Matiyos 8:14 - Mɑ‑to̱ Shir Taku̱rda-o swo̱r o-nu pu̱-o̱

¹⁴ Bo̱ Ye̱so cu̱wte̱ u̱n hur-o Bitrus à, wu̱ 'wo̱su̱ru̱ ko-mo̱o̱n Bitrus ne'a wu̱ ro̱ do̱mb, wu̱r-o̱ dengu̱te̱ wu̱ o-ra.

Matiyos 8:14 Referans Kwoze

1 Korinti-ne̱ 9:5

¿Te̱tt ke̱e̱r-de m-neke̱ u̱n ne'a te̱ ne̱ yan-dor ye̱ ro̱ u̱t-ge ne̱ à, u̱ntu̱n bo̱ ye̱ ka yan-To̱m-ye̱ Ye̱so ye̱, Bitrus u̱n hen-ne̱ Wan-Ko̱yan ne̱ no̱me̱ á?

Matiyos 17:25

Bitrus shasu̱ru̱, “Wu̱ ro̱ m-to̱p ge̱.” Bitrus co̱wu̱ru̱ o-hur remen wu̱ ru̱ru̱té̱ Ye̱so ka ma-to̱. Cin ba wu̱ u̱n ru̱re̱ Ye̱so, Ye̱so citu̱ru̱ wu̱, “Bitrus ¿Ya o hyane̱ mo̱sse̱ u̱n ká cot-o̱ ne̱? ¿Be-u̱r wan-ne̱ o̱ gwo̱mo-ne̱ ro̱ m-go̱ks u̱n hwo̱r-ye̱ u̱n tar o̱, be-de u̱n yakar-ye̱ u̱n ye̱ o̱, ko̱ be-de u̱n hamat-ne̱ ye̱ ye̱ shipe̱ à?”

Yahuda-ne̱ 13:4

Ko̱wan wu̱ 'ye u̱t-ge m-se̱k, wu̱ she'et u̱ntu̱n ye̱ge̱-wo̱ á, remen Shir a piishe̱ ya-u̱r-she'et u̱ntu̱n ye̱ge̱-wo̱ u̱t-ma.

1 Timoti 4:3

Bo̱ Ku̱kt-o̱ Shir rwo̱re̱ à, hun-ne̱ ye̱ u̱t-bo̱ ro̱ ko̱n ko̱ m-mo̱ka: Ye̱ ro̱ u̱r-yoos de u̱t-bo̱ u̱nze taase hun-ne̱ ge u̱t-ge. Komo ye̱ ro̱ m-ze̱e̱ taase hun-ne̱ re̱ to̱ ken rii-to̱ m-re̱ to̱. Amba Shir no̱me̱ u̱t-ge u̱n ko̱ yo ke rii-yo m-re̱ yo ne̱. Shir co̱no̱g ya-m-she̱r ye̱ nep nip-o̱ u̱n wu̱, komo ye̱ 'ye wu̱ u̱r-bo̱ngo̱n remen ka rii-to̱, o̱tte̱ m-ze̱e̱ to̱ rott u̱r-bon á.

1 Timoti 3:2

Remen kaane̱, myet ne̱t-wu̱ co̱ne̱ wan-gu̱t-de u̱n yan-dor Ye̱so à, kaane̱ she'et-de u̱n wu̱ he m-ma'as: U̱ntaase a kum gom-de u̱r-re̱e̱b be-de u̱n wu̱, Wu̱ e̱se̱ be-de u̱n ne'a u̱n wu̱ cot à, Wu̱ hokse̱ garamse̱ u̱n hi u̱n de u̱n wu̱ à, Wan-barag-se u̱r-bon, Hun-ne̱ ya'as wu̱ u̱t-go̱s, remen wu̱ she'ette̱ u̱r-bon ne̱, Wa-m-was u̱n hamat-ne̱ ne̱ n-me̱ u̱n hur-o̱ u̱n wu̱, Wu̱ he m-hoks u̱r-yoos à,

Matiyos 8:20

Ye̱so ze̱e̱ru̱ wu̱, “E̱ge̱-ru̱u̱g ro̱ u̱n wu-to̱ u̱n ye̱ ne̱, ye̱ge̱-no komo u̱n be-to̱ u̱n rew-mo̱ u̱n ye̱ ne̱. Amba me̱ Wà-wu̱ u̱n ne̱t me̱tt be-de m-rew á.”

Matiyos 8:15

Ye̱so ci'u̱ru̱ kom-o̱ u̱n wu̱, ká go̱m-o̱ dossu̱ru̱. Wu̱ inu̱ru̱ wu̱ nomoru̱ ye̱ rii-yo m-re̱.