Jems 2:7 - Anutuning midi totangka ingaʼni

⁷ Abanga Anutu wari manggaksapma wap kareng ka Jisas ning arantagim ning sanita' u sangkige wara'ning undu' aming ka ningwara' warisa' tasamiting. Wara' sidi kafakafa tiama wapsi' bema aronga wa tim ka kafakafa sini' yapkedanga wara'ganang tiamting.

Jems 2:7 Referans Kwoze

1 Timoti 1:13

Ka beng sini' tim wa na aming kareng mo' yaguk, mokngang, na Jisas ga' naktangka guk mo' tanga adining wap u anigige tanga adining naktangka aming arantagim u ifakadaga wara'ning kanesa' tanga yaguk. Ka na girii Jisas ning ki u kafakafa guk mo' naknga tuguk. Abanga kane ka u tanga yareguk wa naknga tuguk. Abanga kane ka u tanga yareguk wa Anutuning wap tipkadaga wara'ning undu' nakeda guk mo' tanga tuguk. Wara' Anutu wari u napma nifikadaga guk mo' tugu', mokngang, adi bibiri' napma yotangkanap sa' tugu'.

Ap 11:26

Anga kadofinga wenanga katuanga ning tanga Antiok yongga' kubap tubobu abugumu'. Abanga kadofinga Antiok yong unggung Banabas guk ka Sol guk dabik gurak kubanik ning sini' ira fikifiki kane ka naktangka aming bak arantagim kabi'mo' u yanggek wara'ning u tanga ira agumu'. Ning tanga kama ka wara'ganang wa aming wari naktangka aming bak ning wap inga'ni ka Kristen ning u munumung sini' tipkadofinga tanga yangging, tim wa wap ka wara'guk mo' toyaging.

REVELESEN Anutu wari Jon ga' Girii Jisas ning ki anatintingneinga kagu' 19:16

Ka aming wara'ning kwi' paramu' ka bang ganang tara' wa wap nua'ni guk yora kabiging wa ning, aming girisi king arantagim adisining tim iyak a aming girisi arantagim adisining girii.

REVELESEN Anutu wari Jon ga' Girii Jisas ning ki anatintingneinga kagu' 19:13

Ka adining fugu ganang wa kwi' paramu' ka amaa adi' u kamagu'. Ka aming wara'ning wapni wa Anutuning midi ning aniting.

EFESAS Midi umpang Pol wari Efesas amingga' yokiamgu' 3:15

Beng sini' wap ka sibeng u torik wa aming arantagim ka kunimganang ikiting a kamaganang ikitam indigok dabiksa' wa Anutu girii warisa' indifikadofiinga arantagim nua'ni nua'ni ikitam.

Ap 26:11

Abanga na fikifiki siring yak ganang yangara aming wara'siga' mamareng girii ima a naktangka aming ka girii ga' naktangka tiging u kabinga manda ubu ukngam waraga' kadapmang kadagang kuni' kuni' fairamaturuguk. Ning tanga kabakna kagaya sini' naknga yong kamani indeng udi mandang yaura au ning ara tuguk.

Ap 4:12

Beng sini' Anutu adi indi yotangkanibinga gi' iik wara'ning wa kama ganang yara'ni aming nua'ni guk mo' kamigu'. Mokngang sini' adi aming kubaniksa' ka Jisas unggungsa' wa yotangkanip titi wara'ning tangkunang guk kamigu' ning yanggu'.

MATYU Anutuning midi kareng Matyu wari yoku' 12:24

Ka Farisi arantagim fam wari midi ka u naknga ning toging, a sidi sige mo' tonting, aming ka wa mini unggo kadagasi ning girisi' Setan ka Bielsebul ning tugutam wari amanga tangkunang amiinga tangkunang ka warisa' mini unggo kadagasi tanga igukita' u kanga toing.

MATYU Anutuning midi kareng Matyu wari yoku' 1:23

Ka midi ka profet wari u tokadofigu' wa ning, <> (Ka midi wap ka Emanyuel wara'ning kini wa Anutu wari indiganang ita'.) Tim profet wari togu' wara'ning midi wa ningsa'.

MATYU Anutuning midi kareng Matyu wari yoku' 27:63

Tanga Pailat u ning aniging, girii gam indi mandaga' aming ka kap urang ugariging waraga' ganonga abem. Adi ka' ko ikita' ganang wa ning fatuguta', na kungkumak tok wa na kama faminengsa' ibinga tubobu kuma' seranga mararokga' ning fatuguta', ka indi midi ka waraga' ko sukem.

Ap 15:17

Ning tinga aming arantagim nua'ni kabi'mo' ka wap naning arantagim ning iikga' ifakasirinaguk wari nagata' wena tinting.

1 Pita 4:16

A sidi Kasira Aming Jisas ga' naktangka tanga ira kagaya u bemting wa napa' kadagang ka amingning dasi'ganang megang ninakning mo', mokngang, sidi wap Kasira Aming ning naktangka aming ning ikinga saramiking waraga' Anutu u asekni' ning aninga adining wap bema aranting.