Yohana 8:55 - Mɑ‑to̱ Shir Taku̱rda-o swo̱r o-nu pu̱-o̱

⁵⁵ No̱ nap wu̱ á. Me̱ ne̱, u̱m nepse̱ wu̱. Me̱ ro ze̱e̱ge̱ u̱nze me̱ nap wu̱ á, u̱m roa warag wa-u̱t-bo̱ u̱ntu̱n no̱. Amba u̱m nepste̱ wu̱. Me̱ ne̱ tomso u̱n no̱m o-do̱ro̱tte̱ u̱n ma-to̱ u̱n wu̱ ne̱.

Yohana 8:55 Referans Kwoze

Yohana 8:19

Ye̱ ze̱e̱ru̱, “¿Ke ne̱ o̱ tato ru ro̱?” Ye̱so shasu̱ru̱, “Ko̱ me̱ ko̱ Tato re, yatt-wu̱ no̱ nape̱ á. No̱ ro nepse̱ me̱, no̱ roa nep Tato re komo.”

Yohana 8:44

No̱, tato no̱ ko-Gwo̱mo-wu̱ u̱n ya-u̱t-ko̱t wu̱. Co̱n-m no̱ ne̱ komo no̱ nom rii-yo tato no̱ co̱ne̱ à. Wu̱, cin u̱r-takan wan-ho̱ de u̱n ne̱t-wu̱. Wu̱ ro̱ m-e̱s u̱n o-nip á, remen ho̱-mo̱ u̱n wu̱ ro̱ ko̱n be-de u̱n o̱ shir á. Bo̱-to̱ wu̱ ro̱tte̱ m-'wo̱ns, remen wu̱ wa-u̱t-bo̱-wu̱, tato-o̱ u̱n ya-u̱t-bo̱.

U̱t-Hyangan 3:9

M-mo̱ka no̱a hyen yo u̱m he m-nom u̱n ka hun-ne̱ ye̱ ne̱ ye̱ ro̱ ye̱ u̱n ko-Gwo̱mo-wu̱ u̱n ya-u̱t-ko̱t à. Ye̱ ro̱ m-ze̱e̱ ye̱ Yahuda-ne̱ ye̱, amba ye̱ ya-u̱t-bo̱-ye̱. Me̱ u̱n ru̱ ye̱ m-haan ye̱ kwu̱kt n-dak u̱n na-u̱s no̱. Ka da-o̱ ye̱ he m-nap u̱nze, u̱m waste̱ u̱n no̱ ne̱.

Yohana 8:51

Me̱ no̱ m-ru̱re̱ o-nip, ko̱wan wu̱ ro̱ m-no̱m o-do̱ro̱tte̱ u̱n ma-u̱t re ne̱, wu̱a mer á har da-o̱ ba m-ta.”

Matiyos 11:27

Bo̱ Ye̱so komte̱ u̱s-ko̱n be-de Shir à, ka da-de wu̱ nomu̱ru̱ hun-ne̱ u̱t-ma. “Tato re, Shir ya'ag me̱ nap-se u̱n ko̱yan. Komo yatt-wu̱ nape̱ Wà á se̱ o-Tato o̱ nape̱ wu̱. Komo yatt-wu̱ nape̱ Shir o-Tato á se̱ Wà, komo bo̱ u̱n ka hun-ne̱ ye̱, ye̱ me̱ Wà-wu̱ Shir co̱ne̱ wu̱ kute̱ ye̱ o-Tato à, komo ye̱ nept bo̱ Shir ro̱ à.

1 Yohana 5:10

Bo̱ u̱n wu̱ she̱re̱ be-de u̱n Wà-wu̱ Shir à, wu̱ go̱kste̱ o̱ ka swo̱-se Shir u̱n hur-de u̱n wu̱. Amba bo̱ u̱n wu̱ yage̱ go̱ks swo̱-se u̱n wu̱ mo̱sse̱ u̱n ma-to̱ u̱n Wà u̱n wu̱ ne̱ á, wu̱ musste̱ Shir wa-u̱t-bo̱ o̱ ka. Remen wu̱ u̱n swo̱-se Shir su̱'e̱ Wà u̱n wu̱ á.

Yohana 15:21

Ye̱a rangsu̱ no̱ kááne̱ remen jin u̱n de, remen ye̱ nap ne̱t-wu̱ to̱mne̱ me̱ á.

1 Yohana 2:22

¿Wan wu̱ ro̱ ko-ya-u̱t-bo̱? Kap bo̱n wu̱ ro̱ m-ze̱e̱ Ye̱so wu̱ ro̱ Kiristi á. Go̱n ka ne̱t-wu̱ ro̱ wan-Ryaab-u̱s Ye̱so Kiristi, wu̱ yagu̱te̱ Shir, o-Tato u̱n Wà ne̱ Ye̱so.

