LUK Anutuning midi kareng Luk wari yoku' 7:24 - Anutuning midi totangka ingaʼni

²⁴ Ning tanga aming fama' ka Jon ning midi bema agumu' wari tubobu kuma' mugoinga Jisas wari Jon ning wap bema aronga ami taming u ning yanggu', ka tim sidi Jon kaunga kama bining sige ga' famayaging wa sidi aming beng wa aming sasuk fama' guk a aming baraganeng ka gugubik wari sigisap figira tipuwingna ningda'ning u kantam ning tonga u sura famayaging.

LUK Anutuning midi kareng Luk wari yoku' 7:24 Referans Kwoze

LUK Anutuning midi kareng Luk wari yoku' 3:2

A Anas ya Kaiafas ya adi Juda ning pris girisi ning tim iyak tanga yagumu'. Ka aming girisi ka wari ning u tanga mera yareging ganang ka Sekaraia ning mindingni Jon Baptis adi yong u kuma' kabinga anga kama bining sigesa' ka aming uwa ni guk mokngang wara'ganang anapmo'sa' ikinga Anutu wari midi anigu'.

LUK Anutuning midi kareng Luk wari yoku' 1:80

Ning tanga ira anganga inga' saba kabasi' Jon wari giraga tinga adining sasuk kareng undu' kigineng dabiksa' kadofigu'. Ning tanga giranga tangkunang guk ira yong u kabinga anga kama bining sigesa' ka aming uwa kabi'guk mokngang wara'ganang anga ira fentarugu'. Ka inga' Juda aming ga' midi ituaim kane tonga wara'ganangsa' kadofisarendainga kaging.

2 Pita 3:17

Ka kuyane na aming ka wara'sining kadapmang mandaga' waraga' wa kuma' sangnataminga naking wara' sidi sasuk guk ira aming ka u yapkeda ning tangkunang guk ikanting. Ka inga' aming Anutuning midi kapmik mo' iikisi ka ningwari sidiganang kadofinga sanggekinga wa sidi kadapmang kareng gi' iikning u kabinga kadaga guk mo' tini'.

2 Pita 2:17

Ka yanggek aming mandaga' adi aming yotangkayap ning wap guk ning tonga titing, ka mokngang, adi ama kubak ka aming wari ama beng guk ba ning tonga anga kamasa' urang deting ningda'ning ikiting. Abanga adi kayam sa' danga auta'ganang ka mungkong kangkam ka gimak titining wari kadofita' u kanga aming wari gimak ba urota' ning tonga karengsa' nakiting, ka mokngang, mungkong ka wa gimak tanga yotangkayap ning guk mokngang. Beng sini' Anutu adi aming kadagasi ka ningwara' wari anga iik waraga' kama kangkam kadagang sini' kuma' kasiranga kabiamgu'.

JON Anutuning midi kareng Jon wari yoku' 1:23

Ka Jon adi midi u inonga tim ka Anutuning midi nua'ni ka tim profet Aisaia wari yoku' wara'ning u yanggu'. Ning yanggu', kane ka naga abanga tirik yaraga' wa midi nua'ni ka tim profet Aisaia wari ning urang tuguinga yoking wang, aming nua'ni wari kama bining sigesa' ganang adenga ku ning katira', ai, aming sidi girii wari abubu waraga' kadapmang tipdidimangamni' ning togu' waraga' sukni', ning yanggu'.

LUK Anutuning midi kareng Luk wari yoku' 7:23

Ning ina ning tanga ning togu', beng sini' aming ka naga kane tangkunang tirik i kanga o beng guk sini' adi aming Anutu wari beng anigaregu' ning tonting adi sasuksi' kareng guk.

LUK Anutuning midi kareng Luk wari yoku' 7:25

Abanga sidi aming kangasi ka kwi'ni a nasi' nasi' inga'ni sa'' tanga abara' u anga kantam ning tonga u famayaging. Mokngang, aming kangasi adi kama base sige ganang guk mo' dekiting. Adi napa' inga'ni sa' tanga yak karesi ganang unggung ningsa' ikiting.