KOLOSI Midi umpang Pol wari Kolosi amingga' yokiamgu' 1:10 - Anutuning midi totangka ingaʼni

¹⁰ Sidi sasuk kareng u bemsasu'nanga kadapmang kareng u yara wara'ning tangkunang guk ikanting. Ira kadapmang didimeng ka aming ka Anutuga' naktangka titing wari titing u tinga Anutu wari naktangka aming beng guk ning sabota'. Ning tinga sidi kane karesi kuni' kuni' kabi'mo' u tanga yareinga sasuk kareng ka Anutuning napa'napa' u sura nakeda wara'ning wari sidining kabaksi'ganang siamo' kadofinga yarota'.

KOLOSI Midi umpang Pol wari Kolosi amingga' yokiamgu' 1:10 Referans Kwoze

EFESAS Midi umpang Pol wari Efesas amingga' yokiamgu' 4:1

Pol na girii ning kane tinga aming fam wari nagata' bibi' naknga bema iyung dasinabinga kalabus kane tanga itik, ka na kadapmang didimeng ka Anutu wari sidi yaranga iikga' sura katisanara' wara'ganang beng sini' ira didimengsa' iik waraga' sidining sasuksi' sifimararonga midi tangkunang torik.

HIBRU Midi umpang aming nua'ni wari Juda amingga' yokiamgu' 13:21

Ka na Anutu wari nasi' kane ka sidi titiga' suta' waraga' sifatangka tinga sidi u titisa' titi waraga' sura ibang fatorik. Ka Anutu wari aming ka Kasira Aming Jisas ganang sini' yorafanga ikem sidi a indi sasuk kareng ka adi titiga' nakita' u indining kabakni'ganang kaminimota'. Beng sini' kuyane indi girini' Kasira Aming Jisas ning wap girii u bema areinga adining wap girii kareng wari fikifiki ningsa' itarota', beng.

1 Jon 3:22

Ka indi adining midi kadapmang sa' yaranga kadapmang didimeng ka adi titiga' nakita' u titam wara' indi napa'ni ninim ga' sura anitam wa adi naknim sa' tanga nimita'.

JON Anutuning midi kareng Jon wari yoku' 15:16

Ka sidi nagata' wa ning ma sukni', a adi indining girini' iknim ga' ning tonga sura yaranga fengatam. Ka na sidi mo' katinangging. Mokngang nagasa' naning kane u tanga anganga kane wara'ning bengni ka tangkunang ningsa' iik wara'ning u tipkadofi waraga' sinagikuk. Wara' sidi napa' ni tonga sibeng u naganing wap aninting wa adi kuma'sa' samota'.

1 TESALONAIKA 4:1

O kuyane indi girii Jisas ning wap ganang midi kigineng ari' ning sangtam, tim indi sidigok u ira wa kadapmang karesi ka sidi yaranga tanga ikinga Anutu wari kareng kanga kaba karengsa' naksam wara'ning waraga' wa kuma'sa' saninga tanga iking. Ka umpang yara'ganang wa nua'bu ning sangtam, kadapmang kareng ka u ting wa tangkunang ningsa' tanga ira auinga kabi'mo' kadofota'.

HIBRU Midi umpang aming nua'ni wari Juda amingga' yokiamgu' 13:16

Ka sidi kadapmang kareng ka kuyase fam yotangkayapma aming wari nafek tanga ikinga sidining mambong tang u udanga iyam wara'ning wa mo' kabinting. Kadapmang ka ningwara' undu' ofa kareng ka Anutu wari waraga'sa' nakita'.

JON Anutuning midi kareng Jon wari yoku' 15:8

Sidi beng karesi sini' tinga aming fam wari sapma o adi adining arantagimni beng sini' ba iking ning tonting wa sibeng ning wap girii wari sareng kadofota'.

