FILIPAI Midi umpang Pol wari Filipai amingga' yokiamgu' 2:15 - Anutuning midi totangka ingaʼni

^15-16 Ning tinga aming wari sidiganang kadagang ni guk mo' kanga midi kadagang fam guk mo' sangbenting. Ning tanga sidi Anutuning de ganang didimeng kareng sini' ikinga sidining iiksi' wari Anutuning mindine ning iik sini' kadofota'. Ka aming arantagim kabi'mo' ka sidi adisining bining ganang u iking wa adi sasuksi' didimesi mo' a kabaksi' tangkunasi. Ka sidi adisining bining ganang u ira midi ka Anutu wari ka' iyak iyam waraga' faining wa sidi kadapmang didimengsa' tanga ikinga adi sidining kadapmang kareng u kamang diok ninda'ning kanting. Ning tinga inga' Kasira Aming Jisas wari aming ning kane a iik u nipkedasasu'no' ganang wa adi sidining kane u beng guk ning kawa'. Ning tinga nandu' sidining kadapmang kareng waraga' sura kabakna karengsa' naknga ning towak, o beng sini' na kane girii ka adi yotangkayap ga' tuguk wa sige mo' bigu', beng guksa' ba tuguk.

FILIPAI Midi umpang Pol wari Filipai amingga' yokiamgu' 2:15 Referans Kwoze

1 Pita 2:12

Ning tanga sidi aming arantagim nua'ni ka Anutuga' naktangka guk mo' titing adisining bining ganang u ira kadapmang didimeng karengsa' tinting, wara' adi wap aming kadagasi ning sansang ga' ning tonga tinting wa adi sidining kadapmang kareng u kanga kabaksi' faranga Anutuga' naktangka tanga inga' kama ari' ka Jisas wari tubobu abo'ganang wa adi sidining kadapmang kareng waraga' Anutuning wap bema arani'.

MATYU Anutuning midi kareng Matyu wari yoku' 5:45

Ka sidi Anutuning mindine arantagim ning iking wara' sidi kadapmang kareng ka u torik ningwara' u tinting wa kadapmang kareng sini' ka babangsi' Anutu girii wari kunimganang kuta ira tita' wara'guk dabiksa' tinting. Ka Anutu adi kadapmang kareng wa ning tita', adi aming yotangkayabita' wa adi tagagare tanga aming kareng kanga wa giri yotangkangam a nisi' aming kadagang kanga wa kagabi ning guk mo' tita' mokngang sini'. Adi kafakafa wa aming karesi a kadagasi wara'guk dabiksa' tasabita'. Ning tanga adining napa' girisi ka mayam a gimak wa aming karesi a kadagasi dabiksa' u yotangkasap waraga' saminga karengsa' naknga ikiting.

1 TESALONAIKA 5:23

Ka na sidita' sura Anutu girii ka kaba kugurang nimita' wara'ning waraga' ibang fatorik. Anutu ka wari sidining kadapmang kareng a iiksi' u didimeng kareng kuni' nua'ni sini' tipkadofisaminga titi waraga' fatorik. Ning tanga sasuksi' a urisi' a fuksi' dabiksa' wari kadagang ni guk mokngang fafandangeng kareng ningsa' ira anganga inga' girini' Kasira Aming Jisas wari tubobu abo'ganang wa karesi ningsa' sabo'.

2 Pita 3:14

O kuyane sidi kama girii ka wari kagadofi wara'ning sasuk guk iking wara' sidi Anutuning de ganang wa didimeng karengsa' ira adigok kabakni' kubaniksa' ira kugurang gi' iik waraga' sura kane tangkunang tanga nasi' kadagang kabi' ka ko tanga iking u wadigi' sini' kabisasu'nanga didimengsa' ikanting.

1 Kor 1:8

Ning tinga Anutu wari kasam tangkunang ningsa' tasapma ira anganga inga' kama girii ka girini' Kasira Aming Jisas wari tubobu abo'ganang wa sidi tangkunang ningsa' ko ikni'. Wara' Anutu wari sidining kadagang ni guk mo' kanga karengsa' sabo'.

