2 Jon 1:2 - Anutuning midi totangka ingaʼni

² Beng sini' Anutuning midi beng guk wari sidi a indiganang dabiksa' mungkupnanibinga ikem wa kami a inga' undu' fikifiki ningsa' ko ira au wara'ning.

2 Jon 1:2 Referans Kwoze

1 Jon 2:17

Ka kama ya kuma' biwa'ga', ning tinga kadapmang kadagasi ka aming wari waraga'sa' u naknga titing undu' wadigi' kuma' biwa'ga'. A aming ka Anutuning midi naknga yara tanga irota' adi bibi' titining guk mokngang, adi Anutu guk tangkunang ko fikifiki ningsa' ira awa'.

1 Jon 2:14

O naktangka aming sabane sidi sibeng Anutuganang sini' ira adining kadapmang kuma'sa' kasasu'nanga iking wara' na sidita' umpang i yoksamarik. A naktangka aming babangse sidi girii Jisas ka timinggi' timinggi' ningsa' ira abuta' u kuma' naknga iking wara' na sidita' umpang i yoksamarik. A naktangka aming uyamang ka Anutuning midi wari sidining kabaksi'ganang ira tangkunang saminga aming kadagang Setan guk ami' tanga sidi kuma' tarafiking wara' na sidita' umpang i yoksamarik.

1 Jon 1:8

Ka indi kafakafa guk mo' sura midi ka a na kadagang guk mokngang ning u tontam wa indining sasuk ka wa beng guk mokngang. Abanga Anutuning kadapmang didimeng ka midi beng guk ning wari undu' indining kabakni'ganang guk mo' ita'.

2 Pita 1:12

Beng sini' sidi Anutuning midi beng guk ka aming fam sanggeking u naknga ning tanga kadapmang karesi fam ka u tonga yararik u kuma' yaranga tanga iking udi giri kuma' nakarik, ka na sidining kabaksi' u sifimarakinga sidi midi ka waraga' tubobu sura nakeda waraga' tanga wa fikifiki nua'bu ko fasanotik.

2 Timoti 1:5

Abanga na gu naktangka kareng beng sini' taranga waraga' undu' sura mesisiringa tirik. Naktangka ka ningwara' wa tim mamaga Lois wari tanga yagu' a mamangga Yunis undu' ningsa' tanga yagu'. Ka inga' yara'ganang wa gubu undu' ningsa' naktangkanga itang u gapma kabakna karengsa' naknga mesisiringa tirik.

KOLOSI Midi umpang Pol wari Kolosi amingga' yokiamgu' 3:16

Abanga sidi midi kareng ka Jisas wari nimgu' wari sidiganang u tona sini' tanga ikanting. Ira sasuk kareng wara'ganang bema aming yanggera ning tanga kafakafa yangdidiminting. Ning tanga kabaksi' kareng naknga Anutuga' mesisiringa tonga wa siring timini wapni Sam ka tim Devit wari yoku' a siring karesi fam ka Anutuning mini unggo wari aming fam ganang ininga inga' ifikadofing u tonga mesisiringamting.

2 Kor 4:5

Ka midi ka u ituatam wa sidi indining wap bema ara waraga' sura aposel indining kane wara'ning mo' ituatam, mokngang, indi midi kareng ka Kasira Aming wa napa'napa' wara'ning girii beng sini' ikita' wara'ning unggungsa' ituatam. Ning tanga ning tugutam, aposel indi girii Jisas ning arantagim ira sidi yotangkasap wara'ning kane amingsa' ikem.

1 Kor 9:23

Ka kane a kadapmang kuni' kuni' u titik wa kini girii kubaniksa' ka Anutuning midi kareng wari amingning kabaksi'ganang au waraga'sa' tanga titik. Ning tinga midi kareng wara'ning kane ganang wa Anutu wari adining tangkunang kareng u nagok dabik kabanimota'.

JON Anutuning midi kareng Jon wari yoku' 15:7

Ka sidi nagaganang sini' ikinga naganing midi kareng wari undu' sidining kabaksi' ganang u tangkunang irota' wa sidi napa' ni sansam ga' sura nangting wa na sansam sa' totik.

JON Anutuning midi kareng Jon wari yoku' 14:16

Ning tinga na sibeng u aniinga sibeng wari yotangkasap aming nua'ni u anigarasamota'. Ka wari afanga sidigok ingging fikifiki ningsa' ikianting. Aming ka wa Anutu ananing mini unggo ka midi beng guk tuang waraga' torik. Ka ami taming ka kamaganangni sa' adi wara'guk mo' kanga nakedating wara' adi mini unggo ka u bimbem ning guk mokngang. A sidi wa sidigok kubap ikinga kuma'sa' kaing. Ka inga' wa sidiganang sini' ubu iro'ga'.