Adi ning tonga bibiri' girii naknga mak kara kafasi'sa' kwenga fameingaging. Ning tanga ning toging, o indi yong girii waraga' bibiri' sini' nakem. Indi fikifiki sip ganang yangara abanga yong girii wara'ganang kadofinga adisigok napa' kura' aming tanga kangasi sini' ikitam. Ka kami kaga'sa' yong girii wara'ning napa' napa' wari urapsa' kuma' kadara' u kanga indi adita' bibiri' girii nakem ning toging.
REVELESEN Anutu wari Jon ga' Girii Jisas ning ki anatintingneinga kagu' 18:10 - Anutuning midi totangka ingaʼni10 Ka adi kudip girii wari yong girii ganang danga kadofo' u kanga o indindu' ma danga meknam ning tonga mutu girii tanga du' guk mo' ani'ga'. Mokngang adi kamani bangapsa' ira tonga kanga o yong girii Babilon ka kigineng sini' ikitang udi beng wa darang, ganing kadapmang kadagang warisa' tanga kagaya girii kaga' urapsa' beng wa bemarang bibiri' sini' ning tonga yarani'ga'. Gade chapit la |
REVELESEN Anutu wari Jon ga' Girii Jisas ning ki anatintingneinga kagu' 18:10
17 Referans Kwoze
Ka mamareng ka u bemo' wa bagana kagaya a udi kadagasi a amine irosiapma mak sa' mera fagak a tugumung girii a kudip wari fugu i danga fiara ning wari kadofingamota'. Ka gimanggi' mo' kadofingamota'. Mokngang sidii kubanik ganang kaga' dabiksa' urapsa' sekyanga kayouta'. Beng sini' Anutu warisa' taming kadagang waraga' mamareng ka kigineng sini' u tangamota' ning togu' u nakuk.
Adi ning tuguinga ensel nua'ni wari undu' mandang yaranga abanga midi bang sini' ka ning togu', o beng guk sini' torik yong girii Babilon urang udi kuma' kadara' karik. Ka yong girii wara'ning ami taming dabiksa' adi sansaramik tuang. Adi kadapmang kadagang ka u bema anga arantagim nua'ni ubu yanggeksasu'neinga adindu' napa' sansaramik kadagang ka u tanga ikiting wa bibiri' sini' kami yara'ganang wa yong ka wa kuma' kadara' ning togu'.
Ka miri' ten ning u yapmang wa king arantagim ten ning ka ko mo' kadofing wara'ning kamaga u yapmang. Inga' keng baseni ka wari tubobu kadofinga aming yaptatoro' ganang wa king arantagim ka adindu' kadofinga kane u kubap tini'ga'. Ka adi kama paramu' mo' yaptatorani'ga'. Mokngang adi kama pumpurumsa' ka aua kubaniksa' yaptatoranga tanga bini'ga'.
Dipminga yugukinga adisining bapmasi' wa yong girii ning kadapmang bining ganang unggung sarengsa' defakdemu'ga'. Kama ka u dipmo' wa yong ka adisining girisi' ugariging wara'ganang didimeng sini' dipmo'ga' wara' yong ka wa wapni kadagang ka Sodom guk ka Isip guk ning tuguting wara'ganang u defakdemu'ga'.
Kining wari kadofiinga Anutu adi yong girii Babilon wara'ning kadapmang kadagang ga' ko sura adining kaba kagaya naknga itarugu' u tipsarendanga yong girii u famineng ning udayapku'. Ning tanga kining girii ka wari yong yong dabiksa' ka kama yara'ganang ira yareting u dabiksa' ifakadasasu'nanga yaregu'.
Piblisite