁴ Ami taming ka kwi' fuksi' ganang iipma ning u kafakafa sini' kuma' yoking geng kabi'guk mokngang adi gi'sa' ikni'ga'. Yong girii kareng wara'ning sinim girii ning iming ganang wa aming ka warisa' anga amani'ga'. Ning tinga Anutu wari firi mindip ka adisining nana ka fikifiki ningsa' iik wara'ning u iminga nanga ikni'.

REVELESEN Anutu wari Jon ga' Girii Jisas ning ki anatintingneinga kagu' 22:14 Referans Kwoze

REVELESEN Anutu wari Jon ga' Girii Jisas ning ki anatintingneinga kagu' 21:27

Ka aming kadagasi ka kadapmang kadagasi sini' titing a midi mandaga' gikneting adi yong ka wara'ganang amanga adisining kadapmang kadagang u kabi'ning bema ama ning guk mokngang sini', adi gaga naro'sa' ikiting. Aming ka yong girii wara'ganang amama ning wa aming karesi ka adisining wapsi' ka sipsip nano ning buk girii ka aming wari ka' fikifiki ningsa' iik wara'ning wap kuma' yora kabiging warisa' wa giri, yong wara'ganang amama ning ning kaguk.

1 Jon 5:3

Beng sini' midi ka aming wari Anutuga' ninak wara'ning ki sini' wa adi Anutuning midi kadapmang u ninaksa' tanga yarota'. Ka Anutuning midi wa mamareng mo' ararangeng karengsa'.

REVELESEN Anutu wari Jon ga' Girii Jisas ning ki anatintingneinga kagu' 22:7

Ka girii Jisas wari ning tuguta', i nakni' naga tubobu abubu ning wa kabi'sini' adera', umpang ka ya napa' ka wari beng guk sini' kagadofi wara'ning. Wara' aming ka umpang i indangira kanga midi yaraga' sura irota' wa adi kareng gi' irota', ensel wari ning nanggu'.

1 Jon 3:3

Ka aming ka Kasira Aming Jisas ning iik wa napa' beng guk ning sura ikiting adi Jisas wa aming didimeng sini' kadagang kabi'guk mokngang, ning sura iting anasining kabaksi' undu' tipgidaba tanga didimengsa' ikiting.

JON Anutuning midi kareng Jon wari yoku' 14:15

Ka Jisas wari arantagimni u nua'bu yanggu', sidi nagata' sini' naknga wa kadapmang kareng ka midi ka naga sidi titiga' sanitik u yarasa' tinting.

REVELESEN Anutu wari Jon ga' Girii Jisas ning ki anatintingneinga kagu' 2:7

Ka sidi midi ka i kafakafa naknga ting, midi ka ya Anutuning mini unggo wari naktangka aming bak kubanik kubanik dabiksa' ka kama kama indeng ira yareting waraga' imara'. Aming ka kadapmang kadagang wari adiganang abuinga adi kabi'guk mo' tota' tangkunang ningsa' adeuta' wa na ning anotik, gu anga firi mindip kareng ka Anutuning feng ganang ikita' u bema nanga fikifiki ka' ningsa' itarotang, ning yora imotang ning nanggu'.

REVELESEN Anutu wari Jon ga' Girii Jisas ning ki anatintingneinga kagu' 22:2

Kadofinga yong girii ning kadapmang meng girii ganang biningsa' unara famugogu'. Ka ama wara'ning gaga fugung fugung ganang wa firi ki fama' guk, firi ka wa aming wari ka' iyak wara'ning. Firi fama' ka wari mindip titamu' wa kama kubanik ganangsa' mo' titamu', mokngang adi mayap kubanik kubanik fikifiki gurak kubanik ganang wa tadadenga ausa' titamu'. Ka firi fama' wara'sining sasa'si' undu' karesi. Sasa' ka wa ami taming yong yong kabi'mo' wara'ni u yotangkayabinga bagana guk mo' titi wara'ning.

