Se̱nge̱-mo̱ 12:7 - Mɑ‑to̱ Shir Taku̱rda-o swo̱r o-nu pu̱-o̱

⁷ Da-o gaan, wu̱ ken wan-to̱m-wu̱ Wan-Ko̱yan wu̱ rwu̱u̱nu̱ru̱, mo̱ ken cecar-mo̱ caraksu̱ ka kuke̱-o̱. Ka da-de ka wan-to̱m-wu̱ Shir wu̱ ci'u̱ru̱ Bitrus n-riib wu̱ 'yonsu̱ru̱ wu̱. Wu̱ ze̱e̱ru̱, “Ine̱ ku̱sse̱.” Komo ka kwo̱m-to̱ argu̱ m-porme̱ u̱n kom-u̱t Bitrus.

Se̱nge̱-mo̱ 12:7 Referans Kwoze

Se̱nge̱-mo̱ 5:19

Amba bo̱ te̱t-m wo̱o̱nte̱ à, wu̱ ken wan-to̱m-wu̱ Wan-Ko̱yan wu̱ tikshiru̱ ish-o u̱n kur-o̱ a ke'ete̱ ye̱ à. Wu̱ rwu̱ntu̱ ye̱, wu̱ ze̱e̱ru̱,

Se̱nge̱-mo̱ 16:26

Da-o gaan, dak-o nuktu̱ru̱ de̱e̱n, har hwu̱k-o̱ u̱n ka kuke̱-o̱ nukte̱. Da-o gaan ish-se u̱n o̱ kap argu̱ m-tikshe̱, bo̱ u̱n ye̱ a ka'e̱ à, ka rii-se a ke'etu̱ ye̱ à ussu̱ru̱.

Se̱nge̱-mo̱ 10:30

Ko̱neriyus ze̱e̱ru̱, “Ho̱-u̱t nass-to̱ arge̱ à, go̱n ka da-o̱, kwo̱m-u̱s tet-se m-rim me̱ u̱n ko̱n-se Shir u̱n hur-o re. Wu̱ ken ne̱t-wu̱ wo̱o̱nu̱ru̱ wu̱ e̱su̱ u̱n co re. Saw-to̱ wu̱ co̱pe̱ à, to̱ m-cu̱cas to̱ m-so̱k ne̱.

Apisu-ne̱ 5:14

Cu̱car-m rwu̱ntu̱te̱ ko̱ yo ke rii-yo cas cas. O̱ a zette̱, “Wa-m-rew ine̱! Ine̱ be-de u̱n margan-ne̱, Ine̱ komo Kiristi a 'ye wo̱ m-cecas.”

Se̱nge̱-mo̱ 2:24

Amba Shir rurug wu̱ be-de u̱n gwo̱mo-to̱ m-mar. Wu̱ 'yonstu̱ wu̱ u̱t-marimar remen yatt-yo he m-nome̱ komo mar-mo̱ bu̱pt wu̱ á.

Ruka 24:4

Ye̱ e̱su̱ru̱ kane̱ ba u̱n nap u̱n yo ye̱ he m-no̱m á, u̱n gyept-o̱ u̱n yish campo̱-ne̱ ne̱n yoor u̱n gund-to̱ m-ku̱kar ne̱ wo̱o̱nu̱ru̱ yow yow u̱n ye̱ ne̱.

Ruka 2:9

Ko-wan-to̱m-wu̱ Wan-Ko̱yan rwu̱u̱nu̱ru̱ be-de u̱n ye̱, se̱ps-mo̱ Shir daknu̱ru̱ u̱n ye̱. Ye̱ ho̱gu̱ru̱ o-gye̱r de̱e̱n.

Se̱nge̱-mo̱ 12:23

Da-o gaan, wu̱ ken wan-to̱m-wu̱ Wan-Ko̱yan wu̱ wo̱su̱ Here̱, remen wu̱ yagu̱te̱ se̱ke̱mse̱ u̱n Shir. Ye̱ge̱-zwo̱ se̱ngu̱ wu̱ m-re̱ har wu̱ maru̱ru̱.

Se̱nge̱-mo̱ 9:3

Wu̱ ro̱ u̱r-hew, wu̱ wo̱o̱ru̱ yow yow o-Damaskus ne̱. Da-o gaan, wu̱ hyanu̱ru̱ m-cecar n-to̱n mo̱ caragsu̱ru̱ u̱n wu̱.

U̱t-Hyangan 18:1

Bo̱ u̱n arag-mo̱ u̱n to̱ ka, u̱m hyanu̱ru̱ wu̱ ken wan-to̱m-wu̱ Shir wu̱ m-kergu̱ne̱ rwu̱u̱n-mo̱ n-To̱n shir. Wu̱ ro̱ u̱t-gwo̱mo ne̱ u̱t-go̱s ne̱, komo mo̱k-o̱ u̱n wu̱ caragsu̱ru̱ ho̱no o-dak.

Yahuda-ne̱ 1:14

Ye̱ yan-to̱m-ye̱ Shir gu̱w-ne̱ ye̱ cot. Ye̱ ku̱kt-to̱ to̱ Shir to̱mne̱ remen ye̱ no̱mu̱té̱ hun-ne̱ ye̱ he kum u̱n gwu̱ à, m-gu̱w.

Se̱nge̱-mo̱ 12:6

U̱n ka te̱t-mo̱ rii-yo Here̱ piishite̱ Bitrus u̱t-ma, Bitrus komo wu̱ ro gego n-te̱ kwo̱m-u̱t yoor. Wu̱ ro m-rew n-te̱te̱ o̱ u̱n karma-ne̱ ne̱n yoor. Yan-'er-de u̱n kur-o̱ m-ke'et komo ye̱ zu̱pste̱ ish ye̱ ro u̱r-'er.

Matiyos 2:13

Bo̱ ka ya-u̱s-nap-ye̱ aragsu̱te̱ à, wan-to̱m-wu̱ Wan-Ko̱yan ru̱ru̱ Yusuhu n-te̱ m-bo, wan-to̱m-wu̱ Shir ze̱e̱ru̱, “Ine̱, o dek ka wà-wu̱ u̱n inu u̱n wu̱ ne̱, no̱ som ha-mo̱ u̱n dak-o̱ o-Masar. No̱ she'et re̱e̱no̱, se̱ u̱m ze̱e̱g no̱ jo'on, remen karma-ne̱ Here̱ a hoob ka wà-wu̱, remen ye̱ hoot wu̱.”

Se̱nge̱-mo̱ 12:8

Wan-to̱m-wu̱ Shir ze̱e̱ru̱ Bitrus, “Co̱p matuku u̱n du, komo o cu̱p ka'ante̱-u̱t ru.” Wu̱ nomu̱ru̱ kaane̱. Wan-to̱m-wu̱ Shir ze̱e̱ru̱ wu̱, “Yap gwo̱do̱-o ru, o do̱nd me̱.”