FILIPAI Midi umpang Pol wari Filipai amingga' yokiamgu' 2:9 - Anutuning midi totangka ingaʼni9 Ning tinga Anutu wari adining kane kareng u kanga tubobu tipmarara nagira taranga napa'napa' girisi girisi ka kamaganang a kunimganang u defata' u dabiksa' niptatora wara'ning wap girii amiinga girii sini' ira niptatoranga ikita'. Gade chapit la |
FILIPAI Midi umpang Pol wari Filipai amingga' yokiamgu' 2:9
46 Referans Kwoze
Ka indi aming girii Jisas ka aming yotangkanibinga kareng gi' iik adining ki u kuma' kayam. Adi ning tugu', kama pumpurumsa' kamaganang i yagu'ganang wa Anutu wari tangaminga adining wap wa ensel arantagim ning wap u mo' irafiku', adining wap wa afufu kabi' ning tanga adegu'. Ka Anutu wari aming kamaganangni dabik indi yotangkanip ga' sura ananing bibiri' a ai'dap ganang kungkumak titiga' kuma' kabinimgu'. Kabiniminga afanga kungkumak sa' tugu'. Wara' adi Anutu wari waraga' tangkunang a wap girii ka napa'napa' u yaptatora wara'ning girii beng sini' kamigu'.
Ka indi girini' Jisas ning kadapmang kareng waraga' sura adi tugu' ningsa' tantam. Adisa' indining naktangka tipmarakniminga indi adita' naktangka tinga adisa' indining naktangka u tiptangkanim wara'ning ki beng sini' ita'. Ka adi beni Anutu wari kane kabingamgu' wa ninaksa' tanga yaranga tanga anganga mamareng girii ka firi ugari ganang kungkumak wari kadofingamonga tinga wa adi waraga' mutu tanga bima tanga kagabi mo' tugu', mokngang. Adi napa' kareng sini' ka beni Anutu wari inga' tangam waraga' suktangkanga ning suku', naga firi ugari ganang kumakinga aming wari aming kadagang ningda'ning undu' girisa' napmanting. Ning sura mamareng girii wa bimbem sa' tanga kumogu'. Kumara marara aranga beni Anutu guk kuta girii dabik ikitamu'.
Ka beng sini' na kadagang tipmakurata ning ami' kigineng u kuma' tanga tipmiringa naning sibeng guk aming girii king ning tare kareng sini' wara'ganang marekitamuk. Wara' aming ka kadagang tipmakurata ami' kigineng tanga tipmirota' wa na tare kareng ka wara'ganang bema kamiinga adindu' nagok girii dabik ira marekantamuk.
Ka Jisas wari ibang u tonga biinga ning tanga aming u ning yanggu', ka na sibeng Anutu wari napa' napa' yaptatora waraga' kuma' nipmigu' ka aming adi Anutuning mindingni naganing ki sini' guk mo' fanakeding. Mokngang sibeng anapmo'sa' wa giri nakedanga ita'. Abanga adi sibeng ning iik wara'ning ki undu' nakeda guk mo' ting. Mindingni nagasa' wa giri naknga itik abanga aming ka mindingni naga kuma' yangtintingneinga naking adindu' sibeng ning iik u nakeding.
Ning tanga nua'bu kaguk ka ensel namba seven wari adining be u figiku'. Figikinga aming kabi'mo' wari kunimganang kuta ku ning katiging, aming girisi fam wari kama i katatoreting wa adisining kane ka katatora titi ning wa kami ari' kuma' bira' wang. Indining girini' a mindingni Kasira Aming Jisas wara'guk adisa' ubu fikifiki ningsa' katatoranga ira antamu'.
Abanga Kasira Aming Jisas anasa' adi beni Anutuning midi naknga didimengsa' ninita' adindu' ai' dap tanga yotangkasap tinga kareng gi' ningsa' ikanting. Ka Jisas ka wa kungkumak kuma' tugu'. Kumoinga Anutu wari tubobu tipmarara bema aming arantagim ka inga' kungkumak tanga tubobu mamarak wara'ning tim iyak kamiinga ita'. Abanga adi aming girisi king wara'ning tim iyak girii furo'ning sini' ikita'. Adi indita' siamo' naknga indining kadagang tanga kayoniminga indi gi' giri iik waraga' sura afanga kumogu'.
Ka diok u kagum wara'ning ki sini' ka ning, girini' ana kama bubo nua'ni ka Anutu wari midi togu' wara' ananing kama bubo ning anitam wara'ganang indagira areinga sibeng Anutu wari ananing diok kigineng girii guk afanga mindingni Kasira Aming Jisas ning wap bema aranga adining tangkunang u ningtintingnonga diok kigineng wara'ning bining ganang midi ning togu' ya naganing sabana na adita' siamo' naknga kabakna karengsa' nakngamitik. Ka midi ka u togu' wa indindu' unggung dabik adegum wara' kuma' nakum.
Ka adi Anutuning aming arantagim indi niptatoreta' wa aming indining kini' wari tim iyak tinga bapmani' kani' kafani' adi yarasa' urang tita' ningda'ning niptatoreta'. Niptatoranga ka' iyak sabaranimita'. Adisa' indining ka' iyak ning ki ikita' Anutu wari inga' aming kungkumosi tubobu ifimararo' wara'ning tim iyak wa ananing mindingni tipmaragu'. Wara' aming indi a napa'napa' adindu' dabik ning nakedantam, adi aming a nasi' nasi' indining ki tim iyak ning ikinga indi adining kapmik ganangsa' ikem.
Ka Jisas wari ibang u tonga biinga ning tanga aming u ning yanggu', naning sibeng wari adining napa'napa' wa mindingni nagasa' yaptatora ga' kuma' ibinamsasu'negu'. Ka naganing sasuk a kabakna undu' aming kamaganangni ka ni guk mo' kata' mokngang, sibeng warisa' kata'. Abanga sibeng ning iik undu' aming ka ni guk mo' nakedata' mokngang, wa mindingni nagok ka aming ka naga sasuk kuma' ima yantintingnarik wara'siguk indisa' wa giri nakedem.
Ka kami yara'ganang wa na gu ganang kuma' anga kamaganang i nua'bu mo' irotik. A naning arantagim adi kamaganang ingging ko ikanting. Ka sibeng didimeng sini' wap kigineng guk kuni' nua'ni sini' gu wap tangkunang ka wa nagata' undu' namgung. Ka aming arantagim ka wa guning tangkunang wara'ning wap girii wara'ning kapmik ganang kukyapma yaptatorotang. Ning tinga adi kabaksi' kubaniksa' kufara napa' kubaniksa' ka gugok ka nagok indi ikitamuk ningsa' ikanting.
Ka Anutuning sasuk mang ka wa ning, Anutu adi aming a napa'napa' u indifididimanga anganga kama ari' ka inga' adi kuma' sura kabigu' wara'ganang wa adi aming kamaganangni dabik a kunim aming u fabanga bak dabiksa' kuknipma indining niptatora aming girini' ka Kasira Aming Jisas u kaminiminga niptatoro'ga'.
Piblisite