Ka adi aming u fonga kukyapma Anutu guk ami' titiga' ning tonga kapmefakiting. Ka Anutuning midi wa ning, i nakni' naga kadofonga wa tim ka midi ne kaminga ning tanga mo' kadofotik. Mokngang na naganing sasuk ganangsa' kubu aming wari kuba tonga urang kadofiting ningda'ning kagadofi sa' totik. Wara' aming karesi ka sasuk guk adi naga abubu wara'ning kama u kapmek waraga' sura aming wari ka' marera nip guk urang tama mareiating ningda'ning tanga marekota' wa adi naga kadofiinga marara naura mugo sa' tota'. A ning guk mo' tota' wa adi naga kadofiinga marara nip tantaam ning kama guk mokngang kanga bi'sa' urang marara tanga tiangating ningda'ning marara dekangkaranganga tiangainga aming wari fugu bi'sa' u kanga kanggaga tinting ningda'ning to'ga' ning tuguta'.
LUK Anutuning midi kareng Luk wari yoku' 21:35 - Anutuning midi totangka ingaʼni35 Ka kama ka wa kamaganang yara'ning kama dibing fam dabiksa' ka indeng ira yareting wara'guk dabiksa' kaga' urapsa' kadofinga yaro'ga'. Gade chapit la |
LUK Anutuning midi kareng Luk wari yoku' 21:35
10 Referans Kwoze
Ka arantagimni wari midi ka u naknga ning aniging, ka girii, kadapmang ka aming kidanga manggakyap ga' u torang wa kama wa indeng tara' abanga tiabe'ga'. Ka Jisas wari ning yanggu', sidi yang mangambeng wari keng kubungni waraga' tanga bak kukiting u yapma wa nakeda sa' tanga o napa' kubungni unda', ning undu' beng guksa' tuguting. Ka kama ka wari kadofonga napa' ni kadofo' undu' sidi kuma'sa' kigedanga nakedani'ga' ning yanggu'.
A kama yara'ganang aming kabi'mo' kadofinga ikem wara'ning ki undu' anasa'. Tim munumung wa ana aming kubaniksa' tugu' warisa' mirira kama yong yong ira yaretam. Abanga kama ka simengse' wari indibe titi wara'ning undu' anasa' kuma' kamigu' wara'ganangsa' kadofitam. A yakning ki ka kama ka indeng wara'ganangsa' iik wara'ning bagi undu' ana didimengsa' kuma' tinima yaregu' wara'ganangsa' ikitam.
Ka Jisas wari midi u tonga ning tanga ananing arantagimni ubu yanggu', ka naganing arantagim sidi kama ari' ka wari kagadofi waraga' sura kafakafa suktangkanga ikanting. Sidi kamaganang ning napa' tangkunasi ka fuksi' yotangka ning nana kareng nibek a ama kagaya siamo' topna ning waraga'sa' ma sura ikni'. Sidi napa' ka ningwaraga'sa' sura ikanting wa kama ka Anutu wari manggaksap titining wari kaga' urapsa' kadofo' wa sidi tugunung titiga' nafek tanga sige marek sa' ma tini' wara' sidi kafakafa suktangkanga tanga ikanting.
Ka sidi waraga' sura fikifiki Anutuga' ibang tangkunang tonga ira anting. Ning tinga Anutu wari yotangkasap tinga sidi tangkunang guk giri ikanting wara' napa' mamareng ka u torik wari mo' sifikadauta'. Ning tanga inga' sidi Amingning Tim Iyak naganing dimina ganang ararangeng karengsa' naknga sasoeng sa' adeni' sabok ning yanggu'.