MAK Anutuning midi kareng Mak wari yoku' 9:5 - Anutuning midi totangka ingaʼni

⁵ U yapma ning tanga Pita wari Jisas u ning urapsa' anigu', o girii indi gugok arapmam yaraga' wa karengsa' nakem wara' indi sidita' yak kababi' famineng masamtam, nua'ni ka guta' a nua'ni ka Moses ga' a nua'ni ka Ilaija ga' ning, ning anigu'.

MAK Anutuning midi kareng Mak wari yoku' 9:5 Referans Kwoze

FILIPAI Midi umpang Pol wari Filipai amingga' yokiamgu' 1:23

A nua'ni ka ning torik, na kungkumak totik wa Kasira Aming Jisas anagok anga ira napa' kareng sini' ning katuatik.

MATYU Anutuning midi kareng Matyu wari yoku' 23:7

Abanga adi kama ka aming wari bak kukiting ganang undu' aming wari yapma o aming girii ba abara' ning tutugu waraga' ning tonga sirengsa' arengating. Adi kadapmang ka ningwara' u tanga ikiting.

1 Jon 3:2

Beng sini' amane karesi kami yara'ganang indi Anutuning mindine ning ikem, ka inga' indining iikni' wa indining sini' kadofinimo' wara'ning wa kafakafa ko mo' nakem. Ka indi napa' ka inga' Kasira Aming Jisas wari tubobu abo'ganang wa adigok dabik ningsa' igira adenam ga', ning tanga adining iikning ki u sareng sini' kigedasasu'nanam ga' wara'ningsa' wa giri naknga ikem.

MATYU Anutuning midi kareng Matyu wari yoku' 17:4

Ka Pita wari napa' u kadofigu' u kanga Jisas u ning anigu', o girii indi kama bubo yara'ganang arapmam wa kareng sini' wara' gu tuguinga na sidita' yak kababi' famineng ning masamok, nua'ni ka guta' a nua'ni ka Moses ga' a nua'ni ka Ilaija ga' ning masamotik ning togu'.

MATYU Anutuning midi kareng Matyu wari yoku' 23:8

Ka sidi wa ning sanotik, sidi kadapmang ka fuksi' bema ara ning ka adi u titing wa mo' tinting. Sidining bining ganang wa aming ka ni girii guk mokngang, sidi se'kuyane arantagim dabiksa' ka aming nua'nining kapmik ganangsa' iikning ning ikanting. Ka aming fam wari girii ning saninga wa sidi anisefi tinting.

MAK Anutuning midi kareng Mak wari yoku' 9:4

Ning tanga yapking ka aming timini fama' ka Ilaija guk ka Moses guk wari urapsa' kadofinga abanga Jisas guk adenga midi aratoging.

MAK Anutuning midi kareng Mak wari yoku' 9:6

Ka Jisas ning arantagim famineng adi aming famineng wari adeging wara'sining diok kigineng girii u kanga paparap senga mutu tanga Pita wari midi ka u sige toingagu'.

LUK Anutuning midi kareng Luk wari yoku' 9:33

Ning tanga aming fama' Moses guk ka Ilaija guk wari Jisas u kabinga mugo tonga tinga Pita wari Jisas u ning urapsa anigu', o girii indi gugok i arapmam wa karengsa' nakem wara' indi sidita' yak kababi' famineng masamtam, nua'ni ka guta' a nua'ni ka Moses ga' a nua'ni ka Ilaija ga' ning masamtam. Ka Pita adi kafakafa guk mo' naknga midi u sige urapsa' togu'.

JON Anutuning midi kareng Jon wari yoku' 4:31

Ka aming wari ko mo' anga kadofiging ganang ka adining arantagimni wa Jisas u ning aniging, tisa gam nana kabi'ning naya'.