JON Anutuning midi kareng Jon wari yoku' 15:21 - Anutuning midi totangka ingaʼni

²¹ Ka adi sibeng ka nangkara tinga afuguk wara'guk mo' kating wara' adi sidi kane ka naganing wap ganang tinting waraga'sa' tanga wa sidita' bibi' naknga kadapmang kuni' kuni' u saramikanting wang.

JON Anutuning midi kareng Jon wari yoku' 15:21 Referans Kwoze

MATYU Anutuning midi kareng Matyu wari yoku' 10:22

Ka aming kabi'mo' wari sidi naganing kane tini' u sapma sidita' bibi'sini' naksamni'ga'. Ka sidi mamareng ka waraga' bima guk mo' tanga tangkunang ningsa' tanga ira ani' wa na inga' kafakafa tasapma gi' manggara kuksabinga ikni'.

JON Anutuning midi kareng Jon wari yoku' 16:3

Ka adi u saramikni' wara'ning ki wa adi sibeng guk ka mindingni nagok indining sasuk ki ki u kabi'sini' guk mo' nakedating wara' wa adi u saramikni' wang.

JON Anutuning midi kareng Jon wari yoku' 8:19

Ka Farisi aming wari ning aniging, ka guning babangga u torang wa nisi'. Ka Jisas wari ning yanggu', beng sini' sidi naga napkedanga a sibeng kigedanga ning kabi'guk mo' ting, mokngang. Ka sidi naga i napkeda guk kuma' tianing ganang wa giri, sibeng undu' kayaning ning yanggu'.

MATYU Anutuning midi kareng Matyu wari yoku' 24:9

Ka wara'ning mandang ganang wa mamareng kabi'mo' fam ka ko kadofo' wa ning, aming wari sidita' bibi' naksama sinagira fonga aming fam ga' iminga adibu manggaksapma fonga kadagang siramira sidifikumak titi ning tini'ga'. Ning tanga aming kabi' kabi'mo' wari sidi naganing arantagim ikni' u sapma sidita' bibi'sini' naksamni'ga'.

MATYU Anutuning midi kareng Matyu wari yoku' 10:18

Ning tanga adi sidi kane u tinting wara'ning midi u nakdidima waraga' midiganang kuksabinga gavman girisi a king arantagim wara'sining dimisi'ganang adeni'ga'. Ka adi mamareng ka wa sidi nagata' naknga naga yotangkanap ning kane tinting waraga' tanga saramikni'ga'. Ka sidi aming girisi a aming arantagim nua'ni ning bining ganang adenga wa sidi naganing midi kareng wa ituaim ning kadapmang guk u kanga ituaim sa' tini'.

Ap 5:41

Ka aposel adi yak u kabinga fugang amanga fefiap titing waraga' sura ning toging, a indi kane kareng ga' tanga fefanibing waraga' wa kabakni' mamareng naknga sasuk mimeng mo' tantam. Mokngang indi Anutu wari aming arantagim ka Jisas ning wap u itua wara'ning mamareng girisa' bimbem ning ning kuma' nibara' wara' indi asekni' ning tonga mesisiringa sa' tantam ning tonga mugoging.

REVELESEN Anutu wari Jon ga' Girii Jisas ning ki anatintingneinga kagu' 2:3

Abanga aming wari sidi nagata' naktangka ting u sapma sansaramik tanga sifakadaga ting ka sidi mamareng waraga' sura naktangkasi' u kagabi guk mo' ting, mokngang sidi tangkunangsa' adeing undu' kuma' sabarik.

2 TESALONAIKA 1:8

Ning tanga aming ka kadagang tanga Anutuga' kabl'guk mo' sukiting a aming ka girini' Jisas ning midi kareng ka indi ituatam u ninak ga' bibi' nakiting wara'siga' kagaya u kabiamo'ga'.

