Biblia Todo Logo
Bib sou entènèt

- Piblisite -




1 Timoti 6:11 - Anutuning midi totangka ingaʼni

11 Ka Timoti gu Anutuning kane aming ning itang wara' gu kadapmang kadagasi ka midi kadagang a mambong siamo' manggakna ga' sasuk mimeng titi ka u tonga yararik waraga' wa manda sini' ukngama naro'sa' irotang. Ning tanga gu kadapmang karesi ka didimengsa' titi a Anutuning midi kareng ga'sa' sasuk a naktangka tang titi a kabaka ka aming fam ga' siamo' ninak ning wara'guk irotang. Abanga gu kane ganang wa napa' mamareng ga' sasuk mimeng guk mo' tanga tang ningsa' tanga ira au, a aming ifididimonga wa kugurang gi' tanga tipdidima ningwaraga'sa' suktangkanga tanga ira autang.

Gade chapit la Kopi




1 Timoti 6:11
40 Referans Kwoze  

Wara' Timoti gu kadapmang ka waraga' sura napa' sansaramik titining sasuk kadagang ka saba uyamang nng kabaksi'ganng kadofita' wa manda ukngamotang. Ning tanga gu kadapmang karesi ka didimengsa' tanga iik a naktangka tang titi a aming fam ga' siamo' naknga yotangkayap titi a kabaka kugurang sa' naknga iikning unggungsa' totang. Kadapmang ka ningwara' wa aming ka kabaksi' kareng guk wari titiga' naknga Anutu aniting wara'ning, wara' gu adisigok kadapmang kareng ka u tinting.


Ning tinga ami taming ka Anutuning arantagim indi midi kareng ka wara'ning kigineng u bema tangkunang girii guk ira Anutuning kane karesi kuni' kuni' u tantam.


Ka aming adi gu saba uyamang sa' ning gapma a indi adining midi mo' nakngamtam ning mo' tonting, mokngang. Gu midiga a iik a kadapmang ka aming fam ga' siamo' ninak a Anutuga' naktangka tang titi a kadagang ni guk mo' tanga didimeng karengsa' iik ning unggungsa' tanga irotang wa naktangka aming fam wari guning kadapmang kareng totang u gapma adindu' guning midi u naknga kadapmang kareng ningsa' tinting.


Sidi kadapmang ka aming guk kabaksi' dabiksa' iik wara'ning u yaranga ikanting. Ning tanga kadapmang kadagang kabi'guk mo' tanga didimengsa' ira au wara'ning sasuk guksa' ikanting. Beng guk sini' aming ka kadapmang ka napa' sansaramik kabi'guk mo' tota' adisa' Anutuganang anga gi' iro', wara' sidi waraga' sura sidining kadapmang u tipdidimanga ning tanga kadapmang kareng ka ningwara'sa' tanga ikanting.


Ka kuyane na sidita'sa' fanakarik wara' sidi midi ka u tonga yararik waraga' sura kadapmang ka murak mandaga'ganang du' da'ning titining wa wadigi' kabinga manda sini' ukngamting.


Ning tanga adi kadapmang kadagang ga' manda sini' ukngama kadapmang karengsa' ubu tanga irota'. Abanga adi kadapmang ka kaba kagaya ninakning u kabinga kadapmang ka kuyane famga' kaba kugurang kareng nakiam wara'ning unggungsa' yaranga tanga irota'.


Wara' sidi kadapmang kadagang ka napa' sansaramik titi waraga' manda sini' ukngamting. Beng sini' napa' kadagang fam wa fuksi'ganang sini' mo' titing wara' using da'ning ikita'. A kadagang ka u torik wa aming fuka wari sini' titining wara' wa ganing fuka wara'guk dabik tipkadaga wara'ning.


Abanga adi amingning dasi'ganang adining kadapmang kareng wara'ning wap guk iik a tim mindine ibingine kafakafa yaptatoregu' a aming yong fam wari adiganang kadofiinga yotangkayap titi a naktangka aming fam u fonga kukyapma kafakafa tiap a aming ka mamareng guk u yotangkayap a nasi' nasi' kadapmang kareng fam undu' kuma'sa' tasasu'nanga ikiting ningwara' unggungsa' yapma wa giri yotangkayap totang.


Ka kuyane sidi napa'napa' u tonga wa napa' girii sini' ka ami taming ga' siamo' ninak u tanga iik waraga' siamo' nakanting. Ning tanga tangkunang karesi kuni' kuni' ka mini unggo wari naktangka aming ga' imita' wara'guk iik waraga' undu' nakanting. Ka wara'ning tangkunang ka tim iyak sini' ka Anutuning midi ki itua u bimbem waraga'sa' nakanting.


Wara' indi napa' ni tonga wa kadapmang ka kuyane fam guk kabakni' dabiksa' kufara iik abanga kuyane fam ning naktangkasi' u ifatangkaim wara'ning guk unggungsa' nakedanga tantam.


Ka Timoti gu naga Anutuning midi a kadapmang kareng sini' ka gu titiga' urang gamguk wa kafakafa sini' katatoranga tinga didimeng ningsa' irota'. Ning tanga gu midi mandaga' sigening ka Anutuning kadapmang kabi' nakeda ning guk mokngang waraga' wa manda sini' ukngamotang. Ka midi mandaga' ka wa aming fam wari sasuk kareng ning ki ning tonga tuguting, ka wa beng guk mokngang sigesa' tuguting.


Ning tanga girini' wari nagata' ai'dap girii sini' tanama tangkunang ka naktangka titi a aming fam ga' siamo' ninak wara'ning ka Kasira Aming Jisas wari nimita' u kabinaminga wara'guk ubu itik.


Ka aming indining kabakni' undu' ningsa', aming ka kadapmang sansaramik kadagang u kabisasu'nanga fafandangeng karengsa' irota' adi gafa a kabak karesi sini' ka nana kareng sini' tangna wara'ningsa' ningda'ning ka kuni' nua'ni sini naro'sa' irota'. Ning tanga adi nasi' kane kareng girii ka girini ka Anutu wari surota' u amiinga titi waraga' tugunung sa' tanga irota'.


Ka Timoti gu aming ka u titing ningwara' mo', gu tim nagok dabik ira ning tanga naning midi ka aming yanggek ning a naning iikna a kadapmang ka naga tanga yaguk wara'ning ki sini' wa kuma'sa' kasasu'negung. Abanga na Anutuga' naktangka tang tanga iik a kabakna tiptangkanga kane u tanga ausa' titi a kabana ka aming fam ga' siamo' naknga yotangkayap titi wara'ning wara'guk iik ning tanga ikitik,


Swiv nou:

Piblisite


Piblisite