FILIPAI Midi umpang Pol wari Filipai amingga' yokiamgu' 4:1 - Anutuning midi totangka ingaʼni

¹ Ka naktangka aming ka Filipai yong iking sidi naganing kuyane sini' ningda'ning na sidita' siamo' fanakarik. Ka na kamani sini' itik sapdamda titining guk mokngang waraga' tanga na sidita' bibiri' siamo' fanakarik. Ka na sidi kadapmang kareng tanga iking wara'ning midi u naknga kabakna karengsa' naknga ning fatorik, o aming arantagim ka wa naning tangkunang. Wara' kuyane sidi naga midi i yoksamirik i kanga ninaksa' tanga girini'ning kadapmang kareng u yaranga tangkunang guk ikanting.

FILIPAI Midi umpang Pol wari Filipai amingga' yokiamgu' 4:1 Referans Kwoze

FILIPAI Midi umpang Pol wari Filipai amingga' yokiamgu' 1:27

Ka kadapmang kareng ka sidi titining wa ning, nasi' kadapmang ka sidi iiksi'ganang tinting wa didimengsa' ka Jisas ning midi kareng wara'guk dabiksa' tinga kanting. Ka sidi kadapmang didimengsa' ka ning u tanga ikanting wa naga u mo' anga sapma inggingsa' nama iik wa sidining kadapmang kareng wara'ning midi u naknga kabakna karengsa' ka unggung sini' anga sapning ningda'ning nakotik. Ning tanga ning toutik, o beng sini' adi kane mamareng ka aming wari midi kareng ga' naktangka titi waraga' ina yara wara'ning u titi waraga' wa adi kabaksi' kubaniksa' kufara anasa' kura' yotangkangam tanga tangkunangsa' kuma' ba adenga ting.

1 Kor 16:13

O kuyane napa' kabi'mo' ka sifikadaga tinga naktangkasi' u kagabi wara'ning wara'guk iking. Wara' sidi aming sini' ningda'ning ira naktangka tang tanga napa' sifakadaga titining wari sidiganang kadofiinga tangkunangsa' ade wara'ning sasuk kigineng guk ikanting.

1 Kor 15:58

Ka na kuyane ka sidita'sa' nakitik sidi midi kareng ki ki ka u sana yararik waraga' sura kabaksi' tiptangkanga sasuksi' kubaniksa' kufara ikanting. Ning tanga girii ganang ira adining kane sa' tanga ira anting. Ka wa beng sini' ning torik girii ning kane ka sidi u tanga ikanting wa ni ka sigesa' guk mo' biwa', mokngang, wa beng guksa' kuma' kadofisaminga kani'ga'.

FILIPAI Midi umpang Pol wari Filipai amingga' yokiamgu' 1:8

Ka Anutuning de ganang beng sini' ning sanotik, Kasira Aming Jisas wari indita' siamo' nakita' ningsa' nandu' sidi kadapmang kareng u kanga sidining nondaksi' sini' sasap ga' siamo naknga itik.

HIBRU Midi umpang aming nua'ni wari Juda amingga' yokiamgu' 10:23

Abanga indi naktangka ka inga' Anutu wari iik kareng kabinim waraga' tanga ikem waraga' wa beng sini' u tanam wa ma mokngang wa ning tonga sasuk fama' mo' tantam, mokngang. Indi Anutuning kadapmang wa kuma'sa' katam nasi' adi tuguta' wa adi kuma'sa' tipkadofita', wara' indi waraga' sura o beng guk ning tonga suktangka sa' tanga ikantam.

ROM Midi umpang Pol wari Rom aming ga' yokiamgu' 2:7

Ka wara'ning wa ning, aming fam indi sasuk ka Anutu wari inga' kafakafa tanipma damdang sa' marek a wap kareng guk iik a ka' iik ka bibi' titining guk mokngang u niminga iik waraga' suktangkanga kadapmang didimengsa' yaranga tanga ira abutam. Wara' inga' Anutu wari yotangkanim tanga ka' iik kareng ka fikifiki ningsa' iik u kabinimo'.

JON Anutuning midi kareng Jon wari yoku' 8:31

Ka Jisas wari Juda aming ka adining midi u naknga beng ning toging u ning yanggu', sidi fikifiki naning midi i ninaksa' tinting wa sidi naganing arantagim sini' ning ikanting.

2 Timoti 2:1

Ka sabana kareng Timoti gu kane kagabi ning kadapmang ka aming fam wari ting ning guk mo' totang, gu tangkunang ka Kasira Aming Jisas wari ai'dap tanga nimita' wara'guk ira tangkunangsa' adeutang.

