Matiyos 5:46 - Mɑ‑to̱ Shir Taku̱rda-o swo̱r o-nu pu̱-o̱

⁴⁶ U̱rege̱ ye̱ co̱nu̱ no̱ à, ye̱ no̱ m-co̱n cot, no̱a kum u̱r-'yons o̱ ka á. Ko̱ yan-go̱ks u̱n tar, u̱n yan-me̱n-u̱t jaas-to̱ ne̱, ye̱ ro̱ m-co̱n u̱n ye̱ co̱ne̱ ye̱ à.

Matiyos 5:46 Referans Kwoze

Matiyos 11:19

Amba da-o̱ me̱, Wà-wu̱ u̱n ne̱t, me̱ m-re̱ m-swo̱ ne̱. Ye̱ ze̱e̱ru̱ me̱, ‘Gwo̱t no̱ wu̱, ko-yan-mo̱o̱r-to̱ m-re̱ m-swo̱ ne̱. Ko-nay-wu̱ u̱n yan-go̱ks u̱n tar u̱n ya-u̱r-ba'as ne̱!’ Da-o̱ hun-ne̱ ye̱ no̱me̱ u̱s-barag u̱n ka rem-se te̱ m-no̱m à, ye̱a nep we̱e̱r-u̱s te̱.”

Ruka 18:13

“Amba ko-yan-go̱ks u̱n tar e̱su̱ru̱ u̱r-hew ne̱ komo wu̱ jaks co-o̱ u̱n wu̱ n-To̱n á, amba wu̱ wo̱su̱ru̱ be-de u̱n wu̱. Wu̱ ze̱e̱ru̱, ‘Shir, ho̱ge̱ 'wo̱n u̱n de, me̱ ko-wa-u̱r-ba'as!’ ”

Ruka 15:1

De ken ho̱-de yan-go̱ks u̱n tar, u̱n ye̱ ken ya-u̱r-ba'as ne̱, ye̱ haante̱, ye̱ ho̱gu̱té̱ ma-u̱t Ye̱so.

Matiyos 18:17

U̱rege̱ wu̱ yagu̱tu̱ ye̱ m-ho̱ge̱ har m-mo̱ka, o ru̱re̱ hun-ne̱ yan-dor Ye̱so. U̱rege̱ komo har wu̱ yagu̱te̱ m-ho̱ge̱ u̱n hun-ne̱ yan-dor Ye̱so, muut wu̱ u̱ntu̱n wu̱ nape̱ Shir á, ko̱ ko-yan-go̱ks u̱n tar wu̱ nape̱ Shir á.

Matiyos 6:1

Ye̱so haaru̱ co u̱n yoose̱ u̱n yan-neke̱-mo̱ u̱n wu̱. Wu̱ ze̱e̱ru̱, “Da-o̱ no̱ nome̱ rii-yo u̱r-bon taase no̱ nom u̱n yish-ye̱ u̱n hun-ne̱ remen ye̱ bu̱mu̱t no̱. U̱rege̱ no̱ no̱mo̱g rii-yo u̱r-bon remen hun-ne̱ bu̱mu̱t no̱, no̱a kum u̱r-'yons be-u̱r Tato no̱ wu̱ ro̱ n-To̱n shir á.

Ruka 19:7

Kap hun-ne̱ ye̱ hyane̱ kaane̱ à, taknu̱ru̱ u̱s-cenene, “Ka ne̱t-wu̱ haag u̱r-hamat u̱n hur-o̱ u̱n ko-ya-u̱r-ba'as!”

Ruka 19:2

Ko-Gwo̱mo-wu̱ u̱n yan-go̱ks u̱n tar jin-de u̱n wu̱ Zakka, ko-ya-o-kwu̱m-wu̱.

Matiyos 5:47

U̱rege̱ nay-ne̱ no̱ cot no̱ m-gas, ¿ya no̱ no̱me̱ o̱ ka yo no̱ jiishte̱ ye̱ ken ye̱? Ay, ko̱ ye̱ ro̱ Yahuda-ne̱ á, ye̱ ro̱ m-co̱n u̱n nay-ne̱ ye̱ u̱n ye̱.

Markus 2:15

Ka da-de, komo Ye̱so haanu̱ru̱ u̱n hur-o Rewi u̱n yan-neke̱-mo̱ u̱n wu̱ ne̱. Ye̱ ro̱ u̱n re̱ u̱n rii-yo m-re̱ u̱n yan-go̱ks u̱n hwo̱r-ye̱ u̱n tar ne̱ u̱n ya-u̱t-ba'as ne̱. Go̱n ka hun-ne̱ ye̱, ye̱ ro̱ u̱n do̱re̱ u̱n Ye̱so u̱t-mo̱o̱r ne̱.

Markus 2:16

Yan-Yoos-de u̱n karamsa-o Mosa Parisa-ne̱, ye̱ hyanu̱ru̱ wu̱ ro̱ m-re̱ u̱n rii-yo m-re̱ be-u̱r gaan u̱n ya-u̱t-ba'as ne̱ u̱n yan-go̱ks u̱n hwo̱r-ye̱ u̱n tar ne̱. Ye̱ citu̱ru̱ yan-neke̱-mo̱ u̱n wu̱. Ye̱ ze̱e̱ru̱, “¿Remen yan o̱ ne̱ wu̱ ro̱tte̱ u̱n re̱ u̱n rii-yo m-re̱ mo̱sse̱ u̱n yan-go̱ks u̱n hwo̱r-ye̱ u̱n tar ne̱ u̱n ya-u̱t-ba'as ne̱?”

Ruka 3:12

Yan-go̱ks u̱n tar haanu̱ru̱ a yo'oste̱ ye̱ m-ho̱, ye̱ citu̱ru̱ wu̱, “Wa-u̱r-Yoos, ¿ya ne̱ te̱ he m-no̱m?”

Ruka 5:29

Ka da-de Rewi no̱mu̱ru̱ caari-o̱ o-biki u̱n hur-o̱ u̱n wu̱ rem Ye̱so, yan-go̱ks u̱n tar ro̱ de̱e̱n ye̱ haane̱ à, u̱n ye̱ ken hun-ne̱ ye̱ ne̱ komo.

Ruka 5:30

Parisa-ne̱ u̱n yan-Yoos-de o-karamsa ne̱ ye̱ rwu̱u̱ne̱ kang-o gaan à, ye̱ nomu̱ru̱ yan-neke̱-m Ye̱so u̱s-cenene. Ye̱ citu̱ru̱, “¿Remen yan o̱ no̱tte̱ m-re̱ m-swo̱ ne̱ mo̱sse̱ u̱n yan-go̱ks u̱n tar ne̱, komo u̱n ya-u̱r-ba'as ne̱?”

Ruka 7:29

Hun-ne̱ kap ho̱gu̱te̱ wu̱, u̱n yan-go̱ks u̱n tar-ne̱. Ye̱ do̱ru̱te̱ yo Shir ze̱e̱ à, komo Yohana yo'oste̱ ye̱ m-ho̱.

Ruka 7:34

Wà-wu̱ u̱n ne̱t haante̱, wu̱ re̱e̱g, wu̱ su̱, no̱ ze̱e̱g, ‘Gwo̱t no̱ ka ne̱t-wu̱! Ko wa-o-hambo wu̱ m-re̱, m-swo̱ ne̱, ko-nay-wu̱ u̱n yan-go̱ks u̱n tar, u̱n ya-u̱r-ba'as ne̱.’