TAITAS 2:10

Ning tanga adi aming girisi' ka kane tiamting wara'sining mambong fam undu' kubu guk mo' tinting, mokngang, adi kadapmang didimengsa' tanga ikinga kanesi' wara'ganang undu' wap aming didimeng kareng ning guk ikanting. Adi kadapmang kareng ningsa' tanga ikanting wa wari yotangkanip aming Anutu ka adining midi kareng ka u ituatam u tipgaraga sini' titining kadapmang tinting.

1 Pita 2:9

Ka sidi aming ka u torik ningwara' mo', mokngang, sidi naktangka aming arantagim ka Anutu wari anata' kuma' sifikasirinagu' wari iking. Abanga sidi pris arantagim ka Anutuning siring yak girii iyung kane tanga Anutuga' sura napa' karesi urang sanga kukngamiting ningda'ning tanga king girii Jisas adining kane sini' ting. Ning tanga sidi aming arantagim didimesi naro'sa' ka Anutu ananing sini' ning kuma' iking. Ning tanga ira nasi' kadapmang kareng ka Anutu wari tasamira' u kanga sidibu aming famga' yangara ituaimting. Wa ning, tim sidi kadapmang kadagang tanga kangkam ganang sini' yaging, ka kami yara'ganng wa Anutu wari sinagira fabanga adining iik kareng ka diok fafa' sini' da'ning wara'ganang kuma' kuksabinga iking.

MATYU Anutuning midi kareng Matyu wari yoku' 5:48

Sidi aming kadagasi a karesi dabiksa' wa kadapmang didimeng kareng kuni' nua'ni sini' kubaniksa' ka babangsi' Anutu girii ka kunimganang ikita' wari tanga ikita' ningsa' tiamting.>>

1 Timoti 3:10

Ka sidi tim ka kane kabasi' ni ganang kaminga kadidimanga adi kane karengsa' tinga kanga wa giri, Anutuning midi kareng u yotangka ning kane sini' ganang wa inga' kaminting.

1 Timoti 3:2

Ka adi aming ka kadapmang didimeng karengsa' tanga ikinga aming fam wari adining kadagang ni ga' midi animbe guk mo' titing ningwara' warisa' wa giri irota'. Aming kareng ka ningwara' wa tamni kubaniksa' guk iik a kusubang gi' marek a sasuk karengsa' tanga kadapmang didimengsa' tanga iik a aming dabik u amiine ningsa' yapma kafakafa tiap a tangkunang ka aming fam yanggek ning wara'guk iik ning irota'.

FILIPAI Midi umpang Pol wari Filipai amingga' yokiamgu' 1:10

Ning tanga sidi kadapmang ka didimeng sini' unggungsa' kigedanga yaranga anganga kama ari' ka Kasira Aming Jisas wari tubobu abo'ganang wa Anutu wari karengsa' sapma wap aming fafandangesi karesi ning u sano'.

EFESAS Midi umpang Pol wari Efesas amingga' yokiamgu' 5:27

Abanga aming wari taming sababa kareng ka fugu udi a kayong kafong ginggebingesi guk mokngang karengsa' urang saniabiting ningda'ning ka Kasira Aming Jisas wari adining naktangka aming arantagim indi kadagang kabi'guk mokngang karesisa' ikinga indita' siamo' naknga manggaknip waraga' sura kumogu'.

ROM Midi umpang Pol wari Rom aming ga' yokiamgu' 16:19

Ka naktangka aming arantagim ka Rom yong iking sidi girii ga' naktangka tanga kadapmang didimeng yaranga tanga iking wara'ning midi wa aming kabi'mo' undu' kuma'sa' naknga yaring. Wara' na waraga' sura kabakna karengsa' naknga o kareng sini' ting ning torik. Ka sidi kadapmang kareng ka unggungsa' siamo' tanga kadapmang kadagang ga' wa manda sini' ukngama iik waraga'sa' naknga torik.

