JON Anutuning midi kareng Jon wari yoku' 8:54 - Anutuning midi totangka ingaʼni

⁵⁴ Ka Jisas adibu ning yanggu', na naganing wap nagasa' bema ararok ganang wa giri, sigening ning napma a mandaga' giknarang ning toyaning. Ka mokngang na naganing wap guk mo' bema aretik. Naning wap wa naganing babangna ka sidi sidining Anutu ning tonga fatuguting warisa' bema areta'.

JON Anutuning midi kareng Jon wari yoku' 8:54 Referans Kwoze

JON Anutuning midi kareng Jon wari yoku' 8:50

Na aming wari naganing wap bema ara waraga' mo' sura tirik, mokngang. Aming girii nua'ni ka napa' napa' ning ki u kuma'sa' yapsasu'neta' wari naning iikna u kuma'sa' kanga naning wap bema ara waraga'sa' sukita'.

2 Pita 1:17

Ka diok u kagum wara'ning ki sini' ka ning, girini' ana kama bubo nua'ni ka Anutu wari midi togu' wara' ananing kama bubo ning anitam wara'ganang indagira areinga sibeng Anutu wari ananing diok kigineng girii guk afanga mindingni Kasira Aming Jisas ning wap bema aranga adining tangkunang u ningtintingnonga diok kigineng wara'ning bining ganang midi ning togu' ya naganing sabana na adita' siamo' naknga kabakna karengsa' nakngamitik. Ka midi ka u togu' wa indindu' unggung dabik adegum wara' kuma' nakum.

2 Kor 10:18

Beng sini' aming ka ananing wap anasa' bema arota' wa adi Anutuning de ganang wa wap guk mokngang. A aming ka Anutu wari adining kan u kareng ning kanga wapni bema arota' wa giri adi wap girii guk beng sini' ita'.

Ap 3:13

Mokngang, aming u karendara' wara'ning kini wa ning, Anutu girii ka Juda aming indining papane ka Ebraham a Aisak a Jekop u yotangkayabarugu' warisa' wa adining kane aming kareng ka Jisas wara'ning wap u tipgaraga waraga' tara'. Aming ka wa sidi bema aming arantagim nua'ni ga' yamging. Ka adisining girii Pailat wari kagabi tinga mugo ga' giri kuma' togu' de ka sidi bibi' naknga a wa indining girini' mo', aming kadagang ning tonga manda ukngama ugumak titi ga'sa' urang toging wang.

JON Anutuning midi kareng Jon wari yoku' 17:1

Ka Jisas wari arantagimni midi ka u ina ina ning tanga kunimganang kuta taranga denga beni Anutuga' ibang ning togu', o beng sini' sibeng kama ka gu napa' tinga guning wap wari girii kagadofi ga' togung wa kuma' kadofonga tara' yang. Ning tinga gu sabaga naganing wap bema areinga nandu' guning wap bema arotik.

JON Anutuning midi kareng Jon wari yoku' 8:41

Ka na ning sabarik ka sidi kadapmang ka u ting wa sidining babangsi' ning kadapmang sa' yaranga ting. Ka adibu ning aniging, a indi simeng se' wari kadagang sansaramik tanga indibeinga wap kadagasi guk mo' ikitam, mokngang wara' indining babangni' girii kubanik wa Anutu sa'.

JON Anutuning midi kareng Jon wari yoku' 7:18

Ka wara'ning wa ning, aming ka ananing sasuksa' tanga fatota' adi ananing wap bema ara waraga'sa' sura tota'. A aming ka girini wari anigareinga girini ning wap bema ara ga' sura tota' adi aming midi mandaga' tutugung mo'. Mokngang adi aming midi beng guk tuang.

1 Pita 1:21

Ka sidi kane ka Kasira Aming wari afanga tugu' u kuma' kanga ning tanga Anutu girii ka Jisas wari kungkumak tinga tubobu tipmarara wap girii amigu' waraga' naktangka ting. Ka sidi Anutuning kigineng u kanga adita' naktangka sa' tanga adi manggaksap wara'ning kama u kapmekanting.

1 Pita 1:12

Ka midi ka profet wari u toging wa Anutu wari profet ana wa ning yanggu', kadapmang kareng ka naga aming yotangkayap ga' u tonga torik wa urap kadofinga sidi yotangkasap ning mo', mokngang, wa inga' sini' kadofiinga aming ka inga' ikni' warisa' kani'ga'. Wara' aming ka kami yara'ganang ikem sidi a indi dabiksa' indi midi ka u naknga ning tontam, o beng sini' Anutu wari adining mini unggo u anigareinga afanga aming ka midi ituaning ka kami yara'ganang iking u yotangkayabinga adi midi kareng ka Anutu wari yotangkanip ning u kuma' nininga nakem. Ka midi kareng ka wa Anutuning kuning aming ensel arantagim adindu' kadapmang ka Anutu wari indi manggaknip wara'ning u kaga ga'sa' fanakiting, ka mokngang. Kadapmang ka wa aming ka kami yara'ganang ikem indiganangsa' kadofiniminga kaga wara'ningsa' wara' sidi waraga' sura mesisiringa girii tinting.

JON Anutuning midi kareng Jon wari yoku' 17:5

O sibeng tim kama a kunim wari ko mo' kadofigu' ganang wa na gugok wap girii guk ningsa' ikiagumuk. Ka kami yara'ganang na gu ganang tubobu autik wa gu wap girii ka tim urang ikiagumuk ningsa' nua'bu tanaminga ikantamuk.

JON Anutuning midi kareng Jon wari yoku' 7:39

Ka ama ka ka' iyak ning ka Jisas wari u togu' wa Anutuning mini unggo waraga' sura togu'. Kama ka wara'ganang wa adi kungkumak tanga marara beni Anutu ganang wap girii ko mo' bemgu'. Abanga Anutu wari amingga' adining mini unggo undu' ko mo' yamgu'. Wara' Jisas adi midi ka u togu' wa inga' ana kungkumak tinga aming ka adita' naktangka titi wa Anutu wari adining mini unggo u kabaksi' ganang kamiaminga ama da'ning ira fakadofi waraga' togu'.

JON Anutuning midi kareng Jon wari yoku' 5:41

Ka beng sini' na midi ka u torik wa na sidi nagata' ninak wa ma nagata' mo' ninak waraga' sasuk mimeng mo' tanga torik, mokngang.

JON Anutuning midi kareng Jon wari yoku' 2:11

Ka Jisas wari ama marang guk ka Kena yong Galili tara' ganang u tipigiku' wa Jisas wari adining tangkunang wari kane tangkunang mirakel munumung sini' tugu'. Ning tinga aming adi Jisas wari adining tangkunang yangtintingnegu' u kaging. Ka adining arantagimni adi u kanga a dita' naktangka tiging.