1 Kor 15:34

Wara' na midi kigineng ning sanotik, beng sini' sidining bining ganang wa aming fam adi Anutuning kadapmang u kabi'guk mo' nakedanga iking. Ka midi ka u torik wa sidi naknga sidining kadagang waraga' sura kabaksi' mamareng naknga kadagang u kabinga sasuk kareng ka naktangka aming wari titining sini' ubu yaranga tanga ikanting.

1 Kor 2:8

Ka kamaganang ning aming girisi adi kaga guk mo' tiging wara' adi Anutuning aming girii tim iyak kubaniksa' u bema ugariging. A adi kuma' nakonga tiging ganang wa mo' bema ugaronga tiging.

ROM Midi umpang Pol wari Rom aming ga' yokiamgu' 1:28

Adi a indi Anutuning kapmik ganang mo' ikantam ning tonga bibi' nakiting u yapma Anutu wari iibi sa' tanga bangap ningsa' mera yabinga anasa' ira sasuksi' kadagang wari kadapmang didimeng mo' wara'ganang inagira auinga adi kadagang mumungguk sini' kuni' kuni' ka aming wari mo' titining u titing.

Ap 17:23

Na yong yara'ganang yangara murak ka sidi yangmamangneting wara'ning wa kuma'sa' yapsamarik. Ka murak nua'ni ka wapni guk mokngang ka sidi midi ka murak ka ya wapni kapmo' adeta' wara'ning alta ning yoking undu' kuma' anga kaguk. Ka murak ka sidi wapni guk mo' naknga sigesa' animamangneting wara'ning ki wa na fafong nakitik wara' wara'ning midi sanotik u mera nakni'.

Ap 9:16

Ka adi naganing kane tanga nasi' mamareng kuni' kuni' katua wara'ning undu' kuma' anadidimotik ning anigu'.

Ap 3:17

Ka beng sini' kuyane na kuma'sa' nakarik, sidigok ka sidining girisi' guk sidi tim kadapmang ka Jisas u taramiking wa kafakafa guk mo' naknga tiging.

JON Anutuning midi kareng Jon wari yoku' 8:54

Ka Jisas adibu ning yanggu', na naganing wap nagasa' bema ararok ganang wa giri, sigening ning napma a mandaga' giknarang ning toyaning. Ka mokngang na naganing wap guk mo' bema aretik. Naning wap wa naganing babangna ka sidi sidining Anutu ning tonga fatuguting warisa' bema areta'.

LUK Anutuning midi kareng Luk wari yoku' 6:22

Ka aming fam wari sidi Amingining Tim Iyak naga nawara naganing kane tanga ikanting waraga' tanga sidita' bibi' sini' naknga manda uksama ning tanga a sidi aming kadagasi ning saninga undu' sidi waraga' kabaksi' mamareng mo' nakanting. Mokngang sidi kabaksi' karensa' naknga ikanting.

MATYU Anutuning midi kareng Matyu wari yoku' 10:39

A aming ka ananing iikni wari gi' ningsa' iikga' sura ananing fugu katatora ning kane sa' tanga irota' wa adi bisasu'na wara'ning. A aming ka ananing fugu ga' sasuk mimeng guk mo' tanga naganing kane yotangkanama tanga kumarota' adi inga' ka' iik kareng sini' bema iro'ga'.

MATYU Anutuning midi kareng Matyu wari yoku' 5:11

Beng sini' sidi nagata' naktangka tanga kadapmang karengsa' yaranga ikanting ka aming fam wari u sapma midi sangkige tanga aroksam sige tanga napa' mamareng fam saramikanting undu' giri karengsa' ning torik.

MAK Anutuning midi kareng Mak wari yoku' 13:13

Beng guk sini' aming kabi'mo' wari sidi naganing kane tini' u sapma sidita' kabaksi' kadagang sini' naksama ning tanga kadapmang kadagang ka ning u siramira yarani'ga'. Ka aming ka naganing midi a wap u kagabi guk mo' tanga tangkunang ningsa' surotangkanga tanga ira awa' wa na gi' bema kamiinga adi iik kareng ka ka' fikifiki ningsa' wara'ganang ira awa'.

