JON Anutuning midi kareng Jon wari yoku' 12:9 - Anutuning midi totangka ingaʼni

⁹ Ka Juda aming adi midi ka Jisas wari Lasaras tipmaragu' wara'ning udi kuma'sa' naknga yareging. Wara' adi Jisas wari Betani yongga' agu' wara'ning midi u naknga ami taming kabi'mo' wari Jisas u kaunga aging. Ka adi Jisas sa' mo' kaunga aging. Mokngang adi aming kungkumong Lasaras tipmaragu' undu' kadidima ning titi waraga' sura aging.

JON Anutuning midi kareng Jon wari yoku' 12:9 Referans Kwoze

Ap 4:14

Ning tanga adi midi mamareng fam sige yangbe ga' ning tonga kuma' suking. Ka mokngang, adi aming kayong kadagang karendagu' wari anasigok unggung kubap kuma' amanga adeging waraga' tanga midi tubobu iyang ning kadapmang waraga' iyok tanga marek sa' tiging.

MAK Anutuning midi kareng Mak wari yoku' 12:37

Ka sidi midi ka waraga' wa indining suking, Devit ana wa Kasira Aming wa girii ning anigu'. Ka sidining sasuk aming adindu' Devit ning irini ning wa giri fatuguting ka adi wara'ning ki guk mo' u naknga fatuguting ning yanggu'. Ning tinga aming arantagim sige kabi'mo' ka bak tanga Jisas ning midi u mera fanaking adi Jisas ning midi u marang guk kareng ning naknga kabaksi' karengsa' naking.

JON Anutuning midi kareng Jon wari yoku' 12:1

Ka sande girii Pasova wari kagadofi waraga' kama 6 ning ko adegu' wara'ganang ka Jisas wari yong Betani waraga' agu'. Yong ka wa tim Lasaras kungkumong urang tipmaragu' wara'ning yong waraga' agu'.

JON Anutuning midi kareng Jon wari yoku' 12:10

Ka pris girisi adi aming arantagim girii wari Lasaras kaunga aging u yapma ning toging, ai adi Jisas wari aming tipmaragu' u anga kanga Jisas ga' naktangka ubu tanga indi ya indibi ma tini'. Ning tonga Jisas ana u ugumara ning tanga aming ka tipmarak tugu' undu' dabik dipmigumak waraga' midi totangkaging.

JON Anutuning midi kareng Jon wari yoku' 12:12

Ning tanga kamindapning ka Jisas wari Betani yong u kabinga Jerusalem yong girii ga' agu'. Ka ami taming kabi'mo' ka sande girii Pasova u kaunga abanga Jerusalem yong u dera yareging wari Jisas udi kuma' arabara' ning toging u naknga

JON Anutuning midi kareng Jon wari yoku' 12:17

Ka ami taming kabi'mo' wari Jisas ga' kafakafa tangama menga nagik tiging wara'ning wa tim Jisas wari Lasaras katinganinga kama ginang ganang seranga marara afugu' wa ami taming kabi'mo' adindu' kubap adeging ganang tinga kuma'sa' kasasu'neging. Wara' adi midi ka kane tangkunang u tugu' wara'ning wa kuma' ininga naksasu'neging waraga' tanga wa adining wap bema areging wang.