1 Timoti 1:16 - Anutuning midi totangka ingaʼni

¹⁶ Ka Kasira Aming Jisas adi aming urapsa' mo' dipmita', mokngang, adi kabaksi' fara waraga' ipmera kafakafa sa' tiabita', wara' Anutu adi aming fam ka ana kuma' sura kabita' wari inga' adining ai'dap ning kadapmang ka u sareng kanga nakeda sini' tanga naktangkanting. Ning tanga iik kareng ka ka' fikifiki ningsa' u bema iik waraga' sura wa tim munumung sini' wa aming kadagang ning tim iyak aming nagaganang u tanamgu' wang.

1 Timoti 1:16 Referans Kwoze

1 Timoti 1:13

Ka beng sini' tim wa na aming kareng mo' yaguk, mokngang, na Jisas ga' naktangka guk mo' tanga adining wap u anigige tanga adining naktangka aming arantagim u ifakadaga wara'ning kanesa' tanga yaguk. Ka na girii Jisas ning ki u kafakafa guk mo' naknga tuguk. Abanga kane ka u tanga yareguk wa naknga tuguk. Abanga kane ka u tanga yareguk wa Anutuning wap tipkadaga wara'ning undu' nakeda guk mo' tanga tuguk. Wara' Anutu wari u napma nifikadaga guk mo' tugu', mokngang, adi bibiri' napma yotangkanap sa' tugu'.

EFESAS Midi umpang Pol wari Efesas amingga' yokiamgu' 2:7

Ka Anutu wari kadapmang kareng ka u tinimgu' wara'ning ki wa aming kamaganangni ka i ikem a inga' ko ikni' wara'guk dabik indi ai'dap girii ka Anutu wari Kasira Aming Jisas u anigareinga afanga indi yotangkanip ga' tanga kumogu' u kanga o beng sini' Anutu adi indi yotangkanip ga' bibiri' beng sini' naknga yotangkanipku' ning tutugu waraga' tanga tinimgu'.

LUK Anutuning midi kareng Luk wari yoku' 7:47

Ka gu tim midi tipfara ka aming fama' wari mambong dinau u titining tanga ganak waraga' sure'. Wa sidi kadapmang fama' tanga iking waraga' sura tangak. Ka midi u tongak wara'ning kini wa ning, na taming yara'ning kadagang wa girii sini' u suknakubengamirik waraga' tanga adi nagata' kaba karengsa' naknga abanga tanamara'. A aming ka kadagang kabi'sa' tota' u suknakubengamotik wa adi nagata' mimeng mo' nakota', kabi'sa' nakota' ning anigu'.

2 Pita 3:15

Ka sidi girii wari kadapmang kugurang tanga kama kunim urap mo' tipmirira' u kanga ning sukanting, o beng sini' adi u tara' wa indi sasuk bema adita' kabakni' tipfaranga inga' kadaga guk mo' titi waraga' tinimara'. Ka indining kuyani' kareng Pol adindu' Anutu wari sasuk amiinga sidi yotangkasap waraga' iiksi' tipdidima wara'ning midi ka i yoksamarik ningyara' undu' kuma'sa' yoksamgu'.

2 Pita 3:9

Abanga Anutu adi napa'ni titiga' midi totangkanga kabita' wa inga' nakube guk mo' tita', mokngang, titisa' tita'. Ka aming fam adi ning fatuguting, a Anutu adi aming didimesi yotangkayapma aming kadagasi didipmi titiga' togu' wa dari dipmo'ga'. Ka mokngang, Anutu adi aming ka ni kadaga titiga' mo' nakita', mokngang. Adi aming dabiksa' wari adisining kadagang waraga' manda ukngama adiganang au waraga'sa' nakita' wara' adi kama paramu' ko indibinga ikem.

1 Pita 3:20

Ka aming urasi' ka wa timinggi' kama ka Noa wari sip girii tugu' u tanga ikiaging wara'sining urasi'. Ka adi kama ka wara'ganang wa kadapmang kadagang kabi'mo' tanga Anutuning midi guk mo' naknga tanga yaging. Ka Anutu adi adisining kadagang waraga' tanga urap mo' dipmigu', mokngang. Adi kabaksi' tubobu guk udep tipfaranting ning tonga ibigu' ka mokngang, waraga' tanga Noa wari sip u tipkarendainga aming arantagim eit ningsa' wari sip iyung bane wara'ganang amoinga aming kabi'mo' beng wa ama topnanga kumaksasu'neging. Ka Jisas ning uringni adi aming urasi' ka u anga yapku'.

JON Anutuning midi kareng Jon wari yoku' 20:31

Ka fam sa' ka kuma' yotik wa sidi indangira kanga o Jisas wa Kasira Aming girii a Anutuning mindingni beng sini' ning ba tonting. Ning tinga Jisas ning tangkunang girii wari wara'ganang yotangkasabinga sidi ka' fikifiki ningsa' iik waraga' sura wa midi ka i yotik yang.

JON Anutuning midi kareng Jon wari yoku' 3:36

Ka aming ka Anutuning mindingni ga' naktangka tota' wa adi ka' iik kareng ka fikifiki ningsa' iik wara'guk irota'. A aming ka adining mindingni ning midi wara'guk mo' yarota' wa adi ka' kareng bema iik ning guk mokngang. Adi Anutu wari kagaya amimi wara'ningsa' irota'.

ROM Midi umpang Pol wari Rom aming ga' yokiamgu' 6:23

Beng sini' aming ka kadapmang kadagang ning kapmik ira wara'ning kanesa' tanga irota' wa adi kane wara'ning toni ka kungkumak sa' katauta'. A aming ka Anutuning kapmik ganang ikem indi napa' girii kareng ka Anutu wari ananing ai' dap kareng tubosa' tanima indi dabik u fabanga girini' Kasira Aming Jisas guk bak kuknibinga adigok ka' fikifiki ningsa' iik u ninim wara'ningsa'.