Ap 2:40

Ning tanga Pita wari midi yangnatam fam kabi'mo' nua'bu tanga midi tangkunang ning yangdidegu', o aming sidi aming arantagim ka sasuksi' kadagasi sa' tanga kadaga titi ning iking wara'siguk dabiksa' ma kadani'. Wara' sidi sidining kadagang u kabisasu'na tanga kareng gi' ubu ikanting.

MATYU Anutuning midi kareng Matyu wari yoku' 10:16

Ka sidi aming ka naning midi ga' bibi' naknga ikiting wara'sining bining ganang ira titi waraga' wa kafakafa suktangkanga sasuk guk anting. Na aming fam ka sifakadaga titining guk iking wara'ganang ka sipsip nano tangkunang guk mokngang wari kugwang kagaya guk ning bining ganang urang mugoting ningda'ning tanga sangkararik. Wara' sidi sasuk ka tangkunang fama' ka nasi' kadapmang wa didimeng kareng unggungsa' titi waraga' kafakafa sasuk abanga aming u midi kugurang sa' ina yotangkayap titi ningwaraga' suktangkanga tanga anting.

HIBRU Midi umpang aming nua'ni wari Juda amingga' yokiamgu' 7:26

Ka Jisas adi indining pris girii kareng beng guk sini' wara' adi indi mamareng guk a napa'ga' nafek tantam u nipma wa adi bengsa' kuma' yotangkanimota'. Adi kadagang kabi'guk mo' tita', mokngang sini', adi kadapmang didimeng sini' sa' tita'. Ka aming indi kadagang guk, wara' Anutu wari aming fafandangeng kareng kubaniksa' unggungsa' bema kunimganang kuta naro' kamiinga adi napa'napa' dabiksa' u ikem wara'ning tim iyak aming girii kuni' nua'ni sini' ikita'.

TAITAS 2:15

Ka Taitas gu midi ka u torik u bema aming arantagim u yanggerotang. Ning tanga adi kadapmang kareng ka u titi waraga' undu' midi tangkunang sini' inotang. Ka aming fam wari sigening ningda'ning gapma guning midi ninak ga' bibi' nakgaminga wa gu ning surotang, o nandu' kane ka u titi wara'ning tangkunang guk kuma' itik ning tonga ifadidima tonga wa gu kabaka tiptangkanga tangkunangsa' ira ifadidimotang.

TAITAS 1:6

Ka gu aming ka naktangka aming bak ning girisi u ipmonga wa gu kafakafa yapma ipmotang. Aming ka wa kadapmang sansaramik guk mo' titing, a tamni kubaniksa', abanga adining mindine undu' naktangka aming ira kadapmang didimengsa' tanga ikinga aming fam wari a aming ka wara'ning mindine adi kadapmang kadagang ting ning guk mo' tuguting wang ningwara' unggungsa' yapma ipminga yarotang.

1 Timoti 5:20

Ka aming girisi wari kadagang beng titi wa gu naktangka aming bak dabik ning bining ganang manggara kukyapma ifadidima totang. Ning tinga aming fam adindu' u kanga mutu tanga gi' ikanting.

Ap 20:30

Ka wa aming fam warisa' mo' tini' mokngang. Wa aming fam ka sidining bining ganang wari' undu' marara naktangka aming wari adisining kadagang u yara waraga' sura Anutuning midi beng guk u tipfara tanga midi kareng ning tonga midi mandaga' u sige sanggekni'ga'.

JON Anutuning midi kareng Jon wari yoku' 5:35

Ka beng sini' tim Jon wari kadofinga sanggu' wa adi sidi diok sangang ganang abubu waraga' kadapmang sangtintingnegu'. Ka sidi adining midi ka kama pumpurumsa' ira sanggu' u naknga wa waraga' kabaksi' marara karengsa' naknga mesisiringa sa' tiging.

