LUK Anutuning midi kareng Luk wari yoku' 22:5 - Anutuning midi totangka ingaʼni

⁵ Ning tinga aming girisi adi Judas ning midi u naknga kabaksi' karengsa' naknga Judas u to tanga uningkim mambong amimi waraga' totangkaging.

LUK Anutuning midi kareng Luk wari yoku' 22:5 Referans Kwoze

JUT Midi umpang Jut wari yoku' 1:11

Beng sini' napa' ka u titing waraga' wa ning torik, adi kadapmang ka wa kadagang sini' titing, kadapmang kadagang ka u titing wa tim Ken wari tugu' u yaranga titing. Abanga adi kadapmang didimeng mo' ka tim Belam wari uningkim mambong manggakna ga'sa' sura tanga yagu' u tasasu'neting. Ning tanga kadapmang ka timinggi' Kora wari Anutuning midi karangkang u tugu' u yaranga tanga kadaga sini' titing.

2 Pita 2:15

Abanga adi kadapmang didimengga' manda ukngama anganga aming masi' papesi wari kadapmang ba ning tonga base urang kugoting ningda'ning tanga kangkaranga sini' titing. Kadapmang kadagang ka adi u tanga ikiting wa tim profet nua'ni ka Beor ning mindingni Belam wari tugu' ningda'ning titing. Ka Belam adi ning tugu', adi aming fam wari kadapmang kadagangga' anga yotangkayabinga wara'ning to amimi ga' aniging u bemna waraga'sa' sura mugogu'.

2 Pita 2:3

Aming ka midi mandaga' sanggekni' adisining kabaksi' wa mambong fuksi' ning manggakna ga'sa' nakiting wara' adi sidining uningkim mambong u suromanggakna waraga'sa' sura mandaga' giknanga bumara' sige ka anasining sasuksi'ganangsa' sanggekni'ga'. Ka aming girii Anutu adi aming ka u midiganang manggara kukyapma mamareng iminga kadaga titi waraga' kadapmang kuma' tanga kabinga ipmefata', wara' adi paramu' iikning guk mokngang, adi urapsa' kuma' kadani'ga'.

Ap 8:20

Ka Pita wari ning kafang anigu', ai gu napa' kareng ka Anutu wari amingga' sige iyam ning wa gu moni wari ba tonibonga torang. Gugok ka mambongga u kanga torang wara'guk sidi kadaga titi wara'ning.

Ap 1:18

(Ka Judas adi kane kadagang u tanga wara'ning toni bema kama dibing tonagu'. Ka kamani wara'ganang didimeng anasa' kumara mangfanga kaba wari tatua tinga kumoni wari kadofinga dadawang danga mugoging.

LUK Anutuning midi kareng Luk wari yoku' 22:4

Ning tinga Judas adi kadapmang ka Jisas u tipkadofaiminga bimbem wara'ning u sura kataunga ning tanga marara sasuk aming a aming arantagim ka siring yak girii tempel u katatoranga som tanga ikiaging wara'sining girisi u yabonga agu'. Anga aming girisi wara'ganang kadofinga kama ka Jisas wari fagu' u yangdidimanga yaregu'.

LUK Anutuning midi kareng Luk wari yoku' 22:6

Ka Judas adi aming girisi wari uningkim amimi ga' toging u naknga waraga' aiga sa' tugu'. Ning tanga adi kama ka Jisas wari aming fam guk mo' anapmo' kubaniksa' adeinga kanga anga ininga abanga bimbem waraga' sura Jisas u kafatatora tangkunang tugu'.