JON Anutuning midi kareng Jon wari yoku' 8:6 - Anutuning midi totangka ingaʼni

⁶ Ka midi ka u anigaging wa adi Jisas wari kadapmang ka wara'ning sasuk waraga' fe' tinga Jisas u midiganang bema kaminga animbe waraga' kuma' tonga naknga abanga anigaging. Ka Jisas adi midi tubobu urap mo' yanggu'. Mokngang adi ningsa' kamanakiama mera kafong wari kama kudi gwinanga arayoku'.

JON Anutuning midi kareng Jon wari yoku' 8:6 Referans Kwoze

LUK Anutuning midi kareng Luk wari yoku' 10:25

Ka Juda ning sasuk aming nua'ni wari Jisas u taramikonga abanga Jisas u ning anigagu', tisa na nasi' tanga ka' iik fikifiki ningsa' tanga irotik.

MATYU Anutuning midi kareng Matyu wari yoku' 19:3

Ka Farisi arantagim wari Jisas wari kane anga tugu' wara'ning midi u naknga anga Jisas wari midi fam fe' tinga midiganang bema kamintam ning tonga midi nua'ni ka ning anikaging, ai gu kadapmang ka aming wari tamni kagabi ning waraga' wa indining sutang. Juda indining kadapmang tang ganang wa taming wari kadapmang kuni' kuni' u defata' u tinga ufini wari kagabi titi waraga' guk u tuguta'.

1 Kor 10:9

Abanga adi Anutuning midi karang kayonga a mokngang mo' indifota' ning tonga kadagang nua'bu ko tanga ira auinga Anutu wari gimik kagaya ifakadofiaminga gimik wari dipming nainga kumaksasu'neging ning wa indindu' ma tanam.

MAK Anutuning midi kareng Mak wari yoku' 10:2

Ka Juda ning sasuk aming ka Farisi arantagim wari Jisas u mandaga' taramaronga anga ning anigaging, ai Juda aming indining kadapmang tang ka aming wari tamni kagabi wara'ning wa indining adera' karang.

MAK Anutuning midi kareng Mak wari yoku' 8:11

Ka Jisas guk ka arantagimni guk wari u anga kadofiinga Farisi arantagim wari Jisas u mandaga' taramikonga abiging. Abanga kadofinga Jisas u ning anigaging, gu Anutuning napa' tangkunang ka ni tinga kanga wa indi o beng sini' gu Anutuning tangkunang guk ba itang ning tontam ning aniging.

MATYU Anutuning midi kareng Matyu wari yoku' 26:63

Ka Jisas adi midi tubobu guk mo' anigu'. Adi mini isefinga midi map da'ning ade sa' tugu'. Ka pris girii wari nua'bu anigu', ai Anutu girii ka' iyak guk wara'ning wap ganang beng guk sini' ning gangkarik gu midi beng guksa' nine'. Ma' gu Anutuning mindingni Kasira Aming beng sini' wa.

MATYU Anutuning midi kareng Matyu wari yoku' 22:35

ning tanga Mosas ning kadapmang tangkunang ning sasuk aming nua'ni u anigareinga anga Jisas u ning anigagu',

MATYU Anutuning midi kareng Matyu wari yoku' 22:18

Ka Jisas adi kabaksi'ganang u sasuk kadagang guk tanga anga aniging u kuma' yapkedanga ning yanggu', a sidi kuma' sapkedarik sasuk kadagang guk abanga mandaga' naramironga ting.

MATYU Anutuning midi kareng Matyu wari yoku' 16:1

Ka aming girisi arantagim fama' ka Farisi guk ka Satyusi guk wara'sining aming fam wari Jisas wari napa' kadagang ni tinga midiganang bema kami waraga' ning tonga anga Jisas u mandaga' ning taramaking, gu kunimganang ning napa' tangkunang ka ni tinga kanga o Anutu wari adiganang beng sini' ba ita' ning wa wara'ganang tontam ning aniging.

MATYU Anutuning midi kareng Matyu wari yoku' 15:23

Ka Jisas adi midi tubobu kabi'guk mo' anigu'. Ka taming udi iibi guk mo' tugu'. Ko tonga iwara mugogu' u kanga arantagimni wari Jisas u ning aniging, ai girii taming i katinga indawara fabara' ikaya', anigara tinga tubobu mawa'.

MATYU Anutuning midi kareng Matyu wari yoku' 10:16

Ka sidi aming ka naning midi ga' bibi' naknga ikiting wara'sining bining ganang ira titi waraga' wa kafakafa suktangkanga sasuk guk anting. Na aming fam ka sifakadaga titining guk iking wara'ganang ka sipsip nano tangkunang guk mokngang wari kugwang kagaya guk ning bining ganang urang mugoting ningda'ning tanga sangkararik. Wara' sidi sasuk ka tangkunang fama' ka nasi' kadapmang wa didimeng kareng unggungsa' titi waraga' kafakafa sasuk abanga aming u midi kugurang sa' ina yotangkayap titi ningwaraga' suktangkanga tanga anting.

JON Anutuning midi kareng Jon wari yoku' 8:2

Anga deia' kamindap gaa' sini' siring yak girii tempel ga' tubobu abugu'. Ka tempel gaga wara'ganang ka ami taming kabi'mo' wari adiganang bak nua'bu abanga kukinga mera yanggek fatugu'.

LUK Anutuning midi kareng Luk wari yoku' 11:16

Ka aming fam ka anikige tiging adi Jisas wari fe' titi waraga' sura mandaga' taramikonga kane tangkunang nua'ni ubu titiga' aniging. Ning aniging, indi gu kane tangkunang nua'bu tinga kanga wa o Anutu wari adiganang beng sini' ita' ning tontam ning aniging.

MAK Anutuning midi kareng Mak wari yoku' 12:15

Ka Jisas adi mandaga' taramikonga abanga aniging u kuma' yapkedanga ning yanggu', a sidi mandaga' naramikonga ting sabirik. Ka uningkim mambong moni ka ni naminga kawak.

MAK Anutuning midi kareng Mak wari yoku' 3:2

Ka aming fam ka Jisas ga' kabaksi' kadagang fanakngamiaging adindu' Jisas wari mengkura ning kamaganang u aming ni udep tipkarendainga wara'ganang animbenga bema midiganang kamintam ning tonga amanga mera kafatatoreging.