Yakubu 1:12 - Mɑ‑to̱ Shir Taku̱rda-o swo̱r o-nu pu̱-o̱

¹² Shir a hu̱u̱ nu-o̱ u̱r-bon be-de u̱n ne̱t-wu̱ jo̱o̱se̱ n-me̱ u̱n re̱ u̱r-ko̱o̱b de u̱n wu̱ à, wu̱a go̱ks 'yons-de u̱n ho̱o̱g-o̱ u̱n ba m-ta o̱ Shir swo̱re̱ o-nu wu̱a 'ye ye̱ wasse̱ u̱n wu̱ ne̱ à.

Yakubu 1:12 Referans Kwoze

1 Bitrus 5:10

Shir guug na u̱n ko̱ yo ke bu̱-yo. Wu̱ daagu̱ na remen wu̱ wongté̱ se̱ps-mo̱ u̱n wu̱ u̱n na ne̱. Ka se̱ps-mo̱ ro̱ m-she'et ba m-ta. Wu̱a wong-mo̱ u̱n na ne̱ remen a do̱ru̱te̱ Ye̱so Kiristi. No̱ su̱ u̱r-ko̱o̱b m-mo̱ka, amba u̱jime̱ o-da hiin, Shir a muut no̱ hond hond, wu̱ she̱r no̱ komo wu̱ tor no̱ u̱r-be̱e̱b ne̱.

U̱t-Hyangan 2:10

No̱ ho̱ge̱ gye̱r-o̱ u̱n ko̱o̱b-de no̱ u̱n ma-to̱ m-swo̱ m-mo̱ka á. U̱m ru̱ru̱tu̱ no̱, ko-Gwo̱mo-wu̱ u̱n ya-u̱t-ko̱t wu̱a ru̱ a jorbe̱ ye̱ ken ye̱ be u̱n no̱ n-me̱ u̱n kuke̱-o̱ m-ke'et remen a megerté̱ no̱. No̱a su̱ o-jaas yo har ho̱-u̱t o̱p. Amba she̱r no̱, ko̱ u̱n ma-to̱ m-mar, man 'ye no̱ go̱nd-o̱ u̱n ho̱o̱g.

Yakubu 5:11

Remen a ze̱e̱g, ka ye̱ du̱ngu̱ne̱ har u̱r-ko̱m à, Shir ya'ag ye̱ u̱r-ho̱. No̱ ho̱gu̱ssu̱te̱ de go̱n du̱ngu̱ne̱-m Ayoba, no̱ nepse̱ bo̱ Wan-Ko̱yan hu̱u̱ wu̱ nu-o so̱-o̱ u̱r-ko̱m à. Remen Wan-Ko̱yan ko-ya-m-it wu̱ be-de u̱n no̱m u̱s-ryaab, ko-ya-u̱r-'wo̱n wu̱ komo de̱e̱n.

Roma-ne̱ 8:28

A nepste̱ u̱n ho̱n u̱n rii kap Shir ro̱ u̱n no̱m u̱n rii-yo u̱r-bon, remen ye̱ wasse̱ u̱n wu̱ ne̱ à. Wu̱a no̱m komo kaane̱ u̱n bu̱-yo u̱n zo̱nge̱-to̱ u̱n wu̱.

Matiyos 10:22

Hun-ne̱ ko̱ kene̱ a yagu̱ no̱ remen no̱ yan-neke̱-m re ye̱. Amba bo̱ u̱n ye̱ jo̱o̱se̱ har ha-mo̱ u̱r-ko̱m à Shir a gu ye̱.

1 Korinti-ne̱ 9:25

Kap ya-m-se̱'e̱r, ye̱ ro̱ u̱n yoose̱ u̱n hi u̱n de u̱n ye̱ bo̱ ye̱ he garamse̱ u̱n hi u̱n de u̱n ye̱ à. Ye̱ ro̱ m-no̱m kaane̱ remen ye̱ reet m-yar mo̱ he m-tees à, amba mo̱ ma na yar-mo̱ mo̱ m-ta mo̱ á.

