Ka kadapmang ka adi ensel arantagim ka iyap guk mo' tanga wapsi' sigesa' ifakadagating wa kadagang sini' titing. Timinggi' Moses wari kumogu'ganang wa Anutuning ensel girii kareng Maikel wara'guk ka ensel kadagang Setan guk adi Moses ning fugu u bimbem ga' arok tugumu'ganang wa ensel kareng Maikel adi kafakafa sini' kuma' nakedanga midi kadagang mimeng sini' mo' animbegu', mokngang, adi midi pumpurumsa' ka Anutu warisa' kuma' gabota' ningsa' togu'.
REVELESEN Anutu wari Jon ga' Girii Jisas ning ki anatintingneinga kagu' 12:7 - Anutuning midi totangka ingaʼni7 Taming wari mugoinga ning tanga kaguk wa kunimganang kuta ami' giri tiging wari kadofigu'. Ka ami' ka wa ning tiging, ensel girii ka wapni Maikel wari adining ensel arantagim fam u inagara ning tanga abanga napa' kadagang ka garam girii da'ning wara'guk ka adining ensel kadagasi fam wara'guk ami' girii tiging. Gade chapit la |
REVELESEN Anutu wari Jon ga' Girii Jisas ning ki anatintingneinga kagu' 12:7
23 Referans Kwoze
Beng sini' aming ka kadapmang kadagang tanga ikanting wa inga' Anutu adi iibi titining guk mokngang. Ka sidi kadapmang ka Anutu wari tim tanga ira abugu' waraga' sukanting. Adi ning tugu', timinggi' sini' Anutu ananing kunung aming ensel fam adi kadagang tiging wa adi iibisa' mo' tugu', mokngang, adi kagaya bimbem ning kamaganang manggara kukyabinga kasi' kafasi' sen guk gaa' kangkam sa' wara'ganang ira kama ka Anutu wari aming dabik midiganang kukyapma tagagareyap wara'ning u ko kapmera iking.
Ka ami' ka naktangka aming indi titiga' u torik wa aming sini' aming sareng wara'guk ami' wara'ning waraga' mo' torik, mokngang. Ami' ka wa mini unggo kadagang Setan wara'ning arantagim ka mini unggo kadagasi fam a murak kadagasi girisi ka kunimganang ikiting a kamaganang i ira kama kangkam u katatoreting wara'ning kigineng guk ami' waraga' torik.
Ensel ka wari afanga ning tanga aming kadagang Setan u suronga bema kayong kafong sen wari iptatangkanga bema kwang ginang kadagang girii ka ari'ni guk mokngang wara'ganang kuragamanga ning tanga ki' ka u bemgu' wari kwang wara'ning deni u wadigi' sini' wapsefitangkagu'. Ka aming kadagang Setan ka u bema kuragamagu' wa garam girii da'ning urang fengata' wang. Adi Anutuning ami taming karesi ga' bibi' sini' nakita'. Timinggi' sini' adi kamaganang i gimik urang igira kadofigu' wang unggungsa' bema kuragamagu'. Anutu wari ami taming nua'bu mo' ifakadaga waraga' sura bema kwang wara'ganang kuragamainga adi kwang mang apa kama paramu'sini' ka gurak wan tausen ning itarota'ga'. Ira anganga gurak wan tausen wari biinga Anutu wari kama pumpurumsa' kabi'ning fadara kaminga ami taming u kama pumpurumsa' ganang nua'bu ifakadawa'ga'.
Ensel karesi warisa' irafara dipminga ning tanga napa' kadagang ka garam girii da'ning wara'guk ka adining arantagimni ensel kadagasi wara'guk dabiksa' u manggara kama ganangga' i kura ipmaging. Napa' kadagang ka wa tim kamaganang i afanga gimik igira aming mandaga' urang indaramiku' wang. Ka adining wapni wa fama', nua'ni ka Setan a nua'ni ka Devil ning aniting unggungsa' bema kura kamiging.
Ning tanga sidigok ka indigok dabik indi kami yara'ganang mamareng bemem wa Anutu wari mamareng u tangyuguknima kama kugurang karengsa' kabiniminga gi'sa' ubu iknam ga'. Kama ka wara'ganang wa girii Jisas wari adining kunung aming kiginesi arantagim a adining kigineng girii ka kudip mimbem girii da'ning afuinga kanam ga'.
Ka napa' ka Anutu wari kunimganangga' ninagira aranga nangtinting tugu' u torik wa napa' girii mang sini', wara' Anutu adi naga napa' waraga' naganing wap ma bema arok ning tonga napa' mamareng nua'ni u kabinaminga fakadofinamara'. Mamareng ka wa aming kadagang Setan wari kaminaminga naning fukna i kagaya fanamara'. Ning tinga na kagaya waraga' tanga fukna bema afanga itik.
Ka beng sini' inga' sibeng wari Amingning Tim Iyak nagata' tangkunang a wap girii u naminga yotangkanap titi waraga' ensel arantagim guk afok wara'ganang wa nasi' nasi' kadapmang ka aming wari tanga ikiting wara'ning toni kura' tubobu tiamonga wa anasining iiksi' unggungsa' yaranga kadagang undu' kadagang a kareng undu' kareng tiam ning u ana kuma' tanga ikiting wara'ganang didimengsa' tok.
Ning ina ning tanga aming arantagim ka kafana kesini ganang tara' tarayabok wa ning inok, a arantagim ka sidi wa kadasasu'na titi wara'ningsa' wari adeing. Sidi ninibi tanga kudip kadagang ganang mani'. Kudip kadagang ka wa Anutu wari aming kadagang Setan wara'guk ka adining ensel kadagasi arantagim guk wari kudip ka wara'ganang mugo waraga' kuma' tugunungnanga kabigu' wara'ning.
Ka napa'napa' u defata' wa Anutu warisa' tugu' wari ikem. Abanga napa'napa' wari ka' ira tangkunang guk iking wara'ning ki undu' Anutu anasa' tiniminga ikem. Ka Anutu adi aming arantagim kabi'mo' u adining mindine ning indifaigikinga ira adigok wap girii u bema iik waraga' sura wa kadapmang ka u tugu'. Ka Anutu adi Jisas wari kagaya u mo' bimbem waraga' kadapmang nua'ni guk mo' tugu', mokngang, Anutu adi Jisas wari kagaya u beminga aming indi indagira fonga kuknipma adigok marek kareng sini' ganang dabik iyak waraga' kuma' sura kagabi sa' tinga kagaya u bemgu'. Ka kadapmang ka Anutu wari u tugu' wa didimengsa' tugu' ning kayam.
Piblisite