2 Timoti 2:6 - Anutuning midi totangka ingaʼni

⁶ Abanga gu aming ka feng kane titing waraga' undu' surotang. Adi ning titing, aming ka feng kane tang fatota' wa adi sige ningsa' mo' fatota', mokngang, feng wara'ning beng u manggakna wara'ning tim munumung wa adi kuma'sa' manggaknota'. Ning tinga aming fam adi mandang sa' manggakninting.

2 Timoti 2:6 Referans Kwoze

1 Kor 9:23

Ka kane a kadapmang kuni' kuni' u titik wa kini girii kubaniksa' ka Anutuning midi kareng wari amingning kabaksi'ganang au waraga'sa' tanga titik. Ning tinga midi kareng wara'ning kane ganang wa Anutu wari adining tangkunang kareng u nagok dabik kabanimota'.

LUK Anutuning midi kareng Luk wari yoku' 10:2

Ka adi kane aming u yangkaranga midi tipfara kabi' ning tiamgu', nana ka feng ganang kuma' kuraing wa kabi'mo' siamo' sini' ka indi nana u manggara yak ganang dadasi wara'ning kane aming mimeng guk mokngang. Wara' sidi feng tuang ga' ibang tonting. Ning tinga feng tuang wari kane aming fam nua'bu yangkarasaminga anga yotangkasapma nana kuru' u manggara bak kura yaranting.

MATYU Anutuning midi kareng Matyu wari yoku' 20:1

Ka Jisas wari ami taming u ning yanggu', aming wari Anutuning bining ganang ikinga Anutu wari kafakafa tiap wara'ning bumara' nua'ni wa ning. Aming girii nua'ni ka wain fengni guk wari adining wain feng kane u tangam waraga' kane aming fam yapma inagirota'.

2 Timoti 2:7

Ka midi kadapmang ka u tonga yararik wa gu Anutuning kane tarang wara'ning kamaga u ganarik. Ka kamaga midi famineng ka u ganarik wa yotangkayap tinga kane ning kadapmang didimeng yara wara'ning napa' beng guk. Ka gu waraga' sukinga girii wari guning sasuka u kuma' tipsangandagaminga nakedasasu'notang.

HIBRU Midi umpang aming nua'ni wari Juda amingga' yokiamgu' 6:7

Ka na aming indining kabakni' waraga' bumara' kabi' ning toutik, aming wari feng tanga irobota' ka gimak wari afanga kama u tipipekareinga kama kareng wa napa' wari karesisa' kadofinga beng beng girisi tinga aming iirop tota' wari karengsa' nakota'. Ka nua'bu irobota' ganang undu' ningsa', Anutu wari kama i tipkarendangaminga adi napa' karesi ningwara' u nua'bu yaptuauta'.

MATYU Anutuning midi kareng Matyu wari yoku' 25:16

Ka kane aming ka faiv tausen kina bemota' adi sasukni kareng guk wara' adi urapsa' anga faiv tausen kina u bemota' wari bisnis kane tanga faiv tausen kina nua'ni using nua'bu tipkadofota'.