1 Bitrus 3:14

Amba myet u̱n kaane̱ ne̱, u̱rege̱ no̱ u̱n swo̱ u̱r-ko̱o̱b remen no̱ m-no̱m u̱n rii-yo u̱r-bon, Shir a 'ye no̱ o-kwu̱m. “Taase no̱ ho̱ge̱ gye̱r-o̱ u̱n yo ye̱ ro̱ m-gye̱r à, ko̱ komo no̱ was u̱n yo hun-ne̱ ze̱e̱ ye̱a nom ne̱ á.”

2 Timoti 4:8

M-mo̱ka Shir e̱ssu̱te̱ me̱ 'yons-u̱r kashi n-to̱n o-shir, remen u̱m se̱ngu̱te̱ m-she̱r be-de u̱n wu̱. Wan-Ko̱yan wan-piish u̱t-ma wu̱ o-nip, wu̱a ya'as me̱ u̱r-'yons u̱n ka ho̱-de u̱n piish u̱t-ma de. Me̱ wu̱ cot Wan-Ko̱yan he m-ya'as u̱n ka 'yons-de u̱n ho̱n-de á. Amba Shir a 'ye hun-ne̱ ka 'yons-de, komo myet u̱n ye̱ ro̱ u̱r-go̱p ye̱ hyenet mu̱u̱n-mo̱ u̱n wu̱ à.

Yakubu 2:5

Raag no̱ u̱t-to̱ o̱r re ne̱ yan-dor, ye̱ me̱ m-was à, Shir u̱n daag ka hun-ne̱ ye̱ ro̱ ko̱o̱b-ne̱ à, ye̱ ro̱tte̱ rii á u̱n ho̱no o-dak, remen ye̱ sheret be-u̱r Ye̱so Kiristi Wan-Ko̱yan. Nip-o̱ komo ye̱ ro̱ ya-o-kwu̱m. Komo wu̱ u̱n daag ye̱ remen ye̱ reet ka gwo̱mo-to̱ wu̱ swo̱re̱ ye̱ co̱ne̱ wu̱ à o-nu.

1 Bitrus 5:4

Amba da-o̱ Ye̱so ko-Gwo̱mo-wu̱ u̱n ya-u̱t-Gu̱t wo̱o̱ne̱ no̱a go̱ks go̱nd-o̱ u̱n se̱ps-mo̱ u̱n wu̱, o̱a naase̱ á.

1 Korinti-ne̱ 2:9

Amba ka to̱ ro̱ gense̱ u̱n taku̱rda-o̱ Shir u̱nze: “Rii-yo Shir he nome̱ yan-co̱n-to̱ u̱n wu̱ à yatt-wu̱ taku̱ yo m-hyan á, yatt-wu̱ take̱ m-ho̱ge̱ á, yatt komo wu̱ take̱ barag-se u̱n yo á.”

U̱t-Hyangan 3:21

Be-de u̱n ko̱wan wu̱ re̱ u̱r-ho̱ de u̱n ko-Gwo̱mo-wu̱ u̱n ya-u̱t-ko̱t à, man ru̱ wu̱ wu̱ she'et u̱n me̱ ne̱ u̱n kwu̱u̱r-o re, u̱ntu̱n bo̱ u̱m re̱ u̱r-ho̱, u̱m she'ete̱ u̱n Tato re ne̱ u̱n kwu̱u̱r-o̱ u̱n wu̱ à.

1 Bitrus 4:13

Amba no̱m no̱ o-zak, remen no̱ m-swo̱ u̱r-ko̱o̱b bo̱ Kiristi swo̱ de à. Remen no̱a nom o-zak de̱e̱n da-o̱ wu̱ he m-mu̱u̱n u̱n se̱ps-mo̱ u̱n wu̱ ne̱ à.

1 Korinti-ne̱ 8:3

Amba myet bo̱n ne̱t-wu̱ ro̱ u̱n co̱n-to̱ Shir à, Shir nepste̱ u̱n wu̱ ne̱.

U̱t-Hyangan 3:19

Me̱ m-kangse̱, u̱m pu̱re̱ wu̱ u̱m m-wasse̱ u̱n wu̱ ne̱ à. Remen kaane̱, rwo̱ u̱r-hur, no̱ waktu̱ne̱, no̱ yage̱ ba'as-u̱t no̱.

