Yakubu 1:19 - Mɑ‑to̱ Shir Taku̱rda-o swo̱r o-nu pu̱-o̱

¹⁹ Baks no̱ yo ka, o̱r re ne̱ yan-dor, Ko̱ wu̱ ke ne̱t-wu̱ ma'as zo̱ngse̱ wu̱ ho̱gu̱te̱, amba taase wu̱ nom ho̱r-mo̱ m-ce̱p komo wu̱ no̱m ho̱r-mo̱ u̱s-ryaab á.

Yakubu 1:19 Referans Kwoze

Apisu-ne̱ 4:26

U̱rege̱ “no̱ no̱mo̱g u̱s-ryaab, no̱ yage̱ no̱ nomot u̱r-ba'as á.” No̱ jar no̱ no̱m u̱s-ryaab har ho̱-u̱r hebe no̱ á.

Korosiya-ne̱ 3:8

Amba m-mo̱ka taase no̱ nom go̱n ka rem-se komo á. Taase no̱ nom u̱s-ryaab á. Yagu̱ no̱ naas u̱n hun-ne̱ u̱t-me̱n u̱n go̱n rii-yo no̱ m-no̱m ko̱ m-ze̱e̱ à. Taase no̱ rwu̱u̱nte̱ go̱m-u̱t yo̱-to̱.

Apisu-ne̱ 4:31

Yagu̱ no̱ ka rem-se myet: Tu̱k-mo̱ u̱t-me̱n, U̱r-shoos ne̱, u̱n Mar-mo̱ u̱s-ryaab ne̱, U̱t-ween ne̱, u̱n Naas-de u̱n hun-ne̱ ne̱, u̱n Ko̱ de ke go̱n she'et-de ba u̱r-bon de ne̱.

Korosiya-ne̱ 3:15

Yage̱ she'et-de u̱n ba u̱t-ween de Kiristi yoosu̱ no̱ à, de do̱ru̱ttu̱ no̱ bo̱ no̱ co̱ne̱ à. Nom no̱ yo ka remen Shir daagu̱ no̱, no̱ she'ete̱ no̱ nom m-se̱nge̱ be-u̱r gaan ba u̱t-ween u̱ntu̱n wu̱r-o gaan. No̱ se̱nge̱ bo̱ngo̱n-de Shir u̱n ko̱ o̱ ke da-o̱.

Matiyos 5:22

Amba me̱ no̱ m-ru̱re̱, wu̱ ro̱ u̱s-ryaab u̱n o̱r u̱n wu̱ ne̱ à, Shir a nom u̱s-ryaab u̱n wu̱ ne̱ komo a piishe̱ wu̱ u̱t-ma. Komo bo̱ u̱n wu̱ no̱me̱ u̱s-ryaab u̱n o̱r u̱n wu̱ ne̱ à, har wu̱ ce'e̱ wu̱ jin-u̱r yo̱-de a he'et wu̱ be-de m-piish u̱t-ma to̱ se̱k-ye̱ u̱n Shir. Komo wo̱ kute̱ o̱r ru u̱t-yage̱ har o zee wu̱ ko-raag! To̱, o bu̱pse̱ o̱ ka co̱w-yo u̱n den-o̱ o-ra!”

Yakubu 1:26

U̱rege̱ ne̱t ro̱ u̱s-barag u̱nze wu̱ ro̱ m-no̱m u̱n rii-yo Shir co̱ne̱ à, amba wu̱ bo̱p rem-de u̱n wu̱ be-de u̱n ma-to̱ hwaa á, wu̱ ro̱ u̱n raks u̱n hi u̱n de u̱n wu̱, dor-o u̱n wu̱ hwaa o̱.

