1 Jon 3:3 - Anutuning midi totangka ingaʼni

³ Ka aming ka Kasira Aming Jisas ning iik wa napa' beng guk ning sura ikiting adi Jisas wa aming didimeng sini' kadagang kabi'guk mokngang, ning sura iting anasining kabaksi' undu' tipgidaba tanga didimengsa' ikiting.

1 Jon 3:3 Referans Kwoze

2 Kor 7:1

Ka kuyane naktangka aming sidigok ka indigok dabiksa' indi midi totangka kareng ka Anutu wari adigok iikga' u togu' waraga' sura indi kadagang ka fukni' a urini'ganang ira indifikadaga tita' u wadigi' tanga kayonga fafandangeng kareng sini' ikantam. Ning tanga indi Anutu kigineng girii waraga' mutu tanga indining iikni' wa fikifiki tipdidima tipdidima tanga ira antam.

1 Jon 2:6

Beng sini' aming ka midi ka na Anutu guk ikiamuk ning touta' wa adi kadapmang kareng sini' ka tim Kasira Aming Jisas wari afanga tugu' ungungsa' yaranga tanga irota'. Indi kadapmang kareng ka ning u tantam wa indi indining kabakni'ganang wa Anutugananag beng sini' ikem, ning u nakedantam.

2 Pita 3:14

O kuyane sidi kama girii ka wari kagadofi wara'ning sasuk guk iking wara' sidi Anutuning de ganang wa didimeng karengsa' ira adigok kabakni' kubaniksa' ira kugurang gi' iik waraga' sura kane tangkunang tanga nasi' kadagang kabi' ka ko tanga iking u wadigi' sini' kabisasu'nanga didimengsa' ikanting.

MATYU Anutuning midi kareng Matyu wari yoku' 5:48

Sidi aming kadagasi a karesi dabiksa' wa kadapmang didimeng kareng kuni' nua'ni sini' kubaniksa' ka babangsi' Anutu girii ka kunimganang ikita' wari tanga ikita' ningsa' tiamting.>>

HIBRU Midi umpang aming nua'ni wari Juda amingga' yokiamgu' 12:14

Sidi kadapmang ka aming guk kabaksi' dabiksa' iik wara'ning u yaranga ikanting. Ning tanga kadapmang kadagang kabi'guk mo' tanga didimengsa' ira au wara'ning sasuk guksa' ikanting. Beng guk sini' aming ka kadapmang ka napa' sansaramik kabi'guk mo' tota' adisa' Anutuganang anga gi' iro', wara' sidi waraga' sura sidining kadapmang u tipdidimanga ning tanga kadapmang kareng ka ningwara'sa' tanga ikanting.

HIBRU Midi umpang aming nua'ni wari Juda amingga' yokiamgu' 7:26

Ka Jisas adi indining pris girii kareng beng guk sini' wara' adi indi mamareng guk a napa'ga' nafek tantam u nipma wa adi bengsa' kuma' yotangkanimota'. Adi kadagang kabi'guk mo' tita', mokngang sini', adi kadapmang didimeng sini' sa' tita'. Ka aming indi kadagang guk, wara' Anutu wari aming fafandangeng kareng kubaniksa' unggungsa' bema kunimganang kuta naro' kamiinga adi napa'napa' dabiksa' u ikem wara'ning tim iyak aming girii kuni' nua'ni sini' ikita'.

KOLOSI Midi umpang Pol wari Kolosi amingga' yokiamgu' 1:5

Sidining naktangka tang a kadapmang kareng ka kuyase fam yotangkayap ning ka u ting wara'ning ki wa ning, tim aming nua'ni wari Anutuning midi beng guk u kuma' saninga naknga sidi midi ka Anutu wari inga' manggara gi' kuksapma kafakafa tasap waraga' ko suktangkanga iking wara' sidi naktangka tanga kadapmang kareng u ting wang.

Ap 15:9

Adi Anutuga' naktangka ting wara'ganangsa' wa Anutu wari adisining kadagang kabaksi' ganang u tanga igukiama ifigidabara'. Ka Anutu wari u tara' wa adi kadapmang nua'ni mo' yaranga tiamara'. Mokngang adi kadapmang kubaniksa' ka Juda indita' kuma' tinimita' ningsa' adisita' undu' tiamara' wara' naktangka aming indi ning sura nakantam, Anutu adi Juda indigok ka aming arantagim nua'ni guk wa dabiksa' ning ubu kuma' nibara'.

TAITAS 3:7

Adi ananing ai'dap a bibiri' ganangsa' wap ka aming didimesi ning u niminga indi sasuk kareng ka inga' ka' fikifiki ningsa' iik wara'guk iik waraga' sura tinimgu'.

