LUK Anutuning midi kareng Luk wari yoku' 23:19 - Anutuning midi totangka ingaʼni

¹⁹ Ka Barabas ka wa aming kareng mo', adi tim Jerusalem yong girii aming fam wara'sining kabaksi' u ifimarakinga adi gavman ga' digirap tanga marara ami' girii tiging. Abanga adi aming nua'ni ura sepku' waraga' tanga Romni gavman wari bema tonga kalabus iyung dasiinga tanga itarugu' u kabiam ga' toging.

LUK Anutuning midi kareng Luk wari yoku' 23:19 Referans Kwoze

Ap 3:14

Ka aming ka sidi bibi' nakngamging wa aming sige kamaganangni mo'. Mokngang wa Anutuning aming didimeng kareng kuni' nua'ni sini' waraga' bibi' nakngama ning tanga aming ka kadagang digirap titiing u kabisam ga'sa' toging.

LUK Anutuning midi kareng Luk wari yoku' 23:5

Ka aming girisi adi u naknga midi tangkunang ning toging, a mokngang adi kadagang fatita'. Adi kane ka ami taming u aming girisi ning midi karangkang titi waraga' yanggek wara'ning wa tim kama tubo Galili do tipmarara tanga ababanga kama tubo Judia tara' i tasasu'nanga ning tanga wa Jerusalem yong girii ganang ibu tara' yang ning toging.

LUK Anutuning midi kareng Luk wari yoku' 23:2

Anga kiap Pailat ning de ganang u kamiinga adeinga midi ki guk mokngang ka ning tongamging, indi aming ka idi ning fakayam ka adi Juda indining amine kabi'mo' u mandaga' ning iramira fiarara', sidi Romni girii Sisa ning uningkim takis wa mo' kaminting. Abanga adi midi nua'ni ka ning fatora', na Anutuning Kasira aming girii.

MAK Anutuning midi kareng Mak wari yoku' 15:7

Ka wara'ganang aming kadagang titiing nua'ni undu' kalabus iyung unggung fidegu' wapni Barabas. Adi tim amine fam guk Romni gavman tipkadaga ga' sura ami' tanga aming fam dipmakumoging waraga' tanga tabanga dasiinga Barabas adi iyung kane kalabus u tanga itarugu'.

LUK Anutuning midi kareng Luk wari yoku' 23:18

Ka adi sande Pasova fikifiki wa kadapmang ka u yaranga tiamiaging wara' kama ka wara'ganang wa Juda aming adi Jisas wa sige ma kabiinga mawa' ning tonga ku ning katiging, gu Jisas wa ugumak te' a Barabas wa sige kabaniminga mawa' ning katiging.

LUK Anutuning midi kareng Luk wari yoku' 23:20

Ka Pailat adi Jisas ugumak titining ki guk mo' kagu'. Wara' adi Jisas u sige kabiinga mugo ga' sura aming u midi ka tim kuma' yanggu' unggung nua'bu yanggu'.

Ap 21:38

Nabu gu udi Isipni aming ka tim gavman ga' bibi' naknga aming kagaya kadagasi ka fo tausen ning u inagira kama bining sige urang anga yaging wari udep ning tonga.