REVELESEN Anutu wari Jon ga' Girii Jisas ning ki anatintingneinga kagu' 21:5 - Anutuning midi totangka ingaʼni5 Midi ka wari tanga biinga aming girii ka tare kareng ganang mareiagu' wari ning togu', sidi i kani' na napa'napa' wa inga'ni karesisa' ubu kuma' ifakadofarik. Ning tonga ning ubu nanggu', gu midi ka nua'bu ituautik ya umpang ganang iyok totang. Ka midi ka i toutik ya beng guk sini' aming wari naknga naktangka titi wara'ning. Gade chapit la |
REVELESEN Anutu wari Jon ga' Girii Jisas ning ki anatintingneinga kagu' 21:5
14 Referans Kwoze
Ning tinga ensel ka tim nanggu' wari nua'bu ning nanggu', midi ka i ganotik ya umpang ganang yora kabotang. Midi ka wa ning, aming arantagim ka Anutu wari sipsip nano ning taming kafauwe wara'ning tangsana u nana waraga' katianara' adi kabaksi' karengsa' nakanting. Ning tanga nua'bu nanggu', midi ka u iyok ga' ganarik wa mandaga' mo' midi beng guk sini' Anutu ananing mini sanom sini' u bema ganarik.
Ka ensel ka wari ning nanggu', midi ka u torik wa mandaga' wa ma beng guk wa ning mo' surotang. Beng guksa' ganirik aming wari midi ka u naknga waraga' naktangka tangkunang titi wara'ning u ganirik. Anutu girii wari adining mini unggo profet ga' iminga adining midi i ituating warisa' adining kane aming ensel naga nangkareinga afanga aming ka adining kane tanga ikiting sidi nasi' nasi' wari kabi'sini' kagadofi wara'ning waraga' sangnatama yararik.
Ning tanga nua'bu tanga kaguk ka king girii tim iyak sini' wari adining tare girii fafa' kareng wara'ganang mareiagu'. Adining tangkunang wa kabasi' kabasi' mo', napa' nua'ni wari adining tangkunang u tatarafik ning guk mokngang. Abanga adigok ade ning guk mokngang wara' napa' tangkunasi girisi fama' ka kama a kunim undu' kuma' bisasu'neinga anapmo'sa' mareiagu' u taranga kaguk.
Ka midi ka togu' wa ning, gu napa' ka i gangtintingneinga yabarang a ganirik ya umpang ganang dabiksa' yoksasu'nanga manggara naktangka aming bak ka yong seven ning wara'ganang iking wara'siga' ima yarotang. Yong seven ning ka wara'sining wapsi' wa ning, Efesas a Samena a Pegamam a Taiataira a Sadis a Filadelfia a Leodisia ning waraga' ima yarotang ning nanggu'.
Ka indi midi dibing kabi' ka nua'bu tipdidira ning togu' u kanga ning sura nakedantam, napa'napa' ka Anutu wari tasasu'negu' u iking wa adi inga' nua'bu kuma'sa' ifadidiranga ifamirisasu'no'ga'. Ning tinga napa'napa' tangkunasi' ka dani' wari kaga ning guk mokngang a tipkadaga titining guk mokngang warisa' wa tangkunang ningsa' ko ikni'.
Piblisite