LUK Anutuning midi kareng Luk wari yoku' 1:3 - Anutuning midi totangka ingaʼni

³ Ka na midi wara'ning ki u nakdidima sini' titi waraga' kane kama paramu' sini' ira tanga ababanga naksasu'na sini' kuma' tanga wa kami nandu' guta' sura umpang ganang i yokamirik yang.

LUK Anutuning midi kareng Luk wari yoku' 1:3 Referans Kwoze

Ap 1:1

O amana kareng Tiofilas Luk na nasi' nasi' midi ka tim Jisas wari kane munumung sini' tipmarara tanga ami taming u Anutuning midi kareng yanggeku'. Yanggera yaranga anganga kama ka inga' Anutu wari kunim ganangga' tubobu nagira aronga tinga Anutuning mini unggo ning tang ganang aposel arantagimni 12 ka anata' ifakasirinagu' wara'siga' kane ka adining midi itua ning u titi wara'ning u yanggu'. Ima ning tanga ibinga kunim ganangga' mara tugu'. Ka wara'ning midi wa na tim umpang nua'ni ganang kuma' urang yokamguk wang. Ka umpang ka yara'ganang wa na midi ka u gangguk wara'ning fam nua'bu ganotik.

Ap 26:25

Ka Pol wari ning anigu', o girii Festas na mana mo' papenga torik. Mokngang na kafakafa kuma' sura nakedanga midi beng guk torik.

Ap 24:3

Ka fikifiki ami taming dabiksa' indi waraga' kabakni' karengsa' naknga fatugutam, wara'ning wa kami guta' asekni' ning ganem.

Ap 11:4

Ka Pita adi nasi' nasi' ka aming arantagim nua'ni ning bining ganang kadofingaminga kagu' wara'ning u kafakafa ina yaronga ning yanggu',

Ap 15:19

Ka indi midi ka u kanga ning kuma' nakedem, Anutu adi midi ka wa Devit ning arantagim ka Juda indi a aming arantagim nua'ni Juda mo' wara'guk dabik yotangkayap ga' sura togu'. Wara' na ning torik, Juda indi aming arantagim nua'ni ka Anutuga' naktangka titi ning wari Anutuning midi ninak ga' kadapmang mo' udaimtam.

1 Kor 16:12

A indining kuyani' nua'ni ka Apolos urang waraga' wa ning sanotik, adindu' naktangka aming fam inagira unggung anga sap ga' ning tonga fanirik. Ka kami yara'ganang wa adi u au ga' guk mo' suta', inga' u au ning kadapmang guk udep kanga wa giri kuma' anga sabo'.

1 Kor 7:40

Ka Pol naganing sasuk ganang wa Anutuning kane titi a mamareng fam wari kagadofi waraga' tanga ning sutik, tamkasa' anapmo' iik wa karengsa'. Ka na midi ka u torik wa ning sutik ka Anutuning mini unggo wari kuma'sa' yotangkanabinga torik.

Ap 15:28

Ka midi ka i yokem ya Anutuning mini unggo wari indining bining ganang ira sasuk kareng ka sidita' midi mamareng fam mo' sansam wara'ning u nininga totangkangam wa sidi kadapmang ka ning unggungsa' titi waraga' tongam.

Ap 15:25

Wara' indi yotangkasap titi waraga' midi tonga naknga ning tanga indi dabiksa' sasuk kubaniksa' kufara kuyase fama' nua'bu ifakasiranga indining kuyane karesi ka Banabas ya Pol ya wara'siguk kubap yangkareinga aying wang.

LUK Anutuning midi kareng Luk wari yoku' 1:1

O amina ka aming girii Tiofilas na guta' midi kareng umpang ganang i yokamotik. Midi ka ya tim Anutu wari aming indita' napa' girii ka Jisas ning iik ganang tinimgu' wara'ning, ka aming arantagim ka midi kareng wara'ning kane tanga ira napa' u munumung sini' kadofinga anganga ari'ni tubobu bibi' tugu' ganang u dabiksa' kuma' kasasu'neging anasa' ningging wara'ning. Ka aming fam adindu' midi ka u iyok waraga' sura kane girii kuma'sa' tanga yokyangaging.

Ap 18:23

Anga kadofinga unggung itarugu'. Iya' ning tanga Antiok yong u kabinga yong ka kama tubo Galesia a Frisia tara' ka tim kuma' agu' u nua'bu anga naktangka aming u yapma ifitangka tanga midi ina ina agu'.

1 Timoti 4:6

Ka Timoti gu midi ka i yokamarik i bema kuyane fam u inotang. Gu ning totang wa gu Kasira Aming Jisas ning kane aming kareng sini' irotang. Ning tanga Anutuning midi kareng ka indi naktangkatam waraga'sa' sura ning tanga midi kiginesi ka aming yanggekitam wara'ning u yarotang wari gifitangkainga tangkunangsa' adeutang.