Biblia Todo Logo
Bib sou entènèt

- Piblisite -




JON Anutuning midi kareng Jon wari yoku' 8:18 - Anutuning midi totangka ingaʼni

18 Ka nandu' ningsa' na naganing midi wa nagapmo'sa' mo' torik. Mokngang sibeng ka nangkara tugu' adindu' naganing ki waraga' wa kuma'sa' yotangkanama tuguta'.

Gade chapit la Kopi




JON Anutuning midi kareng Jon wari yoku' 8:18
16 Referans Kwoze  

Ka Jisas wari ning yanggu', beng guk sini' ning sanotik, timinggi' timinggi' sini' Ebraham wari ko mo' kadofigu' ganang wa na ningsa' ira abutik.


Na napa' karesi ka sibeng wari nangtintingneta' unggungsa' yapma sanitik, ka sidibu napa' kadagasi ka babangsi' wari sangtintingneta' u yaranga tanabonga ting ning yanggu'.


Ka Anutu wari aposel arantagim wari adining midi ituanga yareging u tiptangkainga aming wari adining tangkunang u kanga naktangka titi waraga' sura kane tangkunasi mirakel a napa' tangkunasi fam ka aming wari titining guk mokngang undu' kuma'sa' tugu'. Abanga adining midi kareng u tiptangka wara'ning wa Anutuning mini unggo wari ananing sasuk ganangsa' aming kubanik kubanik indita' tangkunang kuni' kuni' kuma' nima yareta'.


Ka Jisas wari ning anigu', yong ka wara'ning kadapmang wa nagasa'. A midi beng guk ning ki a ka' iyak ning ki undu' nagasa'. Aming wari sibeng ganang kagadofi wara'ning kadapmang nua'ni guk mokngang, nagaganang sa' abanting.


Beng sini' na sipsip yaptatora aming kareng beng guk. Sibeng wari naga nabita' a naga sibeng katik ningsa' wa na naning sipsip undu' yapkeda sa' titik. Ning tinga adindu' napkeda sa' titing. Abanga na kafakafa sini' yaptatoretik wara' na adi yotangkayap ga' tanga naning iikna kabiam sa' tirik.


Na sipsip yaptatora ning aming kareng wari itik. Ka sipsip yaptatora ning aming kareng adi napa' kadagang ni wari sipsipni u ifikadangamonga tinting u kanga wa ananing fugu guk mo' surota'. Mokngang adi sipsipni u yotangkayap waraga' tanga ananing fugu u girisa' kabiaminga tipkadagainga kumarota'.


Beng sini' nagasa' wa sinim wara'ning iming ning itik. Aming ka iming ka wara'ganang abanga amanting wa napa' kadagang ni wari mo' ifikadauta'. Mokngang adi kugurang kareng gi' giri ikanting. Ning tanga nana fam yapma naunga fugang amama a iyung bane tubobu afanga kugurang gi' iik wa iming tangkunang kareng ka u torik wara'ganangsa' tinting.


Ka beng sini' ning sanotik, aming ka naning midi ninaksa' tanga yaranga tanga irota' wa adi kungkumak guk mo' to'ga'.


Ka Juda aming girisi adibu ning aniging, ka gu wa nisi'. Gu aming girii ning torang wa kafakafa nininga naknam. Ka Jisas wari ning yanggu', naganing ki wa kama paramu' kuma' fasanirik ningsa'.


Ka siring yak girii ganang unggung Jisas wari ami taming u nua'bu yanggu', na kamaganang i diok sanganda wara'ning kamang diok ning itik. Aming ka naga nawara naning sasuk kareng unggungsa' yarota' wa adi sasuk kadaganang ka kama kangkam da'ning wara'ganang mo' irota'. Mokngang adi kaba ganang wa diok kareng ka ka' ningsa' iikning wara'guk sangangsa' irota'.


Beng sini' nagok ka sibeng guk indi kubaniksa' ning ikitamuk ning yanggu'.


Ka Jisas wari ning anigu', beng sini' torik aming wari tubobu mamarak wara'ning ki wa naga yang. Abanga ka' iyak ning ki undu' nagasa'. Aming ka nagata' naktangka kuma' tanga irota' adi kungkumak udi giri tota' ka adi ka' tubobu kuma'sa' irota'.


Swiv nou:

Piblisite


Piblisite