1 Tasaronika-ne̱ 2:13

Remen kaane̱ o̱ te̱tte̱ u̱n bo̱m u̱n Shir ko̱yanda, remen, da-o̱ no̱ go̱kse̱ Ma-to̱ Shir, to̱ no̱ ho̱ge̱ be u̱n te̱ à, no̱ go̱ks to̱ u̱ntu̱n ma-to̱ u̱n ne̱t á. U̱n su̱ge̱-de u̱n kaane̱ ma, no̱ go̱kstu̱ to̱ bo̱ to̱ ro̱ à, Ma-to̱ Shir. Ká Ma-to̱ Shir to̱, to̱ ro̱ m-se̱nge̱ n-me̱ u̱n hur-u̱r no̱, no̱ ye̱ she̱re̱ à.

Se̱nge̱-mo̱ 17:11

To̱ ye̱ ka Yahuda-ne̱ ye̱, ye̱ aragte̱ ye̱ o-Tasaronika u̱s-we̱e̱r, u̱n remen ye̱ go̱kste̱ u̱t-ma kom-u̱t yoor-u̱t-yoor. Ye̱ ro̱ u̱n ceker-se u̱n ge̱n-mo̱ u̱n Ma-to̱ Shir ko̱ de ke ho̱-de, ye̱ hyenet ko̱ rii-yo Burus rwo̱re̱, ko̱ nip-o̱ à.

Ruka 19:48

Amba ye̱ hoks m-kum o-co̱w á, remen hun-ne̱ kap ro̱ wu̱ m-ho̱ge̱, ye̱ co̱n ye̱ ba'as u̱r-gom á.

Markus 2:2

Bo̱ ye̱ ho̱gu̱te̱ à, ye̱ mo̱rgu̱ru̱ de̱e̱n be-de wu̱ comse̱ à. A u̱n kum be-de u̱n hwo̱ o-na á, remen mo̱o̱r-to̱ u̱n hun-ne̱. N-me̱ n-do̱ ne̱ hun-ne̱ shiiste̱. Wu̱ ro ye̱ m-ru̱re̱ u̱n Ma-to̱ Shir.

Se̱nge̱-mo̱ 10:33

O̱ rwo̱'e̱, u̱m to̱mbu̱te̱ a agan wo̱, komo no̱mo̱g u̱r-bon bo̱ o haane̱ à. To̱, te̱ myet te̱ mo̱rgu̱te̱ u̱n co-o̱ Shir, remen te̱ raksté̱ kap o̱ u̱n yo Shir Wan-Ko̱yan ze̱e̱ wo̱ à.”

Se̱nge̱-mo̱ 2:42

Ye̱ e̱ssu̱ u̱r-hi kap o̱ u̱n ye̱ be-de u̱n yoos-de yan-To̱m-ye̱ Ye̱so ro̱ m-yoos à. Ye̱ ro̱ m-re̱ Rii-yo m-Re̱ yo m-Pas yo u̱n Wan-Ko̱yan, u̱n ko̱n-se Shir ne̱.

Ruka 15:1

De ken ho̱-de yan-go̱ks u̱n tar, u̱n ye̱ ken ya-u̱r-ba'as ne̱, ye̱ haante̱, ye̱ ho̱gu̱té̱ ma-u̱t Ye̱so.

1 Yohana 2:21

Me̱ m-gende̱ no̱, yanze me̱ u̱nze no̱ nap o-nip á, se̱ de̱ remen no̱ nepste̱ o̱. Amba no̱ nepste̱ yatt bo̱-to̱ he m-rwu̱u̱n be-de o-nip á.

Se̱nge̱-mo̱ 13:48

Bo̱ ye̱ ro̱ Yahuda-ne̱ á ho̱gu̱te̱ kaane̱ à, ye̱ ho̱gu̱ m-re̱re̱m de̱e̱n. Ye̱ bo̱mu̱ ma-u̱t Wan-Ko̱yan. Kap ye̱ Shir daage̱ remen ye̱ kumut ho̱o̱g-mo̱ ba m-ta komo ye̱ she̱ru̱ o-nip.

Markus 12:37

Dawuda u̱n hi u̱n de u̱n wu̱ ak wu̱, ‘Wan-Ko̱yan,’ u̱rege̱ ka o̱, ¿Re o̱ Wan-Gwu̱ he m-warag wà Dawuda?” Hun-ne̱ de̱e̱n ho̱gu̱te̱ wu̱ zak-o-zak.