LUK Anutuning midi kareng Luk wari yoku' 21:12

Ka napa' napa' u tonga yararik wari ko mo' kadofo' ganang wa tim ka aming wari naganing arantagim sidi nagata' naktangka tini' u sapma sidita' bibi' naknga naganing wap u tipkadaga ga' sura manggaksap tanga kadagang saramira sidifi tini'ga'. Ning tanga sinagira fonga siring yak iyung ganang kuksabinga midi fatoni'ga'. Abanga adi fiking ni ka sidita' kabaksi' kadagang naksama sinagira fonga aming girisi king a gavman ning girisi fam wara'sining dimisi' ganang sifikadofini'ga'.

LUK Anutuning midi kareng Luk wari yoku' 21:17

Beng sini' sidi nagata' naktangka tanga wap ka naganing arantagim ning guk ikni' u sapma kabaksi' kadagang naknga sidita' bibi' sini' naknga kadagang kuni' kuni' kabi'mo' ning saramikni' de.

JON Anutuning midi kareng Jon wari yoku' 8:55

Anutu ka wa sidi mo' kating, nagasa' wa giri katik. A naga mo' katik ning torok ganang wa midi mandaga' ka sidi tuguting ningsa' torok. Ka na sibeng Anutu u nakeda tanga a adining midi u yaranga ning titik wara' na midi ka u torik wang.

JON Anutuning midi kareng Jon wari yoku' 15:24

Ka kane ka naga tiamitik ningwara' wa aming nua'ni wari tim guk mo' tinga kaging. Mokngang sini' wa nagapmo' kubaniksa' titik. Ka adi kane ka u titik wara'guk mo' kayaning ganang wa adi kadagang guk mokngang. A adi naning kane kuni' ni u kuma' kanga nagata' bibi' naknama a naning sibeng waraga' bibi' nakngama ning titing wara' na ning torik, adi kadagang girii guk.

JON Anutuning midi kareng Jon wari yoku' 17:25

O beng guk sibeng didimeng kareng sini' aming ka kamaganangni ga'sa' sura iking adi guta' kabi'guk mo' nakeding. Sabaga nagasa' wa guning iik u nakedanga itik. Abanga naganing arantagim adindu' gusa' beng sini' nangkareinga afuguk ning u kuma' nakeding.

Ap 4:17

Ka indi iibisa' tantam wa adi kane ka u tiamu' u nua'bu tanga auinga aming wari unggungsa' ma yarani'. Wara' indi midi tangkunang ka wap ka Jisas u nua'bu mo' tutugu waraga'sa' wa giri ifangyang tantam ning toging.

Ap 9:14

Abanga na midi ka pris girisi wari guning naktangka aming ka yong yara'ganang ikem u abanga manggara fonga dasinip waraga' umpang kuma' yora amiging wara'ning undu' kuma'sa' nakuk.

Ap 26:9

Ka beng sini' tim wa nandu' sasuk tangkunang ka Jisas Nasaretni adining wap u tipkadaga waraga' kadagang kuni' kuni' titi wara'ning kanesa' tanga yaguk.

1 Jon 3:1

O amine beng guk sini' sidi napa' girii sini' ka Anutu wari indita' tanimita' waraga' sukanting. Adi indita' siamo' naknga wap adining mindine ning u nimita'. Ka adi wap ka u nimita' wara' beng sini' indi adining mindine ning kuma' ikem. Ka aming ka napa' kamaganangni ga'sa' sukiting adi Anutuning iik wara'ning ki kabi'sini' guk mo' kating wara' adi indi Anutuning mindine ikitam undu' mo' nipkedating.

3 Jon 1:7

Beng sini' aming arantagim ka wa adi Anutuning midi kane waraga'sa' sura marara tanga yangating. Ka adi aming ka naktangka guk mo' titing wari mambong fam ka fuksi' yotangkayap ning u yotangkayap waraga' guk mo' yangkating, mokngang.