Matiyos 23:4 - Mɑ‑to̱ Shir Taku̱rda-o swo̱r o-nu pu̱-o̱

⁴ Ye̱ ro̱ m-ze̱e̱ u̱n hun-ne̱ ye̱ no̱m rem-se arge̱ be̱e̱b-de u̱n ye̱ à, remen Shir wu̱ ho̱gu̱té̱ re̱re̱m-mo̱ ye̱. Amba ye̱ ne̱, ye̱ m-no̱m ko̱ hiin rem-se ro̱ u̱n hante̱ hun-ne̱ ye̱ waragté̱ kashi be-de Shir á.

Matiyos 23:4 Referans Kwoze

Ruka 11:46

Ye̱so shasu̱ru̱, “No̱ ma tu no̱ yish remen rii-yo gye̱r-yo yan-Napse̱ o-karamsa! No̱ sawsu̱te̱ hun-ne̱ u̱t-saw u̱n hi-to̱ u̱n ye̱, to̱ ro̱ ba m-re̱re̱m mo̱ m-saw á, amba no̱ u̱n hi u̱n no̱, no̱ hoks m-neks o-jow no̱ guut ye̱ m-saw u̱n ka saw-to̱ á.

Se̱nge̱-mo̱ 15:10

¿Yan yo ne̱ no̱tte̱ u̱n meger-to̱ Shir? A m-meger u̱n Shir u̱rege̱ a gaktu̱te̱ ye̱ ken ye̱ do̱ro̱tte̱-o̱ o-karamsa. Ko̱ na u̱n tat na ne̱, a jesu̱su̱te̱ ka karamsa-o̱ ko̱yanda!

Garatiya-ne̱ 6:13

Ko̱ ka ye̱ ro̱ u̱r-ko̱ ne̱ à, ye̱ m-do̱re̱ o-karamsa u̱n hi u̱n de u̱n ye̱ á. Ye̱ de̱ ye̱ co̱no̱g a ko no̱ remen nu̱-mo̱ u̱r-hi, ye̱ ro̱ m-ze̱e̱ ye̱ rwo̱'e̱ a koot no̱.

Matiyos 23:23

“Rii-yo u̱r-'wo̱n yo no̱, yan-Yoos-de o-karamsa u̱n Parisa-ne̱. Ya-o-she̱pe̱! No̱ m-hu̱s o-gaan be-de u̱n o̱p be-de u̱n saw-to̱ u̱n ceta u̱s-wa ne̱. Amba no̱ yagu̱te̱ rem-se jiishe̱ u̱r-bon n-me̱ o-karamsa à, se ro̱: u̱r-'wo̱n, m-she̱r, u̱n me̱n-u̱t pus-to̱ ne̱. Hu̱s no̱ kap, ka yo depe̱ no̱ nom à, ba no̱ u̱n yage̱ o-ges.

U̱t-Hyangan 2:24

Amba me̱ u̱n to̱mne̱ be-u̱r no̱ ye̱ kusse̱ à o-Tiyatira no̱ ye̱ do̱re̱ ka yoos-u̱r yo̱-de de á. No̱ no̱m yo yan-neke̱-mo̱ u̱n wu̱ ro̱ m-ze̱e̱ á, n-me̱ u̱n bu̱m-o̱ u̱n ko-Gwo̱mo-wu̱ u̱n ya-u̱t-ko̱t o̱ u̱r-du̱w á. Me̱ no̱ m-ze̱e̱, man sawsu̱ no̱ se ken nu̱-se á.

Se̱nge̱-mo̱ 15:28

Ku̱kt-o̱ Shir hyanag no̱mo̱g u̱r-bon, kaane̱ komo te̱ hyane̱ no̱mo̱g u̱r-bon, taase a ru̱'u̱ no̱ se ken nu̱-se arge̱ se̱ ka rem-se se a ya'asu̱ no̱ à.

Matiyos 23:3

Remen kaane̱ no̱m no̱ kap o̱ u̱n rii-yo ye̱ ro̱ m-yoos à, amba no̱ no̱m bo̱ ye̱ ro̱ m-no̱m á. Remen ye̱ ro̱ m-no̱m u̱n rii-yo ye̱ ro̱ yoos á.

1 Yohana 5:3

A u̱n kute̱ u̱n Shir was-m na u̱n bu̱-yo o-do̱ro̱tte̱ u̱n karamsa-to̱ u̱n wu̱, komo to̱ hede na m-kwange̱ á.