2 Pita 1:4

Ka adining kigineng a sasuk kareng ka wara'ganangsa' wa Anutu wari napa' karesi sini' a girisi sini' ka tim ninim ga' kuma' togu' u nimita'. Ning tinga indi tangkunang ka wara'guk ira kamaganang yara'ning sasuk ka napa'napa' kamaganangniga' siamo' ninakning ka aming indifikadaga ning ka kabakni'ganang marakita' u tipmikura titam. Wara' sidi tangkunang ka wara'guk ira wari yotangkasabinga sidi kadapmang ka kadaga titining u tarafira Anutuning kadapmang kareng ka ka' iik fikifiki ningsa' iik wara'ning unggungsa' tanga ikanting.

LUK Anutuning midi kareng Luk wari yoku' 6:36

Beng sini' Anutu adi aming ga' bibiri' siamo' nakita' wara' sidindu' aming fam ga' bibiri' siamo' ka sidaning babangsi' wari tita' ning nakyamting ning yanggu'.

1 Jon 4:17

Ka Jisas wari amingga' siamo' nakita', ka naktangka aming indi kamaganang i ira kuyane famga' siamo' ninak ning kadapmang kareng sini' ka Kasira Aming Jisas wari aming indita' nakita' ningsa' tantam. Indi ning tantam wa inga' kama girii ka Anutu wari aming midiganang kukyapma tagagareyap wara'ning wari kadofo'ganang wa indi mutu guk mo' tanga tangkunangsa' adenam.

HIBRU Midi umpang aming nua'ni wari Juda amingga' yokiamgu' 6:18

Ka Anutu wari midi totangka tangkunang sini' tanga ananing wap guk yora togu' wa mandaga' mo', adi midi beng guk sini' sa' togu', wara' aming ka Kasira Aming Jisas ga' naktangka tinga Anutu wari manggara adining arantagim ganang kuknibinga kafakafa ningsa' ira auning indi Anutu wari napa' kiginesi fama' ka midi totangka guk ka Anutu ananing wap tapni guk togu' u kanga o beng guk sini' Anutu adi sasukni nua'bu bema afanga kadapmang nua'ni nua'bu titining guk mokngang ning tonga bengsa' ning tontam.

2 TESALONAIKA 2:16

Indining girini' Kasira Aming Jisas a babangni' Anutu girii adi indita' siamo' naknga ai'dap tinima kabakni' indifitangkainga indi kugurang gi' ira sasuk ka napa' kareng inga' taniminga iknam waraga'sa' suktangkanga ikitam. Wara' adi sidita' undu' ningsa' tasama ning tanga sidining kabaksi' u sifitangkainga sidi nasi' midi kareng tutugu a kadapmang karesisa' titi waraga' sura toyam.

ROM Midi umpang Pol wari Rom aming ga' yokiamgu' 15:12

Ka midi nua'ni ka tim profet Aisaia wari kane ka inga' Kasira Aming Jisas wari titi waraga' sura yoku' undu' ning, <> Ka midi ka u yora yareging wa kini kubaniksa' ka Jisas wari kadofigu' waraga'sa' sura yoking.

JON Anutuning midi kareng Jon wari yoku' 17:19

Ka na adi yotangkayap ga' sura naganing iikna guning kafaga ganang kuma' kamarik. Ning tinga gu aming ka u didimeng kareng kuni' nua'ni sini' ning tiabinga ikanting.

Jems 4:8

Abanga sidi a Anutu adi indita' mo' unda' nakara' ning sura adita' ibang tonga adiganang du'sini' au waraga' mutu guk mo' tinting, mokngang, sidi adiganang sini' anga ikanting. Ning tanga Anutu adindu' sidiganang sini' irota'. Wara' aming ka kadagang guk ko tanga iking sidi kadagang u kabisasu'na tinga sidining kabaksi' wari fafandangeng kareng sini' ka aming wari kafasi' yotikning ningda'ning ubu tanga ikanting. A aming ka sasuk fama' guk ka napa' kareng guk ka kadagang guk dabik tanga ikiting sidi sasuk ka kadagang wa wadigi'sini' kabinga ning tanga kadapmang kareng unggungsa' tanga ikanting.

1 Pita 1:3

Ka indi Anutu ka indining girini' Kasira Aming Jisas ning beni adita' kabakni' kareng naknga mesisiringa tangamtam. Beng sini' Anutu adi bibiri' siamo' nipma yotangkanip tanga mindingni Kasira Aming Jisas wari kungkumak tugu' u tubobu tipmaragu'. Ka u tipmaragu' warisa' tanga wa indi aming inga'ni ning ubu kuma' indifikadofigu'. Wara' indi u kanga kabakni' marara o indindu' inga' Anutu wari tubobu indifimararo' ningsa' suktangkanga kapmera ikem.

1 Pita 1:15

Ka Anutu ka adining midi naknga iikga' sinagiku' adining kadapmang wa didimeng ning ki sini' wara' sidindu' nasi' kadapmang tonga wa didimengsa' tinting.