Se̱nge̱-mo̱ 1:15

U̱n ka da-o̱, yan-dor Ye̱so mo̱rgu̱te̱ (be-de u̱n hun-ne̱ zungu-o gaan u̱r-kwo̱o̱z ne̱ [120]). Bitrus inu̱ru̱ eso, wu̱ zee,

Yakubu 1:2

O̱r re ne̱, muut no̱ ko̱ to̱ ke meger-to̱ to̱ ko̱ru̱ no̱ à, rii-yo o-zak de̱e̱n.

Yakubu 1:16

O̱r re ne̱ ye̱ me̱ m-was à, no̱ jar no̱ cu̱w o-ko̱t á!

Yakubu 2:1

O̱r re ne̱ yan-dor Ye̱so, bo̱ no̱ she̱re̱ u̱n Wan-Ko̱yan na, Ye̱so Kiristi wu̱ ro̱ wa-m-se̱ps à, no̱ jar no̱ kute̱ ye̱ ken hun-ne̱ ye̱ m-koos á.

Yakubu 2:5

Raag no̱ u̱t-to̱ o̱r re ne̱ yan-dor, ye̱ me̱ m-was à, Shir u̱n daag ka hun-ne̱ ye̱ ro̱ ko̱o̱b-ne̱ à, ye̱ ro̱tte̱ rii á u̱n ho̱no o-dak, remen ye̱ sheret be-u̱r Ye̱so Kiristi Wan-Ko̱yan. Nip-o̱ komo ye̱ ro̱ ya-o-kwu̱m. Komo wu̱ u̱n daag ye̱ remen ye̱ reet ka gwo̱mo-to̱ wu̱ swo̱re̱ ye̱ co̱ne̱ wu̱ à o-nu.

Yakubu 3:10

U̱n nu-o gaan atte̱ u̱r-bo̱ngo̱n u̱n ka nu-o̱ komo atte̱ hun-ne̱ u̱t-re̱e̱b. O̱r re ne̱ yan-dor, yo ka rii-yo u̱r-bon yo á!

Yakubu 4:11

O̱r re ne̱ yan-dor, no̱ we̱ o̱r no̱ ne̱ á. Remen myet bo̱ u̱n wu̱ we̱ o̱r u̱n wu̱ ko-yan-dor à, ko̱ ne̱ wu̱ sawse̱ wu̱ u̱r-ba'as, wu̱ ro̱ u̱n we̱ u̱n karamsa-o̱ Shir o̱ ka. Wu̱ ro̱ m-ze̱e̱ o̱ ro̱tt u̱r-bon á. Wo̱ zee komo yo Shir ze̱e̱ à yo ro̱tt u̱r-bon á, wo̱ kus o̱ ka m-no̱m u̱n o-do̱ro̱tte̱ á. Komo o ba'asu̱te̱ be-de u̱n muut u̱n hi u̱n du ko-yan-piish o̱ u̱t-ma.

Yakubu 5:12

Arge̱ ko̱yan, o̱r re ne̱ yan-dor, no̱ jar o-jar no̱ to̱nd á. Da-o̱ no̱ m-swo̱r o-nu à, no̱ jar no̱ to̱nd n-To̱n u̱n shir á, ko̱ u̱n ho̱no o-dak, ko̱ u̱n jin-de u̱n yo ken rii-yo, no̱ to̱nd u̱n de á. U̱rege̱ no̱ ze̱e̱g “O̱ho̱,” e̱ss no̱ “O̱ho̱.” U̱rege̱ no̱ ze̱e̱g “Ay,” e̱ss no̱ “Ay.” No̱ esse̱ kaane̱, Shir a piishi no̱ u̱t-ma á.

Yakubu 5:19

O̱r re ne̱, u̱rege̱ wu̱ ken wu̱ be-u̱r no̱ yagu̱te̱ co̱w-yo Shir yo o-nip, komo wu̱ ken wu̱ be-u̱r no̱ mu̱u̱ntu̱ru̱ wu̱ u̱n co̱w,