Yohana 18:28 - Mɑ‑to̱ Shir Taku̱rda-o swo̱r o-nu pu̱-o̱

²⁸ Ye̱ inu̱ru̱ n-sot n-sot, ye̱ ruutu̱ru̱ Ye̱so u̱n hur-o Ke̱pas komo ye̱ heetu̱ru̱ Ye̱so u̱n ish u̱n hur-o Biratus ko-Gwamna-wu̱ o-Roma wu̱ a ya'ase̱ gwo̱mo-to̱ u̱n Yahuda-ne̱ à. Ye̱ Yahuda-ne̱ u̱n hi u̱n de u̱n ye̱, ye̱ co̱w á, remen ye̱ o-gye̱r taase ye̱ ko̱kku̱sse̱ hi u̱n de u̱n ye̱, taase rii-yo m-re̱ yo u̱n Biki-o̱ m-Pas, yo kwangu̱ ye̱ m-re̱.

Yohana 18:28 Referans Kwoze

Yohana 19:9

Wu̱ wargu̱ru̱ m-co̱w u̱n pyo u̱n Ye̱so ne̱. Wu̱ ze̱e̱ru̱ Ye̱so, “¿Ke ne̱ o̱ ne̱ o rwu̱u̱n?” Amba Ye̱so shas wu̱ á.

Yohana 18:33

Biratus wargu̱ru̱ n-me̱ o-hur. Wu̱ agbu̱ru̱ Ye̱so, wu̱ ze̱e̱ru̱, “¿Wo̱ ro̱ ko-Gwo̱mo-wu̱ u̱n Yahuda-ne̱?”

Yohana 19:14

Ka ho̱-de ne̱, ho̱-de m-zo̱nge̱ de remen Biki-o̱ m-Pas. Ho̱-u̱r ro̱ u̱r-hi, wu̱ ze̱e̱ru̱ Yahuda-ne̱, “Ko-Gwo̱mo no̱ wu̱ ka!”

Matiyos 27:27

Karma-ne̱ ye̱ u̱n ko-Gwamna heetu̱ru̱ Ye̱so n-me̱ u̱n hur-o̱ u̱n ko-Gwamna. Ye̱ karaksu̱ru̱ karma-ne̱ ye̱ kusse̱ à be-de u̱n wu̱,

Se̱nge̱-mo̱ 3:13

Shir Ibrahi, u̱n Ishaku, u̱n Yakubu ne̱, Shir tat-ne̱ te̱, wu̱ se̱pse̱ ko-gu̱w-wu̱ u̱n wu̱ Ye̱so. Biratus ko-Gwamna no̱mu̱ sakto̱-o̱ wu̱ ho'ostu̱ wu̱. Amba u̱n hek-o̱ u̱n kaane̱, no̱ yo'ogte̱ Ye̱so, no̱ yagu̱ wu̱ komo u̱t-yage̱ u̱n co Biratus.

Yohana 11:55

A kane̱, Biki-o̱ m-Pas o̱ u̱n he de m-wo̱o̱n. Hun-ne̱ u̱t-mo̱o̱r ne̱ ye̱ haaru̱ o-Urusharima remen ye̱ koosté̱ hi u̱n de u̱n ye̱ ye̱ she'eté̱ ba m-ku̱ko̱p rii-yo Biki-o̱ m-Pas wo̱o̱nte̱.

Se̱nge̱-mo̱ 11:3

Ye̱ ze̱e̱ru̱, “¿Remen yan o̱ o wo̱tte̱ be-de yan-ba-u̱t-ko̱, har o reet rii-yo m-re̱ be-u̱r gaan u̱n ye̱ ne̱?”

Se̱nge̱-mo̱ 10:28

Wu̱ ze̱e̱ru̱ ye̱, “No̱ u̱n hi u̱n no̱, no̱ nepste̱ u̱nze u̱depe̱ ko-Yahuda mo̱sse̱ u̱r-hi ko̱ ne̱ wu̱ gas, ko̱ ha u̱r-hamat be-de u̱n ne̱t-wu̱ ro̱ ko-Yahuda á. Amba Shir ze̱e̱g taase u̱m zee ne̱t, ‘Shir a go̱ks wo̱ á.’