JON Anutuning midi kareng Jon wari yoku' 6:54

Aming ka naganing fukna gom a amaana u nanting wa adi ka' ningsa' iyak wara'ning kigineng guk ikinga inga' kama wari ari' biwa' ganang wa na tubobu ifimarakinga adi ka' ningsa' ikni'.

JON Anutuning midi kareng Jon wari yoku' 6:40

Abanga sibeng ning sasuk kigineng nua'ni wa ning, aming ka mindingni naganing kane u kanga nagata' naktangka tinting wa yotangkayap tinga ka' ningsa' iikning kigineng guk ikanting. Wara' inga' kama wari ari' biwa' ganang undu' tubobu dabiksa' abanga ifimarakinga ka' ikni' ning yanggu'.

HIBRU Midi umpang aming nua'ni wari Juda amingga' yokiamgu' 7:25

Ka girii Jisas adi pris kane u tanga beni Anutuning du'ganang fikifiki ningsa' ira indi yotangkanim waraga' beni anini ning tanga ikita', wara' aming indi Jisas ning kungkumak waraga' sura Anutu wari yotangkanibinga gi' giri iikga' anintam wa yotangkanim titining kadapmang guk girisa', wara' kami a inga' undu' Jisas adi kuma'sa' yotangkanimota'.

2 TESALONAIKA 1:10

Kama girii ari' ka girii wari tubobu abo'ganang wa aming arantagim karesi kabi'mo' ka adita' naktangka tinga ananing arantagim didimeng karesi kuni' nua'ni sini' ning tiabinga ikiting wari adisining girisi' ning kigineng girii u kanga base tanga adining wap u bema arani'ga'. Ka Tesalonaika sidi nasi' midi ka indi ituasaminga waraga' naktangka kuma' ting wara' sidindu' naktangka aming ka bak tini' wara'sining bining ganang adisigok dabik kuma'sa' adeni'.

EFESAS Midi umpang Pol wari Efesas amingga' yokiamgu' 1:12

Ka Juda aming fam ka girii Jisas ning midi tim munumung naknga naktangkagum indi Anutu wari indita' kafakafa sini' tinimgu' u kanga adining wap bema aranga mesisiringa sa' tanga ikantam.

EFESAS Midi umpang Pol wari Efesas amingga' yokiamgu' 1:6

Anutu adi ning kuma' sura kabigu' wara' adi indi nipbuburenga yotangkanip titiga' wa adining mindingni kareng ka adita' siamo' nakita' u kabanimgu'. Ka indi adining ai'dap girii waraga' sura adining wap bema aranga mesisiringa sa' tantam.

2 Kor 4:1

Ka aposel arantagim indi Anutu wari ananing ai'dap ning sasuk kareng ganangsa' kafakafa tinipma adining kane kareng ka indi fatek u titiga' indipmigu', wara' nasi' mamareng ka indiganang abuta' wa indi Anutu ana u indipmigu' waraga' tanga kane u mamareng ning kanga a kureng kagabi tantam ning guk mo' tugutam, mokngang, indi tanga ausa' titam.

ROM Midi umpang Pol wari Rom aming ga' yokiamgu' 15:4

Ka beng sini' Anutuning midi dabiksa' ka umpang ganang u yoking wa indi kadapmang kareng ganang ningtintingneinga iik wara'ning. Wara' indi midi kareng ka u indangikinga wari indifitangkainga indi tangkunang sa' ira napa' kareng ka Anutu wari inga' tinimo' waraga' suktangkanga iik wara'ning sasuk guk ikantam.

JON Anutuning midi kareng Jon wari yoku' 6:37

Beng sini' aming dabiksa' ka sibeng wari nagata' nanam ning wa nagata' naktangka tanga nagaganang iik wara'ning. Ka aming nagananang kuma' ikanting wa na tubobu yangkagare ning guk mokngang sini', adi nagok kafakafa gi' ningsa' ira au wara'ning.

JON Anutuning midi kareng Jon wari yoku' 5:24

Beng guk sini' urang sanarik, aming ka naning midi u ninaksa' tanga sibeng ka nangkara tinga afuguk waraga' undu' naktangka tota' wa giri, adi ka' fikifiki ningsa' iik wara'ning. Adi Anutuning midi kigineng ganang guk mo' adewa', mokngang adi bagi ka kungkumak titi wara'ning u kabinga ka' iikning ganang ubu kuma' ita'.

LUK Anutuning midi kareng Luk wari yoku' 23:43

Ka Jisas wari ning anigu', beng sini' ganirik kami kaga'sa' gu nagok yong kareng paradis ganang anga marekantamuk ning anigu'.

LUK Anutuning midi kareng Luk wari yoku' 15:10

Ka Anutuning yongganang undu' ningsa' titing. Anutuning kunung aming ensel adi aming ka tim kadagang tota' wari kaba faranga tubobu abota' waraga' wa kabaksi' kareng girii sini' nakiting ning yanggu'.

1 Kor 7:25

Ka ami taming ka taming a ami guk mo' siama uyamang sa' ko iking wara'siga' wa girii wari nasi' kadapmang ka adi titining waraga' midi nua'ni guk mo' nanggu'. Ka na aming ka Anutu wari yotangkanabinga aming girii nua'ni ka aming fam wari adisining kane didimeng u kanga midi nakyamsa' urang titing ningda'ning itik, wara' na kadapmang ka naganing sasuk ganangsa' sutik u sanotik.