Midi ka ya mini unggo wari adining naktangka aming bak ka yong indeng ikyangaking waraga' yoksamara' wara' sidi kafakafa naknganting. Aming ka midi i naknga tangkunang sa' adenga kadapmang kadagang ning kigineng u tarafarota' wa na nana tangkunang kareng ka kunim ganang kapmo' ikita' u amiinga nauta'. Abanga na uningkim fafa' pampangareng kabasi' kareng nua'ni u amotik. Ka uningkim ka wara'ganang wa na wap inga'ni kareng nua'ni wara'guk yora amotik. Wap ka wa aming fam wari kigeda ning guk mokngang, aming ka uningkim ka u bemota' anasa' wa giri nakedanga itarota', ning u yokiamotang ning nanggu'.
LUK Anutuning midi kareng Luk wari yoku' 18:30 - Anutuning midi totangka ingaʼni30 Adi napa' mambong ka u ibota' wara'ning tuboni wa Anutu wari napa' fam kabi'mo' ubu aminga auta'. Ning tinga adi kamaganang ingging irota' ganang wa napa' niga' nafek guk mo' tanga ira anganga inga' Anutuning yongganang undu' napa' girii sini' ka ka' fikifiki ningsa' iik u amiinga tanga iro' ning yanggu'. Gade chapit la |
LUK Anutuning midi kareng Luk wari yoku' 18:30
19 Referans Kwoze
Abanga aming wari midi kadagang ka Amingning Tim Iyak naga nangkadanting undu' Anutu adi suknakubeyam ning kadapmang guk. A kadagang ka aming wari Anutuning mini unggo kareng ning kigineng u kuma' kanga a udi mini unggo kadagang ane'sa' tara' ning tonga anikige tinting wa Anutu adi suknakubeyam guk mo' tota' mokngang sini', kami yara'ganang a inga' undu' ko ningsa' ira anganga aming ka waraga' kagaya amimi waraga'sa' irota' ning yanggu'.
Ka Anutuning midi undu' beng sini' yotangkanibita'. Wa ning, aming ka Anutuga' naktangka tanga Anutuning kadapmang didimengsa' tanga ira ning tanga napa' mambong ka adiganang kuma' ikanting waraga' a karengsa' kabi' ningsa' undu' giri ning tonga mesisiringa sa' tanga irota' wa adi kangasi ning ira damdang sa' beng sini' naknga irota'.
Beng sini' kadapmang ka fukni' wari kadapmang kareng yara waraga' ifigaba ga' titam undu' napa' kareng, ka wa pumpurumsa' iikning waraga' sura titam. A kadapmang kareng ka urani' yaptatora wara'ning u titi wa bibi' titining guk mokngang, wa kami a inga' undu' fikifiki kareng ningsa' iik wara'ning wara' wa napa' girii sini'.
Ka beng sini' na kadagang tipmakurata ning ami' kigineng u kuma' tanga tipmiringa naning sibeng guk aming girii king ning tare kareng sini' wara'ganang marekitamuk. Wara' aming ka kadagang tipmakurata ami' kigineng tanga tipmirota' wa na tare kareng ka wara'ganang bema kamiinga adindu' nagok girii dabik ira marekantamuk.
Ka inga' kabi'sini' mamareng a kagaya wari sidiganang kadofisamota' wa sidi u kanga waraga' mutu mo' tinting. Beng sini' Setan wari sidi tangkunang beng sini' wa iking ning tonga sidining naktangka u saramikinga mangfu titi waraga' tasamo'ga'. Ning tanga sidining amise fam wa manggara fonga iyung dasiabinga iyung kane kalabus tanga ikni'ga'. Ka sidining mamareng ka wa kama paramu' sini' mo' tanga ani'ga'. Mokngang sidi kama pumpurum ka 10 ningsa' tanga ira kabiinga mamareng wari bisam to'ga'. Aming fam wari kadagang saramira sidifagumak tonga tinga wa sidi nagata' suknakube guk mo' tinting. Mokngang sidi tangkunang ningsa' suktangkanga ira anting wa na napa' kareng sini' ka ka' fikifiki ningsa' iik u samokga'.
Ning tinga midi ne ka Jisas wari kane kigineng u tugu' wara'ning wari kama tubo Siria tara' u dabiksa' feradanga mugoinga naknga yareging. Ning tinga aming kama tubo wara'ni wari midi u naknga amise bagana kadagasi guk a mamaresi kuni' kuni' ka aming masi' unggo kadagasi guk ibap amamosi a bagana ka aming wari kungkumak tanga masi' fe titiing ningwara' u inagira auinga Jisas wari dabiksa' ifakarendasasu'negu'.
Piblisite