LUK Anutuning midi kareng Luk wari yoku' 6:35

Ka sidi aming ka sidining digirap ka sidita' bibi' nakiting wara'siga' wa adi indita' bibi' nakiting wara' indindu' bibi' nakyamem ning guk mo' tonting. Mokngang sidi adisita' naknga kafakafa sa' tiapma ning tanga napa' ima undu' kura' tubobu sansam ga' guk mo' sura tubosa' iyam sa' tinting. Sidi kadapmang kareng ka ning u tinting wa inga' Anutu wari sidita' kafakafa girii sini' tasamo'ga'. Ka Anutu adi kadapmang kareng wa ning tita', adi aming kadagasi ka Anutu wari napa' karesi iminga Anutuga' asekna guk mo' tuguting wara'siguk kafakafa dabiksa' tiabita'. Ka sidi kadapmang kareng ka Anutu wari aming ka adita' guk mo' sukiting wara'siga' tubosa' tiamita' ningsa' tinting wa sidi Anutu girii sini' ning mindine arantagim ning kadapmang kareng beng sini' tanga ikanting.

MATYU Anutuning midi kareng Matyu wari yoku' 17:17

Ka Jisas adi midi ka u naknga kaba mamareng kabi' naknga ning tanga arantagimni guk ka aming arantagim sige wara'guk dabik u ning ifang yanggu', a aming arantagim ka sidi naktangkasi' guk mokngang a sasuksi' undu' didimeng guk mokngang beng sini'. Na sidigok kama paramu' kuma' ira sanggetik ka na ingging ko irotik wa na sidining mamareng ba fabemotik. Ning tonga ning tanga aming u ning anigu', magarik sabaga u nagira abe'.

REVELESEN Anutu wari Jon ga' Girii Jisas ning ki anatintingneinga kagu' 3:9

A aming arantagim nua'ni ka sidiganang u kadofinga fasaning adi ning fatuguting, a indi Juda aming wara' sidi indining midi i naknimni'. Ka aming ka wa Juda sini' mo', mandaga' tuang ka aming kadagang Setan ning arantagim. Ka ning torik, aming ka wa inga' na adisining tangkunang u tipmiraima inagira fabanga sidining kasi'ganang kukyabinga mandaksi' upma sidining wap bema arani'ga'. Ning tanga adi naga arantagim sidita' siamo' nakitik ning nakni'ga'.

1 Timoti 5:14

Wara' na ning sutik, tamkasa' ka giang ko ka ningwara' adi ami inga'ni nua'bu siama saba ibenga sababi' a yak u yaptatora wara'ning kane u kafakafasa' tanga ikanting. Ning tinga aming ka naktangka guk mo' tanga indita' bibi' nakiting adi indining kane kareng u tipkadaga waraga' wa naktangka aming arantagim indiganang napa' kadagang ni guk mo' katuanting.

1 Timoti 5:7

Ka gu midi ka tamkasa' wari kadapmang didimeng titining ka i ganirik ya tamkasa' dabik u ininga naknga tinting. Ning tinga aming wari yapma midi kadagang guk mo' yangting.

2 Kor 6:17

Ka Anutu adi midi nua'ni ka undu' ning togu', <

LUK Anutuning midi kareng Luk wari yoku' 1:6

Ka imaraming adi Anutuning midi naknga ning tanga Anutuning kadapmang yaranga didimeng karengsa' tanga ikiagumu'.

FILIPAI Midi umpang Pol wari Filipai amingga' yokiamgu' 3:6

Ning tanga na kadapmang ka u yarasasu'nanga ira Kasira Aming Jisas ning naktangka aming arantagim wa aming kadagasi ning yapma yapgiminda sini' tanga ifakadaga tanga fiararuguk. Beng sini' urang torik, naning amine Juda wari aming didimeng ka indining kadapmang tapni wara'ganang iikga' ninap wa na aming didimeng sini' ning ninap ning.

REVELESEN Anutu wari Jon ga' Girii Jisas ning ki anatintingneinga kagu' 2:5

Ka sidi midi ka i torik i naknga o beng sini' tim indi adita' siamo' nakum a kami yara'ganang wa kagabi sini' tem ning tonga kabaksi' tipfaranga kadagang u kabinga kadapmang didimeng ka tim tanga yaging u tubobu tinting wa karengsa'. A sidi sidining kadagang u kagabi guk mo' tinting wa na sidi ganang kadofinga Efesas sidining lam ka lam arantagim seven ning ka Anutuning de ganang wara'guk dabik aradeing u tubobu sarombemnotik.