TAITAS 3:14

Ka indining naktangka aming arantagim wara'siga' wa ning toutik, adi kadapmang ka tangkunang guk ira aming fam yotangkayap ning wara'guk mo' ira aming baratarak ninakisi ning ma ikni', mokngang, adi napa' fuksi' yotangka ning anasining tang ganang tanga manggakna waraga' undu' kane tangkunang tanga ikanting.

2 Pita 3:18

Ka sidi girini' Kasira Aming Jisas manggaknip aming adining ai'dap wari sifitangkanga adining kadapmang kareng waraga' sasuk samota'. Ning tinga adining kigineng wari sidiganang u girii girauta'. Jisas adi girii tim iyak sini' wara' aming a napa'napa' indi adining wapsa' bema areinga adining wap a kigineng girii wari kami a inga' undu' fikifiki ningsa' ira arota', beng.

2 Pita 1:8

Beng sini' sidi indining girini' Kasira Aming Jisas wa adining midi u kuma' naknga ning tanga adita' naktangka kuma' ting, ka sidi kadapmang karesi kuni' kuni' ka u tonga yararik wari sidiganang ira kabi'mo' kadofota' wa sidining naktangkasi' wa beng guk mokngang fisa' ning mo' irota', mokngang, wa napa' tangkunang beng guk sini' ning irota'.

KOLOSI Midi umpang Pol wari Kolosi amingga' yokiamgu' 2:6

Ka sidi Kasira Aming Jisas wa sidining girisi' ning kanga adita' naktangka kuma' ting wara' sidi kadapmang ka adiganang beng sini' yorafanga iikning u tinting.

1 TESALONAIKA 2:12

Ning tanga indi sidining kabaksi' sifimarara a sidining mamareng u ifikurasam a midi ka Anutuning kadapmang kareng ka aming idni yaranga tanga iikning u yara waraga' sana ning tasamgum. Ning tanga ning fasaniagum, sidi Anutu wari adining bining ganang abanga ira adigok wap girii u bema iik waraga' fakatisanara' wara' sidi waraga' sura kadapmang didimeng kareng u tanga ikanting, ning fasaniagum.

KOLOSI Midi umpang Pol wari Kolosi amingga' yokiamgu' 4:5

Ka sidi aming ka naktangka guk mo' ting wara'sining dasi'ganang iiksi' didimeng titi waraga' undu' kafakafa sura tinting. Ning tanga sidi Jisas ning midi kareng ituaim ning kama kabi'guk kuma' kanga wa kagabi mo' tinting, mokngang, sidi ituaim sa' tinting.

EFESAS Midi umpang Pol wari Efesas amingga' yokiamgu' 5:15

Ka sidi waraga' sura aming masi' papesi ningda'ning mo' ikanting, mokngang, sidi aming Anutuning midi naksasu'nesi aming sasuk guk ning ira kadapmang karesi unggungsa' yaranga tanga ikanting.

EFESAS Midi umpang Pol wari Efesas amingga' yokiamgu' 2:10

Ka beng sini' kadapmang kareng ka inga' indi i yaranga ikem ya Anutu anasa' kuma' kamanimgu' ganangsa' tiniminga ikem. Indi Kasira Aming Jisas ganang sini' yorafanga aming inga'ni ning kuma' kadofigum wara' indi adining kadapmang kareng ka u kabanimgu' u tantam.

2 Kor 2:14

Ka na Anutuning kadapmang kareng ga' sura kabakna mamareng nakuk u kabinga kabakna kareng ubu naknga Anutuga' mesisiringa sa' tirik. Ka aposel arantagim indi Anutuning midi kareng u kama yong yong ituanga fiaretam wa Anutu warisa' yotangkanibinga girii Kasira Aming Jisas ka kane kigineng ka ami' ningda'ning kuma' tanga tipmirigu' aidining arantagim kigineng guk ning ira ituanga fiaretam. Abanga midi kareng ka indining mini'ganang kadofita' wa ofa Anutuga' tangam wara'ning mupmu kareng ningda'ning tinga Anutu wari Kasira Aming Jisas ning kane kareng ning midi wa aming amingga' tipkadofiaminga naknga yareting.

