LUK Anutuning midi kareng Luk wari yoku' 23:3 - Anutuning midi totangka ingaʼni

³ Ka Pailat wari u naknga Jisas u ning anigagu', ka ma' gu Juda ning girii beng wa. Ka Jisas wari ning anigu', ga kuma' torang una ningsa'.

LUK Anutuning midi kareng Luk wari yoku' 23:3 Referans Kwoze

1 Timoti 6:13

Ka na Anutu girii ka napa'napa'ga' ka' iyak imita' a Kasira Aming Jisas ka aming girii Pontias Pailat wari midiganang kamiinga kiginengsa' adenga tokadofigu' wara'sinng dasi'ganang wa guning kane waraga' wa midi tangkunang ning ganotik,

JON Anutuning midi kareng Jon wari yoku' 1:49

Ka Nataniel wari ning anigu', o tisa gu Anutuning mindingni, gu Isrel ning aming girii beng sini'.

LUK Anutuning midi kareng Luk wari yoku' 22:70

Ka kaunsil arantagim wari midi ka u naknga ning aniging, aa gu Anutuning mindingni ning ba torang. Ka Jisas wari yanggu', sida kuma' toing una udi didimengsa' toing.

MAK Anutuning midi kareng Mak wari yoku' 15:2

Ka Pailat wari Jisas u ning anigagu', ma' gu Juda ning girii wa. Ka Jisas wari ning anigu', weng ga kuma' torang una ningsa'.

JON Anutuning midi kareng Jon wari yoku' 19:3

adiganang du' unggung anga o gu Juda ning girii kareng sini' gabem ning anikigenga ning tanga fangi u papenga ning tiging.

LUK Anutuning midi kareng Luk wari yoku' 23:38

Ka adi tim midi pumpurum kabi' ka parang dibing ganang ning kuma' yoking, aming ka ya Juda ning girii. Ning yora bema Jisas ning firi ugari furo'ning ka Jisas ning ki ganang didimeng tapking waraga' sura wa soldia adi midi anikige ka u tiging wang.

MAK Anutuning midi kareng Mak wari yoku' 15:32

Adi na Kasira Aming Isrel ning aming girii ning fatuguta' ka adi ugari u kabinga afuinga kanga wa giri o adi aming girii beng sini' ba ning wa wara'ganang tontam ning aniging. Ka aming kadagasi fama' ka Jisas ananing gagaa ganang ugariapking adindu' anikige ningsa' tugumu'.

MAK Anutuning midi kareng Mak wari yoku' 15:18

midi anikige ning tiging, o Juda ning aming girii i kani'.

MATYU Anutuning midi kareng Matyu wari yoku' 27:11

Ning tanga Jisas u nagira tonga kiap Pailat ganang kamiging. Ning tinga kiap Pailat wari ning anigagu', ma' gu Juda arantagim ning king girii wa. Ka Jisas wari ning anigu', ga kuma' torang una.

JON Anutuning midi kareng Jon wari yoku' 18:29

Ning tinga Pailat warisa' afanga fugang adenga aming u ning yangkagu', aming ya nasi' kadagang tugu' kanga midiganang kamonga nagira abing.