Yohana 18:39

Amba no̱ u̱n o̱ ken jor-o̱ ne̱, a nome̱ Biki-o̱ m-Pas, me̱ no̱ m-ho'osbe̱ u̱n ne̱t wan-gaan wu̱ ro̱ gego à. ¿Ko̱ no̱ co̱no̱g u̱m ho'osbu̱ no̱ ko-Gwo̱mo-wu̱ u̱n Yahuda-ne̱?”

Ruka 22:66

Bo̱ ish geste̱ à, se̱k-ye̱, u̱n Gwo̱mo-ne̱ ye̱ u̱n ko̱n-se Shir ne̱, u̱n yan-Yoos-de o-karamsa ne̱ mo̱rgu̱ru̱ be-u̱r gaan, komo a hantu̱ru̱ Ye̱so be-de u̱n ka Mo̱ro̱g-de u̱n Se̱k-ye̱ de.

Markus 15:16

Karma-ne̱ heetu̱ru̱ Ye̱so u̱n 'wo̱o̱g-o̱ u̱n pyo-o Biratus. Ye̱ mo̱ro̱gsu̱ru̱ kap ye̱ kuse̱ u̱n kur-de u̱n ye̱ à.

Yohana 18:13

Ye̱ neku̱ru̱ u̱n wu̱ ne̱ be-u̱r Annas u̱r-takan. Wu̱ ne̱ ko-mo̱o̱n Ke̱pas wu̱. Ke̱pas ne̱ wu̱ ro ko-Gwo̱mo-wu̱ u̱n ko̱n-se Shir be-de u̱n ko̱n-se Shir u̱n ka hak-o̱.

Yohana 18:15

Bo̱ ye̱ neke̱te̱ u̱n Ye̱so ne̱ be-u̱r Annas à, Simo̱n Bitrus u̱n wu̱ ken ne̱ wan-neke̱-m Ye̱so do̱ru̱ru̱ jim-u̱r Ye̱so. Bo̱ ye̱ woote̱ u̱n hur-o̱ u̱n ko-Gwo̱mo-wu̱ u̱n ko̱n-se Shir à, wu̱ Bitrus ro mo̱sse̱ u̱n wu̱ ne̱ à, wu̱ co̱wu̱ru̱ har o-'wo̱o̱g mo̱sse̱ u̱n Ye̱so ne̱ remen ko-Gwo̱mo-wu̱ u̱n ko̱n-se Shir nepste̱ u̱n wu̱ ne̱.

Yohana 19:11

Ye̱so ze̱e̱ru̱ wu̱, “Wo̱tt de ken be̱e̱b-de be u̱n de á, yade̱ u̱rege̱ u̱nze Shir-ye̱ ya'anu̱ wo̱ de rwu̱u̱n-mo̱ n-to̱n á. Remen kááne̱ ne̱t-wu̱ hante̱ me̱ be u̱n du à, ba'as-de u̱n wu̱ jiishte̱ ba'as u̱n du.”

Se̱nge̱-mo̱ 4:27

Nip-o̱, u̱n bo̱-o̱ Urusharima ko-Gwo̱mo Here̱ [Atipas] u̱n Panti Biratus ne̱ ye̱ mo̱ssu̱te̱ u̱t-hi u̱n ye̱ ro̱ Yahuda-ne̱ á, u̱n hun-ne̱ ye̱ o-Isra-ne̱, ye̱ ro̱ u̱s-ryaab u̱n ko-gu̱w ru ne̱ Ye̱so, wu̱ ba m-ku̱ko̱p, wu̱ o daagne̱ à.

Se̱nge̱-mo̱ 10:32

Remen kaane̱, to̱m ha-mo̱ o-Jopa a agan Simo̱n, wu̱ a m-aag Bitrus à, wu̱ comse̱ u̱n hur-o Simo̱n wan-swo̱m-to̱ u̱t-ka, wu̱ hur-o̱ u̱n wu̱ ro̱ n-riib m-sa à.’