ROM Midi umpang Pol wari Rom aming ga' yokiamgu' 6:4

Abanga adi ama u inimiting wa Jisas wari kumoinga unafarafi tiging wa indigok dabik unafarafanipma indining iik kadagang timini u kuma' tipmiriging ning u kanga nakeda waraga' tanimiting. Ning tinga beni Anutu wari ananing tangkunang girii ganangsa' mindingni Jisas u tubobu tipmarakinga marara iik inga'ni kuni' nua'ni sini' ubu tanga ikita' ningsa' ka indindu' indifimarakinga iik inga'ni kareng ubu tanga ikem ning u nakedantam.

EFESAS Midi umpang Pol wari Efesas amingga' yokiamgu' 5:10

Ka sidi napa'napa' u tonga wa sidi titisa' mo' tinting, mokngang, sidi sasuk ka o napa' ka ya Anutu wari naga titiga' u nakara' wa ma mokngang ning sura naknga inga' tinting.

EFESAS Midi umpang Pol wari Efesas amingga' yokiamgu' 5:2

Ning tanga sidi kadapmang ka sidi kuyase fam ga' naknga tim girini' Kasira Aming Jisas wari indita' siamo' naknga yotangkayap titi wara'ning u tinting. Tim Kasira Aming Jisas wari aming dabik indita' siamo' naknga yotangkanip ga' aigaim sa' tinga uking wa kadapmang ka aming wari Anutuga' sura nana sauripmam kafakafa sini' tinga Anutu wari adisita'sa' urang nakarugu' ningda'ning tinimgu' wara' sidindu' kuyase fam ga' siamo' naknga kafakafa tiap ka ningsa' tinting.

FILIPAI Midi umpang Pol wari Filipai amingga' yokiamgu' 1:27

Ka kadapmang kareng ka sidi titining wa ning, nasi' kadapmang ka sidi iiksi'ganang tinting wa didimengsa' ka Jisas ning midi kareng wara'guk dabiksa' tinga kanting. Ka sidi kadapmang didimengsa' ka ning u tanga ikanting wa naga u mo' anga sapma inggingsa' nama iik wa sidining kadapmang kareng wara'ning midi u naknga kabakna karengsa' ka unggung sini' anga sapning ningda'ning nakotik. Ning tanga ning toutik, o beng sini' adi kane mamareng ka aming wari midi kareng ga' naktangka titi waraga' ina yara wara'ning u titi waraga' wa adi kabaksi' kubaniksa' kufara anasa' kura' yotangkangam tanga tangkunangsa' kuma' ba adenga ting.

FILIPAI Midi umpang Pol wari Filipai amingga' yokiamgu' 1:11

Abanga sidi tangkunang ka wara'guk ikinga tangkunang kuni' kuni' ka kadapmang karesi sini' fam wara'ning ka Kasira Aming Jisas warisa' ifakadofaimita' wari sidining kabaksi'ganang u siamo kadofota'. Ning tinga aming wari sidining kadapmang kareng u kanga waraga' siamo' tonga yaranting wari Anutuning wap girii bema arota'.

1 Jon 5:20

Abanga indi kuma'sa' nakem, Anutuning mindingni wari afanga indita' sasuk nimiinga Anutu beng guk u kuma'sa' nakedanga ikem. Ning tanga ira indi adining mindingni Kasira Aming Jisas ganang sini' yorafanga ikem wa indi Anutu beng guk adiganang sini' ikitam. Anutu ka wa anapmo' kubaniksa' beng guk sini'. A iik kareng ka Anutu wari naktangka aming indita' niminga ikem wa bibi' titining guk mokngang, fikifiki ningsa' iik wara'ning.

