GALESIA Midi umpang Pol wari Galesia amingga' yokiamgu' 6:17 - Anutuning midi totangka ingaʼni

¹⁷ Ka naning midi ari' wa ning, sidi a Pol adi Jisas ning kane aming sini' mo' ning tonga naning midi kang tanga nagata' mamareng nua'bu nanam ga' bibi' nakarik. Beng guk sini' urang sanarik tim na girii Jisas ning kane ga' tanga aming wari nuking wara'ning udi guri' wa fukna ganang ko fidera' wara' na Jisas ning kane aming sini' wari sanarik.

GALESIA Midi umpang Pol wari Galesia amingga' yokiamgu' 6:17 Referans Kwoze

2 Kor 1:5

Ka kagaya girii ka tim Kasira Aming wari bemgu' wa adining kane waraga' tanga kagaya girii ka wari indiganang undu' ningsa' kadofaniminga bemitam. Ka wa kagaya sa' mo' bemitam, mokngang, wa indi Jisas ganang yorafanga ira adining kaba kugurang kareng yotangkanip beng sini' titi wara'ning undu' sabaraniminga bemitam.

KOLOSI Midi umpang Pol wari Kolosi amingga' yokiamgu' 1:24

Tim Kasira Aming Jisas adi naktangka aming arantagim bak ka ananing fugu ningda'ning u yotangkayap waraga' sura kagaya girii bemgu'. Ka inga' yara'ganang wa nandu' ningsa' tirik, na naktangka aming arantagim u ifitangka waraga' tanga naning fukna ganang i kagaya ka girii Jisas wari indi bimbem ga' togu' u kuma' bemarik. Wara' na kagaya ka u bemarik wa ningsa' bema anganga adining sasuk ganang didimengsa' tipmiri waraga' sura kabakna karengsa' nakarik.

2 Kor 4:10

Indi fikifiki midi kane tanga yangara mamareng ka u fabemem wa tim aming wari indining girini' Jisas urang taramira uking ningwari indiganang undu' kuma' kadofiniminga kabi'sini' biwanga famem. Ka mokngang, Jisas wari yotangkanip tinga mamareng u tangkunangsa' adenga bemitam wa aming adi u nipma Jisa ning iik kigineng u kigeda wara'ning kadapmang titam.

HIBRU Midi umpang aming nua'ni wari Juda amingga' yokiamgu' 12:15

Ka naktangka aming sidining bining ganang wa sidi kura' katatorang kafakafa tanga ikanting. Sidi napa'ni tanga Anutu wari ai'dap kareng girii tasamonga tara' waraga' manda ma ukngamni'. Abanga sidining bining ganang wa sidi nakadaga guk mo' tanga ikanting. Aming fam wari u sapma kadapmang ka u tanga yorafa yorafa tanga auinga girii giranga aming kabi'mo' u ma ifakadawa'.

Ap 15:24

Ka indi midi ka aming fam ka indi ganang yari indigok mo' yabinga anga anasining sasuksa' tanga midi tangkunang ka kadapmang fam ka mo' titining u titi waraga' sangdidenga sidining naktangka tipkadasamonga ting wara'ning wa kuma'sa' nakem.

GALESIA Midi umpang Pol wari Galesia amingga' yokiamgu' 1:7

Ka ning torik, wap ka midi kareng wa nua'ni guk mokngang, kubaniksa' ka Kasira Aming Jisas ning midi unggungsa'. Ka aming ka u fasaning wa adi midi kareng ka u ufafera waraga' midi fam sige wara'guk yorafanga saninga sidi midi kadapmang didimeng wa indeng ning tonga sasuk mimeng guk tanga iking.

FILIPAI Midi umpang Pol wari Filipai amingga' yokiamgu' 3:10

Wara' na sasuk ka napa'napa' fam waraga' nua'bu mo' tirik, mokngang na sasuk ka naning sasuk wari Jisas ning sasuk guk dabiksa' ubu kagadofi waraga' ubu tirik. Abanga na Anutuning tangkunang kigineng ka wari tanga Jisas tipmaragu' ningwara'guk iik, a na sasuk ka Jisas wari indi yotangkanip ga'sa' suktangkanga mamareng bemgu' ning bimbem waraga' sura itik. Ning tanga adi kane didimengsa' tanga anganga tipmiringa kumogu' ningsa' sura titi waraga'sa' fasutik.

REVELESEN Anutu wari Jon ga' Girii Jisas ning ki anatintingneinga kagu' 13:16

Ka napa'nda' ka keng baseni da'ning ka inga' kadofigu' wari aming girisi wapsi' guk a aming sige a aming mambongsi' siamo' guk a aming tatafak a aming ka kane kagaya sige slev titing a aming ka kane kagaya sige slev guk mo' titing sige ikiting dabiksa' u ning yanggu', i nakni' na kadapmang tangkunang nua'ni ning kamarik, sidi kafakafa gi' ira napa' maket kura' aming tanga mambong manggakna a tona ning tanga iik waraga' sura wa sidi naganing wap u yora a naganing wap ka namba sa' u kafasi' kareng ganang a dimisi' ganang u yokanting. A sidi ning guk mo' tinting wa sidi mambong kura' aming titiga' nafek tanga napa'ga' nafek sini' tanga ikianting ga'. Ning ininga aming adi mutu tanga titisa' tiging.