LUK Anutuning midi kareng Luk wari yoku' 21:17 - Anutuning midi totangka ingaʼni

¹⁷ Beng sini' sidi nagata' naktangka tanga wap ka naganing arantagim ning guk ikni' u sapma kabaksi' kadagang naknga sidita' bibi' sini' naknga kadagang kuni' kuni' kabi'mo' ning saramikni' de.

LUK Anutuning midi kareng Luk wari yoku' 21:17 Referans Kwoze

JON Anutuning midi kareng Jon wari yoku' 15:19

Ka sidi kadapmang ka adi tanga ikiting ningwara' dabiksa' tanga iik ganang wa giri, adi amise ning sapma sidita'sa' nakianing. Ka sidi adisinining amise kamaganangni sa' mo'. Mokngang sidi naro'sa' iikga' kuma' sifikasireguk waraga' tanga wa adi bibi' naksama sapgurida tinting wang.

LUK Anutuning midi kareng Luk wari yoku' 6:22

Ka aming fam wari sidi Amingining Tim Iyak naga nawara naganing kane tanga ikanting waraga' tanga sidita' bibi' sini' naknga manda uksama ning tanga a sidi aming kadagasi ning saninga undu' sidi waraga' kabaksi' mamareng mo' nakanting. Mokngang sidi kabaksi' karensa' naknga ikanting.

2 Kor 12:10

Wara' na Kasira Aming ning kane u tanga tangkunang guk mo' ningda'ning iik a aming wari midi kadagang nangbe wa ma mamareng kuni' kuni' wari kadofinam wa ma aming wari nugumak tonga ti, abanga sasuk mimeng tanga kane u titi wara'ning kadapmang guk mo' kaga ningwari kadofinamita' wa na waraga' kabakna kareng naknga mesisiringa sa' titik. Beng sini' kama ka naning kane ganang tang guk mo' nakitik wara'ganang didimeng wa Anutu warisa' yotangkanabinga tangkunang girii guk ubu ikitik.

JON Anutuning midi kareng Jon wari yoku' 15:21

Ka adi sibeng ka nangkara tinga afuguk wara'guk mo' kating wara' adi sidi kane ka naganing wap ganang tinting waraga'sa' tanga wa sidita' bibi' naknga kadapmang kuni' kuni' u saramikanting wang.

REVELESEN Anutu wari Jon ga' Girii Jisas ning ki anatintingneinga kagu' 2:3

Abanga aming wari sidi nagata' naktangka ting u sapma sansaramik tanga sifakadaga ting ka sidi mamareng waraga' sura naktangkasi' u kagabi guk mo' ting, mokngang sidi tangkunangsa' adeing undu' kuma' sabarik.

FILIPAI Midi umpang Pol wari Filipai amingga' yokiamgu' 1:29

Ka beng sini' Anutu wari kadapmang fama' ka ning u samita', nua'ni ka Kasira Aming Jisas ga' naktangka titi wara'ning kadapmang kareng a nua'ni ka Jisas ning kane ga' tanga kagaya bimbem wara'ning u samita'.

2 Kor 4:11

Ka fikifiki indi Jisas ning kane u titam ganang wa indining iikni' wa aming ka kungkumak sa' titining ning ira mamareng guk ikitam de ka indining fukni' ka kungkumak titiga'sa' ikitam wara'ganang wa Jisas ning iikning kigineng wari sareng kadofiinga kating.

JON Anutuning midi kareng Jon wari yoku' 17:14

Beng sini' na kamaganang yara'ning mo' wara' aming adi nagata' bibi' naking. Ka naning arantagim undu' guning midi u kuma' ininga ninaksa' tanga kamaganang yara'ning nua'bu mo' iking waraga' tanga aming ka kamaganangni sa' adi adisita' bibi' nakyaming.