JON Anutuning midi kareng Jon wari yoku' 10:7

Ka aming wari adining midi nakeda guk mo' tiging u yapma Jisas wari nua'bu ning yanggu', beng sini' urang sanarik nagasa' na sipsip ning sinim wara'ning iming beng sini'.

JON Anutuning midi kareng Jon wari yoku' 10:9

Beng sini' nagasa' wa sinim wara'ning iming ning itik. Aming ka iming ka wara'ganang abanga amanting wa napa' kadagang ni wari mo' ifikadauta'. Mokngang adi kugurang kareng gi' giri ikanting. Ning tanga nana fam yapma naunga fugang amama a iyung bane tubobu afanga kugurang gi' iik wa iming tangkunang kareng ka u torik wara'ganangsa' tinting.

REVELESEN Anutu wari Jon ga' Girii Jisas ning ki anatintingneinga kagu' 7:14

Ka nagabu ning aniguk, o girii na wara'guk mo' nakedarik, a gu fafongsa' wara' gu nangdidima te'. Ning aniinga aming girii wari ning nanggu', <

GALESIA Midi umpang Pol wari Galesia amingga' yokiamgu' 5:6

Ka beng sini' aming ka naktangka tanga Kasira Aming Jisas ganang sini' kuma' yorafanga ikem wa napa' ka Juda ning kadapmang tapni yaranga fukni' giknim kuma' dudop wa ma mo' dudop wa dabik ningsa' ikitam. A napa' girii kubanik wa ning, indi Kasira Aming Jisas ga' naktangka tanga kabakni' ka aming fam ga' naknga yotangkayap titining wara'guk ikantam wang.

REVELESEN Anutu wari Jon ga' Girii Jisas ning ki anatintingneinga kagu' 21:12

Ka yong ka wa sinim girii furo'ning sini' guk tiging. Ka wari yangkaramakinga yong wa sinim wara'ning bining ikita'. Ka sinim wara'ning iming ka yong girii waraga' mama ning wa 12 ning. Ka Anutuning ensel 12 ning wari sinim wara'ning iming kubanik kubanik u yaptatoranga adeging. Ka iming wara'ning using ganang wa Juda arantagim 12 wara'sining wap kubanik kubanik u yora yareging.

1 Kor 9:5

Beng sini' aposel fam a girii Jisas ning kuyane a Pita adi aposel kane wa tamse guk dabik inagira tanga ingainga fiotangkayabiting. Ka Banabas guk indi ning undu' girisa' tinga yotangkanip ning de, ka indi amisa' wara' indi kane nanapmo'sa' tanga ingainga sidi mamarang ka yotangkanip titining wara'guk mo' bemiting.

1 Kor 8:9

Ka kuyane, napa' ka gu girisa' titining ning kanga totang wari kuyaga nua'ni naktangkani tang guk mokngang u ma tipkadawa' wara' napa' fam tonga wa kafakafa sura kadapmang ka aming fam yotangkayap ning guk unggungsa' tinting.

JON Anutuning midi kareng Jon wari yoku' 14:6

Ka Jisas wari ning anigu', yong ka wara'ning kadapmang wa nagasa'. A midi beng guk ning ki a ka' iyak ning ki undu' nagasa'. Aming wari sibeng ganang kagadofi wara'ning kadapmang nua'ni guk mokngang, nagaganang sa' abanting.

JON Anutuning midi kareng Jon wari yoku' 4:12

Ama kwang ya timinggi' sini' papani' Jekop wari unegu'. Ka Jekop ana nanga anganga inga' adining arantagimni a magasi' mambong dabiksa' wa ama kwang ka kubanik inggingsa' nanga ikiaging. Ka inga' irisi' indibu kadofinga undu' kubanik inggingsa' bema nanga ira abutam. Ka indining, gu ama kuni' nua'ni tipkadofi ning tang guk wa. A gu papani' Jekop ba tarafaronga torang.