REVELESEN Anutu wari Jon ga' Girii Jisas ning ki anatintingneinga kagu' 21:4 - Anutuning midi totangka ingaʼni

⁴ Ning tinga nasi' mamareng aming wari bema ira dasi' ameng guk ikiting wa Anutu wari yotangkayap tanga dasi' ameng u ififeima tota'. Ning tinga adi dasi' pamparangeng gi'sa' ubu ikanting. Abanga adi Anutu wari yotangkayabinga nua'bu kungkumak ning guk mokngang wara' aming adi amise ga' sura bibiri' naknga a kabaksi' mamareng naknga mak nua'bu kakyam ning guk mokngang. Nasi' nasi' mamareng ka aming wari tim bema tanga naknga ikiting wa kuma' bira' yang.

REVELESEN Anutu wari Jon ga' Girii Jisas ning ki anatintingneinga kagu' 21:4 Referans Kwoze

REVELESEN Anutu wari Jon ga' Girii Jisas ning ki anatintingneinga kagu' 7:17

Adi sipsip nano wari kama ka girii wari marekita' wara'ganang didimeng sini' ira kafakafa sini' ka aming wari adisining sipsip arantagim yaptatoranga nana a ama ga' nakinga kafakafa sini' urang tiama yaptatoreting ning tiama yaptatoreinga adi damdang sa' ikiting. Mamareng ni wari adiganang kadofiamonga tinga wa Anutu wari mamareng u tanga kayoyamita' wa aming wari mak karong tinga dasi' ameng urang ifafeiamiting ningda'ning tiaminga adi pamparangeng karengsa' ikiting ning nanggu'.>>

1 Kor 15:26

Ning tanga ari'sini' wa napa' mamareng ka kigineng girii ka kungkumak titam wara'ning u wadigi' tipmiro'ga'.

1 Jon 2:17

Ka kama ya kuma' biwa'ga', ning tinga kadapmang kadagasi ka aming wari waraga'sa' u naknga titing undu' wadigi' kuma' biwa'ga'. A aming ka Anutuning midi naknga yara tanga irota' adi bibi' titining guk mokngang, adi Anutu guk tangkunang ko fikifiki ningsa' ira awa'.

MATYU Anutuning midi kareng Matyu wari yoku' 24:35

Ka beng sini' torik, napa' tangkunang sini' ka kunim a kama wa kuma'sa' bisasu'no'. A naganing midi wa bibi' titining guk mokngang sini', wa fikifiki ko ningsa' ira awa'ga'.

REVELESEN Anutu wari Jon ga' Girii Jisas ning ki anatintingneinga kagu' 21:1

Ning tanga taranga kaguk ka kunim timini a kama timini a gwang timini ka i ikem idi nua'bu mo' yagu' wadigi' kuma' bisasu'negu'. Ning tinga kunim a kama ka inga'ni kuni' nua'ni sini' wari ubu kadofigu'.

REVELESEN Anutu wari Jon ga' Girii Jisas ning ki anatintingneinga kagu' 20:14

Ning tanga aming girii wari napa' kadagasi sini' fama' ka kungkumak titining tangkunang a aming kungkumosi ning yong kadagang u manggara kudip girii ka gwang da'ning danga bera defak wara'ganang kura ipmainga manga wadiging danga bisasu'negumu'.

REVELESEN Anutu wari Jon ga' Girii Jisas ning ki anatintingneinga kagu' 22:3

Napa' kadakadagasi ka Anutu wari waraga' bibi' sini' nakita' wa yong girii kareng wara'ganang guk mo' ikiting mokngang sini', napa' karesi karesi warisa' ikiting. Ning tinga Anutu girii guk ka sipsip nano guk warisa' adisining tare kareng ganang u mera napa'napa' yong girii ganang u yaptatoretamu'. Ka ami taming ka yong girii wara'ganang ikiting adi fikifiki Anutuga' mesisiringam ningsa' fating.

2 Pita 3:10

Ka kama ka girii wari tubobu abubu wara'ning wa indi wara'guk mo' nakem. Ka adi kadapmang ka kubu aming wari aming nua'ni'ning mambong manggaknonga kaga' urapsa' urang kadofiting ningda'ning tanga urapsa' kadofinimo'ga'. Kama ka wara'ganang wa kama wari bibi' titining ari' wara' napa' gigi girii wari kadofinga napa' tangkunasi ka kunimganang iking wari kudip danga bisasu'nani'ga'. Ning tanga kama guk ka napa' kamaganang i iking undu' kudip danga wadigi' kuma' bisasu'no'ga'.

1 Kor 7:31

Abanga aming ka kamaganangning mambong kuni' kuni' yaptatoreting adindu' aming ka mambong kabi'sa' guk ningda'ning ubu ikanting. Beng sini' kama ka i kayam ya wadigi' kuma' biwanga tara' wara' indi girii ning kane ka fikifiki ningsa' iikning u titi waraga'sa' sukantam.

2 Kor 6:17

Ka Anutu adi midi nua'ni ka undu' ning togu', <

2 Kor 5:17

Wara' ning toyam, aming ka Kasira Aming Jisas ganang sini' ubu garanga irota' wa Anutu wari adining iikni wa inga'ni kuni' nua'ni ubu kuma' tipkadofingamara'. Ning tinga adining iikning kadapmang ka tim tanga irota' wari wadigi' bisasu'neinga iik didimeng inga'nisa' ubu kuma' tara'.

HIBRU Midi umpang aming nua'ni wari Juda amingga' yokiamgu' 12:27

Ka indi midi dibing kabi' ka nua'bu tipdidira ning togu' u kanga ning sura nakedantam, napa'napa' ka Anutu wari tasasu'negu' u iking wa adi inga' nua'bu kuma'sa' ifadidiranga ifamirisasu'no'ga'. Ning tinga napa'napa' tangkunasi' ka dani' wari kaga ning guk mokngang a tipkadaga titining guk mokngang warisa' wa tangkunang ningsa' ko ikni'.

REVELESEN Anutu wari Jon ga' Girii Jisas ning ki anatintingneinga kagu' 20:13

A aming ka kungkumaksi' kuni' kuni' tiging fam ka gwang topnanga kungkumak a napa' ni wari ifakadagainga kumara urasi' wari aming kungkumosi ning yongganang mugo ning tiging wara'sining urasi' dabiksa' wari marara aming girii wara'ning diming ganang adeging. Adeinga aming girii wari nasi' kadapmang a iik ka adi tim tanga yaging wara'ning u yapdidimanga ning tanga wara'ganang tagagareyapku'.