Ruka 12:11 - Mɑ‑to̱ Shir Taku̱rda-o swo̱r o-nu pu̱-o̱

¹¹ “Da-o̱ ye̱ heetu̱ no̱ u̱n kuke̱-to̱ u̱n yoos u̱n Ma-to̱ Shir remen ye̱ megertu̱ no̱ ko be-de u̱n ya-o-dak u̱n gwo̱mo-ne̱, hur-u̱r no̱ wu̱rge̱ á, u̱n yo no̱ he m-shas á, ko m-ze̱e̱ á.

Ruka 12:11 Referans Kwoze

Ruka 12:22

Ka da-de Ye̱so ze̱e̱ru̱ yan-neke̱-mo̱ u̱n wu̱, “U̱n kaane̱, me̱ no̱ m-ru̱re̱, no̱ naas u̱t-me̱n remen rii-yo m-re̱ yo no̱ co̱ne̱ no̱ kumut ho̱o̱g, ko gund-to̱ m-co̱p o-wu̱r á.

Matiyos 23:34

“Remen kaane̱, me̱ no̱ m-to̱mne̱ u̱n yan-Rwo̱r u̱n Ma-to̱ Shir, u̱n ya-u̱s-we̱e̱r ne̱, u̱n yan-Yoos-de u̱n Ma-to̱ Shir ne̱. No̱a ho ye̱ ken ye̱, no̱ kem ye̱ ken ye̱, komo no̱ nome̱ ye̱ ken ye̱ u̱s-so̱ro̱g u̱n kuke̱-u̱t no̱ to̱ u̱n yoos u̱n Ma-to̱ Shir. No̱ ye̱ m-do̱re̱ bo̱-u̱t-bo̱ komo no̱ ye̱ u̱n ya-u̱r-ko̱o̱b.

Matiyos 6:25

Ka da-de Ye̱so ze̱e̱ru̱, “Remen kaane̱ me̱ no̱ m-ru̱re̱, taase no̱ ryegen bo̱ no̱ he nekette̱ m-ho̱o̱g à, u̱ntu̱n rii-yo no̱ he m-re̱, ko̱ yo no̱ he m-swo̱ à, ko̱ komo bo̱ no̱ he m-no̱m no̱ kumut rii-yo m-co̱p u̱n wu̱r-u̱t no̱ á. ¿Ho̱o̱g-m mo̱ arag rii-yo m-re̱ á? ¿Komo wu̱r-o̱ jiish saw-to̱ no̱ he m-co̱p á?”

Matiyos 6:27

¿Wan wu̱ ne̱ be u̱n no̱ regen-o̱ u̱n wu̱ he hoks m-gu ho̱-to̱ u̱n mar-mo̱ u̱n wu̱ woosu̱ne̱?”

Matiyos 6:28

Ye̱so haaru̱ co m-ze̱e̱, “No̱ ryegen u̱n saw-to̱ no̱ he m-co̱p á. Gwo̱t no̱ mo̱k-to̱ o-ko̱t bo̱ to̱ ro̱ m-bo̱'o̱se̱ à, to̱ ro̱ m-se̱nge̱ ko̱ m-ce u̱t-gund á.

Matiyos 6:31

“Remen kaane̱ taase no̱ ryegen no̱ zee, ‘¿Ya ne̱ te̱ he m-re̱? ¿Ko̱ ya te̱ he m-swo̱?’ Ko̱ komo, ‘¿Ya te̱ he m-co̱p?’

Matiyos 6:34

“Remen u̱n kaane̱, taase no̱ ryegen remen m-buk. Remen ho̱-de u̱n buk-de ro̱o̱n u̱n go̱n co̱n-mo̱ u̱n de ne̱. Regen-o̱ u̱n caane̱ bo̱'o̱ssu̱tu̱ no̱ remen caane̱.”