TAITAS 3:1

Ka Taitas gu fikifiki naktangka aming wa ning inotang, adi gavman girisi a adisining kane aming wa adisining kapmik ganang ira adisining midi nakyam sa' tinting. Ning tanga adi kane kareng ka yong yotangka ning u titiga' tuguinga wa adindu' kabaksi' karengsa' naknga titisa' tinting.

KOLOSI Midi umpang Pol wari Kolosi amingga' yokiamgu' 3:20

A adisining sabase yapse sidi midi a nasi' ka mamangse babangse wari titiga' sangting wa ninaksa' tinting. Naktangka aming ning sabase wari kadapmang didimeng titining kong wara' sidi u tinga Anutu wari karengsa' sabota'.

EFESAS Midi umpang Pol wari Efesas amingga' yokiamgu' 4:13

Ning tanga indining sasukni' wari kubaniksa' ka naktangka wara'ganang kadofinga ira girini' Kasira Aming Jisas ka Anutuning mindingni wara'ning ki u nakeda sini' tantam. Ning tanga indi sasuk guk mokngang ka sababi' ningda'ning nua'bu mo' ikantam, mokngang, indi sasuk guk ira kadapmang didimeng tanga ira anganga aming sini' sasuk girii guk ka Kasira Aming Jisas anagok ningsa' iik waraga'sa' tanga ira antam. Ning tanga indi tangkunang guk ira aming fam ka Anutuning midi ki toyam ning tonga mandaga' iramironga midi kuni' kuni' tuguting wari indiramikni'. Ning tinga indi adisining midi u naknga sasuk didimeng guk mokngang ka tutufuru ni ka gugubik wari figira manggakyapma yangainga upara sa' urang tanga yangating ningda'ning ma tanga iknam. Wara' indi aming ka sasuksi' usap titing ka ningwara' mo' ikantam.

HIBRU Midi umpang aming nua'ni wari Juda amingga' yokiamgu' 11:5

Abanga aming ka Inok undu' ningsa', adi Anutuga' naktangka tanga yagu' wara' adi Anutu wari kunimganangga' fugu guk ningsa' bema aregu'. Anutu wari kuma' bema areinga aming wari wena tanga yareging, ka mokngang, adi katua guk mo' tiging. Ka Anutu wari Inok u bemgu' waraga' wa ning yoking, Anutu wari Inok ning kadapmang kareng waraga' naknga inga' wa bimbem tugu'.

2 Timoti 2:4

Ka wara'ning wa gundu' kuma'sa' yabitang, ami'ning aming adi ami'ning kane u titing ganang wa adi sasuk ka kane sige fam titining waraga' guk mo' titing, mokngang, adi nasi' midi ka girisi' wari initing unggungsa' yaranga titi waraga'sa' sukiting.

KOLOSI Midi umpang Pol wari Kolosi amingga' yokiamgu' 2:19

Ka adi naktangka aming indi Kasira Aming Jisas ganang sini' yorafanga ikem ning mo' iking. Wa ning, ki wari tim ikinga fugu a kayong nasi' nasi' adi mandang ikiting ningsa' ika Jisas adi indining ki ning ikinga naktangka aming indi adining fugu ka wegi a gasigasini' wari mung ganang kafakafa urang yorafanga ikiting ning yorafanga ikem. Ira indi Anutuning tangkunang bema ning tanga indi kuyane fam ganang undu' yorafainga Jisas ning fugu wari girii giranga kigineng guk kadofota'. Ka aming ka u torik adi Jisas ning fugu ganang guk mo' yorafanga iking wara' adisining midi wa beng guk mokngang.

FILIPAI Midi umpang Pol wari Filipai amingga' yokiamgu' 4:18

Beng sini' na sidi napa' ka tim yotangkanapking a inga' Epafrodaitas ga' ubu amiinga manggara fabanga namgu' u kanga ning torik, o napa' usap sini' beng nama abiging. Ning tinga na nafek kabi'guk mo' tanga itik. Ka u ting wa sidi Anutuning kadapmang kareng yaranga ting wara' Anutu wari sidining kadapmang kareng wa aming wari adita' sura nana mupmu guk kareng sauripmam ning ningda'ning kanga kaba karengsa' naksamara'.