FILIPAI Midi umpang Pol wari Filipai amingga' yokiamgu' 2:26

Tim sidi adi nagok i ira bagana mamareng tugu' u naknga waraga' kabaksi' mamareng naknga ikiting ka adindu' fikifiki sidita' bibiri' fanakara', abanga adi tubobu anga sabinga sidi adining bagana waraga' kabaksi' mamareng naknga iking u nonda kanga ararangeng ubu ninak waraga' sura anga sap titiga'sa' naknga fatora'.

Ap 11:23

Anga kadofinga yapku' ka Anutu wari kafakafa beng sini' tiamgu'. U kanga kaba karengsa' naku'. Ning tanga adi kane ka kabaksi' ifimarakinga naktangka tangkunang ningsa' tanga iik wara'ning u tanga yagu'.

Ap 2:42

Ka fikifiki naktangka aming adi kadapmang kareng ka bak kura mera aposel wari midi yanggekinga wa kafa kafasa' ninak a kura' yotangkangam titi, abanga nana baksa' kura nana a ibang bak kura tugu ning ubu tiging.

2 Pita 3:17

Ka kuyane na aming ka wara'sining kadapmang mandaga' waraga' wa kuma' sangnataminga naking wara' sidi sasuk guk ira aming ka u yapkeda ning tangkunang guk ikanting. Ka inga' aming Anutuning midi kapmik mo' iikisi ka ningwari sidiganang kadofinga sanggekinga wa sidi kadapmang kareng gi' iikning u kabinga kadaga guk mo' tini'.

HIBRU Midi umpang aming nua'ni wari Juda amingga' yokiamgu' 4:14

Ka indi aming ka indi yotangkanipma Anutu wari indining kadagang u ufafenim waraga' anini wara'ning girii sini' wapni ka pris giri wara'guk kuma'iknimara'. Adi kamaganang i iya' kabinga aranga Anutuganang didimengsa' anga ikiamu'. Ka pris girii ka wa Anutuning mindingni Jisas, wara' indi waraga' sura adita' naktangka tem wara'ning kadapmang kareng wa ningsa' surotangkanga ikantam.

HIBRU Midi umpang aming nua'ni wari Juda amingga' yokiamgu' 3:14

Tim munumung indi girii ga' naktangka tugum ganang wa indi naktangka wa tangkunang sini' tanga yagum. Ka indi naktangka tangkunang ningsa' tanga ira antam wa iik kareng ka girini' Kasira Aming Jisas wari kuma' bema ita' wa indindu' bema iknam.

2 TESALONAIKA 2:15

Wara' kuyane sidi waraga' sura midi beng guk ka indi mini' ganang sini' sanggekum a umpang ganang yoksamem u naknga surotangka tanga tangkunang ikanting.

KOLOSI Midi umpang Pol wari Kolosi amingga' yokiamgu' 4:12

Ka Epafras ka sidining yong dabik adindu' girii Jisas ning kane aming ka adindu' sidita' kaba kareng naknga tora'. Ka na adining kadapmang wa kuma'sa' kadidimanga itik wara' na beng guk ning sanotik, adi Anutu wari Kolosi sidi a aming ka Leodisia yong a Hirapolos yong iking sidi yotangkasap ga' sura kane girii tanga ibang ka sidining sasuk wari girii kadofinga kadapmang kareng titining tangkunang guk ira ning tanga nasi' nasi' Anutu wari sidi titiga' nakita' u nakedasasu'na waraga' ibang tangkunang fatosamara'.

GALESIA Midi umpang Pol wari Galesia amingga' yokiamgu' 5:1

Ka Kasira Aming Jisas adi tim indi Juda ning midi tapni wari tofaniptangkainga mamareng guk yagum u nipma afanga u fadara kayoniminga mamareng guk mokngang sige karengsa' ubu kuma' ikem. Ka sidi Juda ning kadapmang tapni wara'ganang nua'bu iikga' mo' sukanting, mokngang, sidi tarakayo tanga ararangeng kareng ikanting.

1 TESALONAIKA 3:13

Anutu wari ning u tasama sidining kabaksi' u sifitangkainga sidi kadapmang karengsa' tanga ikanting. Ning tinga girii Jisas wari tubobu abanga adining naktangka aming u bak dabik fabanga kuknibo' ganang wa sibeng Anutu wari sidining kadapmang wa didimeng karengsa' kawa', ning fatoyam.

MATYU Anutuning midi kareng Matyu wari yoku' 10:22

Ka aming kabi'mo' wari sidi naganing kane tini' u sapma sidita' bibi'sini' naksamni'ga'. Ka sidi mamareng ka waraga' bima guk mo' tanga tangkunang ningsa' tanga ira ani' wa na inga' kafakafa tasapma gi' manggara kuksabinga ikni'.