LUK Anutuning midi kareng Luk wari yoku' 21:33 - Anutuning midi totangka ingaʼni

³³ Ka kama a kunim a napa' napa' tangkunasi fam u defata' wa tubobu wadigi' kuma'sa' bisasu'no'. A napa' kigineng ka naganing midi kareng a nasi' kadapmang didimeng ka naga kamitik wa kadaga a bibi' kabi'guk mo' to', mokngang sini' wa kareng a tangkunang ko ningsa' ira awa'ga' ning yanggu'.

LUK Anutuning midi kareng Luk wari yoku' 21:33 Referans Kwoze

MAK Anutuning midi kareng Mak wari yoku' 13:31

Beng guk sini' torik kunim a kama a napa'napa' dabiksa' wa wadigi' kuma'sa' bisasu'naning a naganing midi wa mokngang fikifiki ko ningsa' ira au wara'ning ning yanggu'.

MATYU Anutuning midi kareng Matyu wari yoku' 24:35

Ka beng sini' torik, napa' tangkunang sini' ka kunim a kama wa kuma'sa' bisasu'no'. A naganing midi wa bibi' titining guk mokngang sini', wa fikifiki ko ningsa' ira awa'ga'.

MATYU Anutuning midi kareng Matyu wari yoku' 5:18

Beng sini' kadapmang tang ning midi a Anutuning midi fam ka tim u ituaging wa bibi' titining guk mokngang sini', kama a kunim wari ko ira auta' ganang undu' kadapmang tang wara'guk ka wara'ning midi dibing kababi' fam dabiksa' wa ni ka bibi' guk mo' to'ga' mokngang sini', wa tangkunang ko ningsa' ira anganga Anutu wari nasi' kane ka kadapmang tang wari titiga' tuguta' u tasasu'na wara'ningsa'.

1 Pita 1:25

A napa' ka girii ning midi kareng wa urapsa' bibi' ning guk mokngang, adi fikifiki ko' ningsa' ira au wara'ning.>> Ka Anutuning midi ka u togu' wa tim aming fam wari kuma' ituasaminga naking wang.

REVELESEN Anutu wari Jon ga' Girii Jisas ning ki anatintingneinga kagu' 20:11

Ning tanga nua'bu tanga kaguk ka king girii tim iyak sini' wari adining tare girii fafa' kareng wara'ganang mareiagu'. Adining tangkunang wa kabasi' kabasi' mo', napa' nua'ni wari adining tangkunang u tatarafik ning guk mokngang. Abanga adigok ade ning guk mokngang wara' napa' tangkunasi girisi fama' ka kama a kunim undu' kuma' bisasu'neinga anapmo'sa' mareiagu' u taranga kaguk.

LUK Anutuning midi kareng Luk wari yoku' 16:17

Ka na midi ka u torik wa Moses ning kadapmang tang u tipmikurita wara'ning mo' sura torik. Mokngang, Moses ning kadapmang tang wa Anutuning napa' kigineng ka bibi' titining guk mokngang. Beng sini' inga' kama kunim wari wadigi' biwa' ganang wa Moses ning kadapmang tang wara'ning midi dibing fam dabiksa' wa ni ka bibi' kabi'sini' guk mo' to'ga'. Mokngang, midi wara'ning dabiksa' wa tangkunang ningsa' ko ira awa' ning yanggu'.

LUK Anutuning midi kareng Luk wari yoku' 21:32

Beng sini' urang sanirik, kama ka u torik wa aming ka kami yara'ganang iking wa fam ka ko mo' kumakni' ganang kadofo'ga'.