EFESAS Midi umpang Pol wari Efesas amingga' yokiamgu' 1:17

Ka Anutu ka naga ibang fatongamarik wa kareng sini' girini' Kasira Aming Jisas ning beni kigineng girii guk waraga' fatongamarik. Ka na Anutu ka wari adining sasuk kareng u saminga sidi sasuk ka u bema adining iik ning ki a adining midi kareng wara'ning ki u nakedasasu'na waraga' fatongamarik.

2 Kor 9:8

Ka sidi Anutuning kadapmang waraga' sukni', adi aming indita' napa' ninim wara'ning tuang sini' ikita', wara' adi sidining kabaksi'ganang tangkunang kuni' kuni' undu' girisa' tipkadofisamota'. Ning tinga fikifiki sidi tangkunang kareng ga' nafek guk mo' tanga ira kane kareng kuni' kuni' ka aming fam yotangkayap wara'ning u titining tangkunang girii guk tona sini' tanga ikanting.

JON Anutuning midi kareng Jon wari yoku' 17:3

Ka aming wari ka' ningsa' iik wara'ning wa ning, adi Anutu girii beng guk kubanik gusa' a Kasira Aming Jisas ka gu nangkaregung indita' nakeda sini' tanga ikanting wa adi ka' iyak wara'guk ikanting.

2 Kor 4:6

Ka kane ka u titam wara'ning ki wa ning, timinggi' Anutu girii wari kama kunim u tanga midi ning kuma' togu', diok wari kama kangkam ganang kadofinga tipsanganda to'. Ka inga' undu' Anutu ka warisa' aposel indining kabakni' u ifisangandainga indi Kasira Aming Jisas ning nonda u katam wa beni Anutuning kigineng girii u katam. Ning tanga indi sasuk kareng ka wara'guk ira aming ning kabaksi' ifisanganda ning kamang diok ning ikem.

ROM Midi umpang Pol wari Rom aming ga' yokiamgu' 4:12

Abanga Ebraham wa Juda aming fam ka fuksi' giknim dudop ning kadapmang sa' mo' yareting. Adi naktangka ning kadapmang sini' ka tim Ebraham wari fugu giknim guk mo' dopma ganang tanga yagu' wara'guk kuma' tanga ira dobiting undu' wara'sining papasi' ikita'.

ROM Midi umpang Pol wari Rom aming ga' yokiamgu' 1:13

Ka kuyane sidi kane ka naga titik waraga' undu' ning sanirik, na Anutuning midi kareng ka aming arantagim fam ka Juda mo' ka kama indeng ikiting wara'siga' yangara ituaiminga wari naknga naktangka tanga ikiting ningsa' ka Rom aming sidiganang undu' anga ituasaminga naknga naktangka titi waraga' sura fikifiki kadapmang katua waraga' fatirik. Ka mokngang, fikifiki napa' fam wari isefinaminga sidiganang u au wara'ning kadapmang guk mo' fakarik.

2 Kor 5:9

Ka indi ning tugutam, indi yak ning ki ganang sini' anga iik wa ma naro' ingging ko iik undu' girisa', ka napa' girii kubanik wa indi nasi' ka girii wari titiga' sukita' unggungsa' yaranga tantam.

3 Jon 1:6

Ka kuyane fam ka gugok u iya' abiging wari guning kadapmang kareng ka adisita' kabaka guk kufara yotangkayapkung wara'ning wa naktangka aming arantagim ka nagok i ikem wa kuma' abanga ningging. Wara' kuyane arantagim fam wari guganang nua'bu anga kadofiinga wa gu kadapmang kareng ka Anutu wari indi titiga' nakita' u sura tiaminga adi mesisiringa sa' tanga nua'bu gibinga manting wa karengsa'.