1 Timoti 6:16 - Anutuning midi totangka ingaʼni

¹⁶ Anutu anapmo' kubaniksa' adi kungkumak a bibi' titining guk mokngang adi ka' iyak fikifiki ningsa' ikita'. Kama ka adi ikita' wa diok kigineng sini' ka aming wari du' unggung angaka ning guk mokngang. Tim a kami yara'ganang aming kani de wari Anutu guk mo' kata'. Abanga inga' undu' ningsa' kaga titining guk mokngang sini', wara' anapmo' kubaniksa' wa wap girii a kigineng girii wara'guk fikifiki ningsa' beng sini' ikita', beng.

1 Timoti 6:16 Referans Kwoze

1 Timoti 1:17

Wara' na waraga' sura mesisiringa tanga adining wap bema aranga ning torik, Anutu adi fikifiki ningsa' iikning king girii beng sini'. Adi kungkumak titi a aming wari kaga titining guk mokngang. Anapmo' kubanik adi Anutu kareng sini', wara' adi wap girii a kigineng girii guk fikifiki ikita', beng.

JON Anutuning midi kareng Jon wari yoku' 1:18

Ka aming indi Anutu kabi'guk mo' katam wara' indi adining iik a sasuk ning ki u sura nakeda ning guk mokngang sini'. Ka adining mindingni kubaniksa' ka anagok iiksi' kubaniksa' titamu' warisa' afanga nininga wa indi Anutuning iikning ki u nakedasasu'nem.

1 Jon 1:5

Ka na midi fam ka aming ka wari tuguinga nakum u ituasamotik wa ning, Anutu girii adi iik kareng ka diok sangang da'ning wara'ning ki sini'. Adining iik ka wa kadagang kabi'sini' ka kama kangkam da'ning wara'guk mokngang sini'.

KOLOSI Midi umpang Pol wari Kolosi amingga' yokiamgu' 1:15

Beng sini' aming indi Anutu guk mo' katam ka Anutu ananing mindingni anagok dabiksa' anasa' kadofinga ningtintingneinga kagum. Adisa' nasi' nasi' Anutu wari ifikadofita' u yaptatora wara'ning tim iyak aming sini' ikita'.

JON Anutuning midi kareng Jon wari yoku' 6:46

Ka beng sini' aming kamaganangni ka ni sibeng kabi'guk mo' kata'. Mokngang sini' nagapmo' kubaniksa' wa sibeng guk kubap iya' kabinga afuguk nagasa' wa sibeng ning iik u nakedanga itik.

REVELESEN Anutu wari Jon ga' Girii Jisas ning ki anatintingneinga kagu' 22:5

Yong ka wara'ganang wa Anutu anasa' kuma' dioksangandainga sangangsa' kuma' ikita' wara' kama wari nua'bu kangkmaranga tiim nua'bu iikning guk mokngang. Adi fikifiki sidii fafa' ningsa' ikita' wara' mayam de wari kadofinga tipsanganda abanga kama gareinga kamang yora garinga tipsanganda wara'ning kane nua'bu titining guk mokngang, sige ningsa' ikiting. Ning tanga adi aming sige nua'bu mo' ikanting, adi aming girisi king arantagim ningsa' ira fikifiki ningsa' ikianting ga'.

REVELESEN Anutu wari Jon ga' Girii Jisas ning ki anatintingneinga kagu' 4:11

<>

REVELESEN Anutu wari Jon ga' Girii Jisas ning ki anatintingneinga kagu' 1:6

Ning tinga indi adining beni Anutu girii adining arantagim ning bining ganang ira ning tanga Anutuga' ofa tangam ning kane ka pris arantagim wari titing ningda'ning tanga ikem. Kasira Aming Jisas adi indita' kafakafa ning tinimita' wara' adining tangkunang kigineng girii a adining wap girii wari girii giranga fikifiki ningsa' ira auta' beng.

JUT Midi umpang Jut wari yoku' 1:25

Beng sini' Anutu beng guk wa kubaniksa' ikita', ka warisa' wa indi yotangkanip ning kane ka girini' Kasira Aming Jisas ganang tanga yotangkanibinga indi kareng gi' ningsa' ikitam. Ka timinggi' timinggi'sini' adi anapmo'sa' girii sini' a napa'napa' yaptatora ning kigineng girii a wap girii wara'guk ningsa' ira abugu', ka kami yara'ganang undu' ko ita' a inga'sini' undu' adi o ningsa' ira awa'ga', beng.

