Biblia Todo Logo
Bib sou entènèt

- Piblisite -




Matiyos 26:45 - Mɑ‑to̱ Shir Taku̱rda-o swo̱r o-nu pu̱-o̱

45 Ka da-de, wu̱ mu̱u̱nu̱ru̱ be-de u̱n yan-neke̱-mo̱ u̱n wu̱. Wu̱ ze̱e̱ru̱ ye̱, “¿Har m-mo̱ka rew-mo̱ no̱tte̱ no̱ u̱r-wu̱we̱? To̱, da-o no̱mo̱g, o̱ a hette̱ ya'as u̱n Wà-wu̱ u̱n ne̱t u̱n kom-to̱ u̱n ya-u̱t-ba'as à.

Gade chapit la Kopi




Matiyos 26:45
14 Referans Kwoze  

A káne̱, da-o̱ Biki-o̱ m-Pas ro u̱n he de m-wo̱o̱n à, Ye̱so nepste̱ ne̱ da-o wooste̱ o̱ wu̱ hette̱ m-ine̱ u̱n ka ho̱no o-dak o̱ wu̱ waragte̱ be-u̱r Tato u̱n wu̱, wu̱ n-To̱n à. Wu̱ waste̱ ye̱, ye̱ ro̱ ye̱ ma u̱n wu̱ n-me̱ u̱n ho̱no o-dak à, m-mo̱ka wu̱ kutute̱ ye̱ bo̱ wu̱ wasse̱ u̱n ye̱ ne̱ à har da-o̱ u̱r-ko̱m.


Bo̱ Ye̱so ru̱rte̱ kááne̱ à, wu̱ dassu̱ru̱ u̱r-hi n-To̱n shir. Wu̱ ze̱e̱ru̱, “Tato re, da-o wooste̱ o̱ o hette̱ me̱ m-se̱ke̱mse̱ à, remen me̱ u̱n cere u̱m se̱ke̱msu̱té̱ wo̱.


“M-mo̱ka me̱ u̱n ho̱ge̱ u̱n nu̱-se u̱n ho̱o̱g re. ¿Ya u̱m he m-ze̱e̱? ¿U̱m zee ‘Tato re dossu̱ me̱ ka swo̱ u̱r-ko̱o̱b de’? Ay, ko̱ n-ga, me̱ u̱n haan remen ka da-o̱.


U̱m ro u̱n no̱ ne̱, ko̱ o̱ ke da-o̱ u̱n Pyo-o̱ Shir, komo no̱ meger no̱ shipt me̱ á. Amba da-o̱ no̱ o̱ ka da-o yan-me̱n-u̱t jaas-to̱ ro̱ u̱t-gwo̱mo à.”


Wu̱ ze̱e̱ru̱, “Neke̱ no̱ n-me̱ o-bo̱ no̱a hyen wu̱ ken ne̱t-wu̱. No̱ ru̱re̱ wu̱, ‘Wa-u̱r-Yoos ze̱e̱g, “Da-o̱ u̱n re nomoste̱ yow yow, komo man re Biki-o̱ m-Pas u̱n hur-o ru u̱n yan-neke̱-m re ne̱.” ’ ”


“No̱ nepse̱ Biki-o̱ m-Pas kuks ho̱-u̱t yoor a cirit, komo me̱ Wà-wu̱ u̱n ne̱t ye̱a ya'as me̱ ye̱a kem me̱ o-kan.”


Wu̱ dooru̱ ye̱ m-yage̱, wu̱ haaru̱. Wu̱ no̱mu̱ru̱ u̱s-ko̱n o-atette̱-o̱. Wu̱ ro̱ m-rwo̱r u̱n ma-to̱ wu̱ rwo̱re̱ n-ga à.


Ine̱ no̱, a neke̱ no̱. Wan-ya'as u̱n me̱ woosu̱nte̱.”


Wu̱ argu̱ru̱ co hiin. Bo̱ wu̱ arge̱ o-co à, wu̱ kwu̱ktu̱ru̱ n-dak, wu̱ ko̱nu̱ru̱ Shir. Wu̱ ze̱e̱ru̱, “¿Ko̱ nomu̱tu̱ wo̱ o dossu̱ me̱ ka swo̱ u̱r-ko̱o̱b de?”


Ye̱so ze̱e̱ru̱ ye̱, “Da-o nomoste̱ o̱ a hette̱ me̱ m-se̱ps à, me̱ Wà-wu̱ u̱n ne̱t.


Swiv nou:

Piblisite


Piblisite