Yahuda-ne̱ 10:32

To̱-u̱t to̱ ka no̱ caari-de u̱r-ko̱o̱b de no̱ swo̱'e̱ da-o̱ no̱ takne̱ m-go̱ks m-cecar á. O̱ ken da-o̱ hun-ne̱ pyapartu̱ no̱ komo ye̱ bu no̱ be-to̱ u̱n hun-ne̱, de ken da-de no̱ swo̱o̱g u̱r-ko̱o̱b u̱n o̱r no̱ ne̱.

Yahuda-ne̱ 6:15

Kaane̱ o̱, bo̱ Ibrahi mo̱'e̱ hur-de u̱n wu̱ à, Shir ya'asu̱ru̱ wu̱ yo wu̱ swo̱re̱ o-nu wu̱a kum à.

Matiyos 25:34

“Ka da-o̱ ko-Gwo̱mo he m-ze̱e̱ ye̱ ro̱ u̱n re̱-de u̱n wu̱ à, ‘Haan no̱, no̱ ye̱ kume̱ o-kwu̱m be-u̱r Tato re à! Go̱ks no̱ cim-yo u̱t-gwo̱mo yo Shir e̱ssu̱ no̱ cin u̱n takan-de u̱n ho̱no o-dak à.

Yahuda-ne̱ 11:17

Remen Ibrahi she̱re̱g be-de Shir, o̱ rwo̱'e̱ wu̱ ya'aste̱ wà u̱n wu̱ Ishaku u̱r-seke̱, da-o̱ a ro wu̱ m-meger à. Ibrahi go̱kste̱ swo̱o̱ru̱ nu-o̱ Shir. Wu̱ zo̱ngsu̱te̱ wu̱ ya'aste̱ wà u̱n wu̱ Ishaku wu̱ ro wu̱ wan-gaan à cot u̱r-seke̱.

1 Yohana 4:19

A m-was remen Shir ye̱ taknu̱ na m-was.

Yahuda-ne̱ 12:5

Bo̱ Ma-to̱ Shir ze̱e̱ no̱ yakar-ye̱ u̱n wu̱ ye̱ à, to̱-to̱ ka no̱ á. Wu̱ zee, “Wà re, wo̱ jar o gin so̱ro̱g yo Yawe nomo wo̱ da-o̱ o̱ ba'ase̱ á. No̱m jaab-o̱ u̱t-me̱n, wu̱ te̱pru̱ wo̱. Wo̱ jar o ker á, remen wu̱ Yawe co̱ne̱ à, wu̱ wu̱, Shir ro̱ m-nome̱ u̱s-so̱ro̱g da-o̱ wu̱ ba'ase̱. Wu̱ ro̱ ye̱ komo m-muut o-co̱w ye̱ wu̱ aage̱ yakar-ye̱ u̱n wu̱ à.”

Ruka 6:22

Shir ya'ag no̱ o-kwu̱m da-o̱ hun-ne̱ yage̱ no̱ à, ye̱ co̱n no̱ á, ye̱a pyapar no̱, ye̱ zee no̱ u̱n me̱n-u̱t jaas-to̱ ne̱, kap rem re Wà-wu̱ u̱n ne̱t!

Roma-ne̱ 5:4

Jo̱o̱se̱-u̱r ro̱ m-hante̱ u̱n kashi u̱r-she'et, kashi u̱r-she'et komo de ro̱ m-hante̱ o-sakto̱.

2 Timoti 2:15

No̱m bo̱ u̱n no̱m-m ru, bo̱ Shir hette̱ m-ho'os o-wu̱r u̱n wo̱ ne̱ à. O warag ko-ya-m-se̱nge̱, wu̱ ro̱ m-ho̱ge̱ 'e̱-mo̱ u̱n se̱nge̱-mo̱ u̱n wu̱ á. Komo o ma'as u̱n yoos u̱n gom-de o-nip hond hond.

1 Bitrus 4:14

U̱rege̱ a pyapu̱rtu̱ no̱ remen jin-u̱r Kiristi, no̱ ya-o-kwu̱m-ye̱, remen Ku̱kt-o̱ m-se̱ps, u̱n o̱ Shir ne̱ ro̱ be-u̱r no̱.