EFESAS Midi umpang Pol wari Efesas amingga' yokiamgu' 3:21

Wara' naktangka aming arantagim ka indeng ira yaring dabiksa' indi Kasira Aming Jisas ganang sini' garinga kadapmang didimeng kareng sini' sa' tantam wari Anutuning wap girii u bema aranga ira antam, beng.

REVELESEN Anutu wari Jon ga' Girii Jisas ning ki anatintingneinga kagu' 7:12

o sidi beng sini' toing, indi dabiksa' bak kura indining Anutu girii ning wap bema arem. Adi girii beng sini' a adi sasuk ning ki beng sini'. Adi kafakafa tinimita' wara' indi adita' asekni' ning toyam. Anapmo'sa' adi wap girii guk a adi tangkunang kigineng ning ki sini'. Adisa' tim sini' ikita'. Adi fikifiki ningsa' ira arota' beng sini' ning toging kunim aming wari.

HIBRU Midi umpang aming nua'ni wari Juda amingga' yokiamgu' 13:8

Ka Kasira Aming Jisas ning iik wara'ning ki wa ning, adining iikni a sasukni wa girigik nua'bu titining guk mokngang, adi timinggi' a kami a inga' sini' undu' kuma' ikita' ningsa' ira au wara'ningsa'.

REVELESEN Anutu wari Jon ga' Girii Jisas ning ki anatintingneinga kagu' 21:3

Yong ka wari afuinga nakuk wa midi bang nua'ni ka tare kareng ka aming girii wari mareiagu' wara'ganang u kadofigu' wa ning togu', kunim ganangni yong ka u afara' wa Anutu wari yong ka wara'ganang ikita' wari afara' wa wang. Wara' Anutu wari aming guk ira adisining Anutu ikinga aming adi adining arantagim ning kadofinga ikanting.

JON Anutuning midi kareng Jon wari yoku' 14:9

Ka Jisas wari ning anigu', o Filip na sidigok wa kama paramu' sini' ira abem ka gu ko mo' ba napkedarang. Beng sini' torik aming ka naga kuma' nabara' wa sibeng kara'. Ka gu sibeng nua'bu sangtintingna guk wa indining nanarang.

REVELESEN Anutu wari Jon ga' Girii Jisas ning ki anatintingneinga kagu' 1:8

Anutu girii ka kigineng girii guk adi ananing iikning ki waraga' wa ning tora', nagasa' na tim sini' a mandang sini' ning ikitik. Beng sini' girii ka wa adi timinggi' ira abugu' a kami yara'ganang ita' a inga' undu' girii ka warisa' tubobu abo'.

JON Anutuning midi kareng Jon wari yoku' 8:58

Ka Jisas wari ning yanggu', beng guk sini' ning sanotik, timinggi' timinggi' sini' Ebraham wari ko mo' kadofigu' ganang wa na ningsa' ira abutik.

FILIPAI Midi umpang Pol wari Filipai amingga' yokiamgu' 4:20

Ka Anutu girii ka indining Anutu a babangni' girii ka aming indi adining wap bema aranga mesisiringa sa' tangam ning wari ikita', wara' indi fikifiki adining wapsa' bema aranga ikantam, beng.

Jems 1:17

Ning tanga kadapmang karesi kuni' kuni' ka ai'dap tanga sige ninim wara'ning ki sini' wa babangni' girii ka kunimganang ikita' warisa' nimita'. Anasa' napa' diok titining ka mayam a mayap a bam u tasasu'negu'. Ka napa' wara'sining diok wa fiking ni ka kabisira guk titing, a Anutuning kadapmang didimeng kareng ka diok da'ning wari napa' diok ning kiginesi ka ana u tugu' u irafiksasu'nanga fikifiki didimeng kareng kuma' ikita' ningsa' ira auta', wara' adi kareng ningsa' tanimita'.

1 Jon 1:7

A indi iik didimeng kareng ka diok sangang ningda'ning ka Anutu ana tanga ikita' wara'ganang sini' ikantam wa indi kuyane fam guk kabakni' kubaniksa' kufara iik wara'ning kadapmang beng guk tantam. Ning tinga mindingni Jisas adining kungkumak ning amani wara'ning kigineng indi nasi' kadagang titam u yotiknimsasu'neinga indi fafandangeng kareng ning ikitam.

1 Jon 4:12

Ka beng sini' indi Anutuning nonda guk mo' katam, ka indi kabakni' ka kuyane famga' siamo' ninak wara'guk ikantam wa Anutu warisa' indining kabakni'ganang ira tangkunang niminga indi kadapmang ka kuyane famga' siamo' ninak ka Anutu ana tita' ningsa' tantam.