1 Yohana 2:4

Ko̱wan wu̱ ze̱e̱ wu̱ nak Shir, amba wu̱ do̱re̱ karamsa-o̱ u̱n wu̱ á, ko-ya-u̱t-bo̱-wu̱. Nip-o ro̱ ko̱n u̱n hur-de u̱n u̱n wu̱ á.

2 Korinti-ne̱ 4:6

Remen Shir, o̱ rwo̱re̱, “Yage̱ m-cu̱cas mo̱ dakante̱ n-te̱ o-comb,” Wu̱ rwo̱'o̱g cu̱cas-mo̱ u̱n wu̱ mo̱ ma'as m-dakan n-te̱ u̱n hur u̱n te̱, mo̱ ye'et hun-ne̱ m-cecas ye̱ nept se̱ps-mo̱ Shir be-u̱r Ye̱so Kiristi.

Se̱nge̱-mo̱ 17:23

Remen da-o̱ u̱m m-pa'e̱ n-me̱ o-bo̱ à, u̱m gwo̱t rem-se no̱ u̱n nome̱ m-gu̱w à, har ma u̱m hyanag u̱n o̱ ken hana-o̱ o̱ u̱r-seke̱ m-ge̱n ne̱ n-to̱n u̱n o̱ a ge̱ne̱g u̱nze, ‘Remen Shir ye̱ a nape̱ á.’ To̱, ka wu̱ no̱ m-kwu̱kte̱ ba no̱ u̱n nap wu̱ à, ma-to̱ u̱n wu̱ me̱ no̱ m-rwu̱u̱nte̱ cas.

Yohana 17:25

“Kashi o-Tato, hun-ne̱ ye̱ u̱n ho̱no o-dak, ye̱ nap wo̱ á, amba u̱m nepste̱ wo̱. Yan-dor re komo, ye̱ nepste̱ u̱nze wo̱ to̱mnu̱ me̱.

Yohana 16:3

Ye̱a nom kááne̱ komo remen ye̱ nap o-Tato ko̱ me̱ á.

Yohana 15:10

U̱rege̱ de u̱nze no̱ o-do̱ro̱tte̱ u̱n karamsa-u̱s re ne̱, man kutu̱ no̱ was-m re, bo̱ u̱m do̱re̱ ma-u̱t Tato re à, komo u̱m she'ete̱ n-me̱ u̱n was-mo̱ u̱n wu̱.

Yohana 10:15

Bo̱ Tato-o nape̱ me̱ à, ka bo̱-se ne̱ o̱ u̱m nape̱ wu̱. Me̱n ya'as u̱n ho̱o̱g re remen ca re.

Yohana 8:29

Tato re wu̱ to̱mne̱ me̱ ne̱ à, wu̱ ro̱ mo̱sse̱ u̱n me̱ ne̱. Wu̱ yage̱ me̱ u̱n ho̱n-de á, remen ko̱ de ke da-de me̱ u̱n no̱m u̱n rii-yo wu̱ co̱ne̱ à.”

Yohana 6:46

Yanze ne̱t ro̱ ko̱n wu̱ hyane̱ Shir o-Tato á, se̱ wu̱ wu̱ rwu̱u̱ne̱ be-de Shir o-Tato à. Wu̱ wu̱ cot, hyane̱ o-Tato.

Yohana 1:18

Yatt ne̱t-wu̱ take̱ hyan u̱n Shir cas á, se̱ Wà u̱n wu̱ u̱r-mat u̱n ho̱n-de u̱n wu̱. Wu̱ ro̱ ragaan u̱n Shir ne̱. Wu̱ ro̱ tara u̱n kom-o̱ u̱r-re̱ de Shir à, wu̱ ru̱ru̱ na bo̱ Shir ro̱ à.

Ruka 10:22

“Tato re, ya'ag me̱ rii kap. Yatt-wu̱ nape̱ yo ka wà-wu̱ ro̱ á, se̱ tato u̱n wu̱, komo yatt-wu̱ nape̱ yo ka tato-o̱ ro̱ á, se̱ ka wà-wu̱, se̱ komo ye̱ ka wà-wu̱ daage̱ wu̱ ru̱ru̱te̱ ye̱ à.”

Yohana 8:52

Se̱k-ye̱ be-de u̱n Yahuda-ne̱ ze̱e̱ru̱, “O̱'o̱, te̱ nak m-mo̱ka u̱nze ya-u̱t-ko̱t daag wo̱ u̱r-hi. Ai, Ibrahi u̱n yan-Rwo̱r u̱n Ma-to̱ Shir ne̱ mereste̱. Wo̱ ne̱ komo, o zee bo̱ u̱n wu̱ no̱me̱ o-do̱ro̱tte̱ u̱n ma-u̱t ru ne̱ à, wu̱a mer á har da-o̱ ba m-ta.

1 Yohana 1:6

U̱rege̱ a m-ze̱e̱ a u̱r-she'et kang-o gaan u̱n Shir ne̱, amba a u̱r-she'et n-me̱ o-comb, bo̱-to̱ atte̱, komo a u̱n she'et-de o-nip á.