MAK Anutuning midi kareng Mak wari yoku' 13:13

Beng guk sini' aming kabi'mo' wari sidi naganing kane tini' u sapma sidita' kabaksi' kadagang sini' naksama ning tanga kadapmang kadagang ka ning u siramira yarani'ga'. Ka aming ka naganing midi a wap u kagabi guk mo' tanga tangkunang ningsa' surotangkanga tanga ira awa' wa na gi' bema kamiinga adi iik kareng ka ka' fikifiki ningsa' wara'ganang ira awa'.

MATYU Anutuning midi kareng Matyu wari yoku' 24:9

Ka wara'ning mandang ganang wa mamareng kabi'mo' fam ka ko kadofo' wa ning, aming wari sidita' bibi' naksama sinagira fonga aming fam ga' iminga adibu manggaksapma fonga kadagang siramira sidifikumak titi ning tini'ga'. Ning tanga aming kabi' kabi'mo' wari sidi naganing arantagim ikni' u sapma sidita' bibi'sini' naksamni'ga'.

MATYU Anutuning midi kareng Matyu wari yoku' 10:22

Ka aming kabi'mo' wari sidi naganing kane tini' u sapma sidita' bibi'sini' naksamni'ga'. Ka sidi mamareng ka waraga' bima guk mo' tanga tangkunang ningsa' tanga ira ani' wa na inga' kafakafa tasapma gi' manggara kuksabinga ikni'.

1 Pita 4:14

Ka aming fam wari sidi Kasira Aming ga' naktangka ting u sapma midi kadagang fam sangbenting wa sidi kabaksi' karengsa' nakanting. Sidi Anutuning mini unggo ka kigineng tuang wari sidining kabaksi'ganang u ira tangkunang kuma' samara' wara' sidi waraga' sura kabaksi' kareng naknga mesisiringa sa' tinting.

Ap 9:16

Ka adi naganing kane tanga nasi' mamareng kuni' kuni' katua wara'ning undu' kuma' anadidimotik ning anigu'.

JON Anutuning midi kareng Jon wari yoku' 7:7

aming wari sidita' bibi' naksam ning guk mokngang wara' sidi napa' ni kami a kamindap wa ma fiking ni ganang tonga wa titi ningsa'. Aming wari napa' ni tasap ning guk mokngang, sisibi sa' tinga tinting. A naga tanga fiararik wa na adisining kadagang waraga' sarengsa' fainirik waraga' tanga kabaksi' kadagang sini' naknama bibi' fanaking.

MATYU Anutuning midi kareng Matyu wari yoku' 5:11

Beng sini' sidi nagata' naktangka tanga kadapmang karengsa' yaranga ikanting ka aming fam wari u sapma midi sangkige tanga aroksam sige tanga napa' mamareng fam saramikanting undu' giri karengsa' ning torik.

2 Kor 4:5

Ka midi ka u ituatam wa sidi indining wap bema ara waraga' sura aposel indining kane wara'ning mo' ituatam, mokngang, indi midi kareng ka Kasira Aming wa napa'napa' wara'ning girii beng sini' ikita' wara'ning unggungsa' ituatam. Ning tanga ning tugutam, aposel indi girii Jisas ning arantagim ira sidi yotangkasap wara'ning kane amingsa' ikem.

LUK Anutuning midi kareng Luk wari yoku' 21:16

Ka aming ka sidita' digirap ira midiganang kuksap ga' sifikadofi wa aming fam warisa' mo' tini'. Mokngang wa arantagim ka sidaning tuang sini' ka mamangse babangse a kuyase amaa dabik a amise yong dabik ana undu' sifikadofani'ga'. Ning tinga digirapsi' adibu manggaksapma kadapmang kadagang siramira fam ka sidifikumak sini' tini'ga'.

LUK Anutuning midi kareng Luk wari yoku' 21:18

Ka adi urisi' guk mo' sifikadani'. Mokngang urasi' wa kareng ningsa' ko iro'.