LUK Anutuning midi kareng Luk wari yoku' 23:25 - Anutuning midi totangka ingaʼni

²⁵ Ning tanga Pailat adi adisining sasuk u yaranga aming kadagang Barabas ka tim aming ifimarakinga ami' girii tiging a aming dipming sep titiing wa kabiam tanga Jisas wa Juda aming arantagim wari napa' anasining sasuksi' ganangsa' tonga tantaramik waraga' soldia ning kafasi'ganang kabiamgu'.

LUK Anutuning midi kareng Luk wari yoku' 23:25 Referans Kwoze

Ap 3:14

Ka aming ka sidi bibi' nakngamging wa aming sige kamaganangni mo'. Mokngang wa Anutuning aming didimeng kareng kuni' nua'ni sini' waraga' bibi' nakngama ning tanga aming ka kadagang digirap titiing u kabisam ga'sa' toging.

MAK Anutuning midi kareng Mak wari yoku' 15:15

Ning tinga Pailat adi u yapma mutu tanga adisining kabaksi' u ifikura waraga' Barabas u kabiamgu'. Ning tanga Jisas wa ananing ami'ning aming fam ga' ima ning yanggu', i fifefi tanga nagira tonga firi ganang ugarini'.

LUK Anutuning midi kareng Luk wari yoku' 23:5

Ka aming girisi adi u naknga midi tangkunang ning toging, a mokngang adi kadagang fatita'. Adi kane ka ami taming u aming girisi ning midi karangkang titi waraga' yanggek wara'ning wa tim kama tubo Galili do tipmarara tanga ababanga kama tubo Judia tara' i tasasu'nanga ning tanga wa Jerusalem yong girii ganang ibu tara' yang ning toging.

LUK Anutuning midi kareng Luk wari yoku' 23:2

Anga kiap Pailat ning de ganang u kamiinga adeinga midi ki guk mokngang ka ning tongamging, indi aming ka idi ning fakayam ka adi Juda indining amine kabi'mo' u mandaga' ning iramira fiarara', sidi Romni girii Sisa ning uningkim takis wa mo' kaminting. Abanga adi midi nua'ni ka ning fatora', na Anutuning Kasira aming girii.

MATYU Anutuning midi kareng Matyu wari yoku' 27:26

Ning tanga Pailat wari aming kadagang Barabas ka kalabus tarugu' u fadara kamiamgu'. Ning tanga Jisas wa arantagimni ga' iminga bema fifefi tiging. Fefang fefang kabinga aming arantagim u ning yanggu', giri bema tonga ugari tini'.

LUK Anutuning midi kareng Luk wari yoku' 23:26

Ning tanga soldia wari Jisas u firi ganang ugari waraga' ananing firi ugari u bema barungnangama nagira aging. Anganga kadapmang bining ganang yong Sairini wara'ni aming nua'ni ka wapni Saimon u katuaging. Adi yoring u kabinga abanga Jerusalem yong girii u kabi'sini' kagadofi ga' dudure kuma' tugu' u katuanga suronga ning aniging, gu Jisas ning firi ugari i barungnangama aya'. Ning tinga Saimon adi nakyam sa' tanga Jisas ning firi ugari u bema barungnanga adisigok kubap aging.

JON Anutuning midi kareng Jon wari yoku' 19:16

Ning tanga Pailat wari Jisas u ugari titiga' aigaim tanga Juda aming anasining kafasi' ganang kabiamgu'.