Ruka 6:21 - Mɑ‑to̱ Shir Taku̱rda-o swo̱r o-nu pu̱-o̱

²¹ Shir ya'ag no̱ o-kwu̱m no̱ ye̱ ro̱ m-ho̱ge̱ m-me̱r m-mo̱ka à, remen Shir a coks no̱! Shir ya'ag no̱ o-kwu̱m, no̱ ro̱ u̱s-'wo̱n m-mo̱ka à, remen no̱a nemes!

Ruka 6:21 Referans Kwoze

Yohana 6:35

Ye̱so ze̱e̱ru̱ ye̱, “Me̱ ro̱ buro̱di-to̱ u̱n ho̱o̱g. Ko̱wan wu̱ haane̱ be u̱n de, wu̱a arag u̱n me̱r á. Wu̱ she̱re̱ u̱n me̱ à, wu̱a do ho̱ge̱ o-swo̱o̱t á.

Matiyos 5:6

Ya-o-zak-ye̱, ka ye̱ co̱ne̱ m-nom rii-yo Shir co̱ne̱ à, remen Shir a coks ye̱.

Yakubu 1:12

Shir a hu̱u̱ nu-o̱ u̱r-bon be-de u̱n ne̱t-wu̱ jo̱o̱se̱ n-me̱ u̱n re̱ u̱r-ko̱o̱b de u̱n wu̱ à, wu̱a go̱ks 'yons-de u̱n ho̱o̱g-o̱ u̱n ba m-ta o̱ Shir swo̱re̱ o-nu wu̱a 'ye ye̱ wasse̱ u̱n wu̱ ne̱ à.

Ruka 1:53

Wu̱ cokste̱ yan-me̱r u̱n rii-yo u̱r-bon, wu̱ yanu̱ru̱ yan-rii kom-u̱t-kom.

Matiyos 5:4

Ya-o-zak-ye̱, ka ye̱ ro̱ u̱n tu̱k-mo̱ u̱t-me̱n m-mo̱ka à, remen Shir a gwu̱'u̱rsu̱ ye̱ u̱t-me̱n.

U̱t-Hyangan 7:16

Ye̱a do ho̱ge̱ m-me̱r á, ye̱a do ho̱ge̱ o-swo̱o̱t á, ye̱a do hyan n-no̱o̱nho̱-o̱ u̱r-ho̱ á ko̱ o̱ ken hund-o̱ á.

Ruka 6:25

Rii-yo u̱r-'wo̱n yo, no̱ ye̱ cigse̱ m-mo̱ka à, remen no̱a ho̱ge̱ me̱r! No̱a warag rii-yo u̱r-'wo̱n, no̱ ya-u̱t-nemes m-mo̱ka, no̱a no̱m tu̱k-mo̱ u̱t-me̱n har no̱ 'u̱n.

1 Korinti-ne̱ 4:11

M-mo̱ka kaane̱ te̱ u̱n ho̱ge̱ u̱n me̱r u̱n swo̱o̱t-o̱ m-ho̱ ne̱, te̱ u̱n co̱p u̱n kashi u̱t-saw á, a te̱ m-dum te̱tt o-hur á.

Yohana 4:10

Ye̱so ze̱e̱ru̱ ka ne'a-wu̱, “Wo̱ ro nakke̱ yar-mo̱ Shir, u̱n wu̱ wu̱ to̱mne̱ ne̱ à, o roa cit ka wu̱ ro̱ wo̱ u̱s-ko̱n o 'ye wu̱ m-ho̱ wu̱ su̱ à, wu̱ roa 'ye wo̱ ne̱ ho̱-mo̱ u̱n ho̱o̱g o su̱.”

U̱t-Hyangan 21:3

Komo u̱m ho̱gu̱ru̱ caari-o̱ co̱r-o̱ ro̱ u̱n ce̱p u̱t-ma rwu̱u̱n-mo̱ u̱n kwu̱u̱r-o̱ u̱t-gwo̱mo o̱ ro̱ m-ze̱e̱, “Gwo̱t hur-o̱ Shir u̱n hun-ne̱ ne̱ n-me̱! Wu̱a she'et be-u̱r gaan u̱n ye̱ ne̱. Komo ye̱ warag hun-ne̱ ye̱ u̱n wu̱. Shir komo u̱n hi u̱n de u̱n wu̱ wu̱a she'et u̱n ye̱ ne̱, komo wu̱ warag Shir-o̱ u̱n ye̱.

2 Korinti-ne̱ 12:10

Da-o̱ hun-ne̱ ye̱ ro me̱ u̱t-re̱e̱b, ko̱ ye̱ 'ye me̱ u̱r-ko̱o̱b, ko̱ ye̱ rangse̱ me̱, ko̱ ye̱ egnu̱tu̱ me̱ u̱r-ko̱o̱b remen u̱m do̱re̱ Kiristi à, me̱ m-no̱m o-zak. Me̱ u̱n ze̱e̱ kaane̱ remen da-o̱ me̱ kende̱ ka da-o̱ o̱ me̱ u̱n kum u̱r-be̱e̱b de rwu̱u̱ne̱ be-de Shir à.

2 Korinti-ne̱ 11:27

U̱m swo̱o̱g o-darem, u̱r-ko̱o̱b ne̱, u̱n ko̱o̱b-de m-rew, u̱n me̱r ne̱, o-swo̱o̱t o̱ m-ho̱ ne̱. Ba o-gaan á u̱m taage̱ rii-yo m-re̱, u̱m swo̱o̱g o-hu̱w, u̱m taage̱ u̱n co̱p-o̱ m-co̱p.

2 Korinti-ne̱ 6:10

N-me̱ u̱n naase̱-mo̱ u̱t-me̱n, te̱ u̱n kum rii-yo o-zak. Ko̱ de̱ nomte̱ te̱tt rii á, kap u̱n kaane̱ ne̱, rem te̱ hun-ne̱ de̱e̱n kumug rii be u̱n te̱, sa o zee te̱tt rii á, amba ko̱yan yo ma te̱ yo.

Yohana 11:35

Ye̱so 'wo̱nu̱ru̱.

Ruka 6:20

Ye̱so gwo̱tu̱ru̱ yan-neke̱-mo̱ u̱n wu̱, wu̱ ze̱e̱ru̱, “Shir ya'ag no̱ o-kwu̱m no̱ ye̱ ro̱ ko̱o̱b-ne̱ m-mo̱ka à, remen gwo̱mo-to̱ Shir to̱ ma no̱ to̱!

Ruka 6:22

Shir ya'ag no̱ o-kwu̱m da-o̱ hun-ne̱ yage̱ no̱ à, ye̱ co̱n no̱ á, ye̱a pyapar no̱, ye̱ zee no̱ u̱n me̱n-u̱t jaas-to̱ ne̱, kap rem re Wà-wu̱ u̱n ne̱t!