Matiyos 22:21 - Mɑ‑to̱ Shir Taku̱rda-o swo̱r o-nu pu̱-o̱

²¹ Ye̱ shasu̱ru̱ ye̱ zee, “To̱ ma ko-Gwo̱mo Sisar to̱.” Ye̱so ze̱e̱ru̱ ye̱, “To̱, se̱ no̱ ya'as ko-Gwo̱mo Sisar rii-yo ro̱ yo ma Sisar à, komo no̱ ya'as Shir rii-yo ro̱ yo Shir à.”

Matiyos 22:21 Referans Kwoze

Roma-ne̱ 13:7

To̱p no̱ yo a no̱ n-dor à. To̱p no̱ tar o̱ depe̱ à. U̱rege̱ ne̱ o̱ u̱n saw-u̱t no̱ o̱, to̱p no̱. Ho̱gu̱ no̱ gye̱r-o̱ u̱n wu̱ depe̱ a ho̱ge̱ gye̱r-o̱ u̱n wu̱ à. No̱ 'ye m-se̱k be-de u̱n wu̱ depe̱ a 'ye wu̱ m-se̱k à.

Se̱nge̱-mo̱ 4:19

Amba Bitrus ne̱ u̱n Yohana shasu̱ru̱, ye̱ zee, “To̱, ¿ko̱ hond hond o̱ be-de Shir te̱ jiish m-ho̱ge̱ u̱n ma-u̱t no̱ arge̱ Ma-to̱ Shir? Ceker no̱ u̱r-bon ne̱.

Matiyos 22:37

Ye̱so shasu̱ru̱, wu̱ zee, “Co̱n Yawe Shir ru u̱n kap o̱ u̱n hur u̱n du, u̱n kap o̱ u̱n ho̱o̱g ru ne̱, u̱n kap o̱ u̱n nap-u̱s ru ne̱.

Ruka 23:2

Kane̱ ye̱ takne̱ wu̱ sakke̱ u̱t-ba'as. “Te̱ shipk ka ne̱t-wu̱, wu̱ ro̱ u̱n e̱gu̱sse̱ u̱n hun-ne̱ na, wu̱ ro̱ ye̱ m-ze̱e̱, ye̱ to̱p ko-Gwo̱mo Sisar tar-o̱ u̱n ho̱no o-dak á, komo wu̱ ro̱ m-ze̱e̱, wu̱ ro̱ ko-Gwo̱mo te̱, Kiristi.”

Se̱nge̱-mo̱ 5:29

Amba Bitrus u̱n yan-To̱m Ye̱so ne̱ shasu̱ru̱, ye̱ zee, “Jip o̱ te̱ nomote̱ Shir o-do̱ro̱tte̱ arge̱ bo̱ te̱ he nome̱ u̱n ne̱t à!

Matiyos 4:10

Ye̱so ze̱e̱ru̱ wu̱, “Arag kàne̱ ko-Gwo̱mo-wu̱ u̱n ya-u̱t-ko̱t o̱! Remen gense̱ to̱ ro̱ u̱n taku̱rda-o̱ Shir u̱nze, “ ‘Nome̱ Yawe Shir ru m-gu̱w, wu̱ wu̱ cot o he m-kwu̱kte̱.’ ”

Matiyos 22:20

Wu̱ ze̱e̱ru̱ ye̱, “¿Kà hwo̱to̱-o̱ u̱n kà jin-de ne̱ to̱ ma wan to̱?”

Markus 12:17

Bo̱ ye̱ waksu̱te̱ wu̱ kaane̱ à, Ye̱so ze̱e̱ru̱ ye̱, “Ya'as no̱ ko-Gwo̱mo Sisar rii-yo ro̱ yo ma Sisar à. Komo no̱ ya'as Shir rii-yo ro̱ yo Shir à.” Bo̱ ka hun-ne̱ ye̱ ho̱gu̱te̱ káane̱ à, ye̱ hyanu̱ru̱ hyat-to̱ u̱n wu̱ de̱e̱n.

Ruka 20:25

Ye̱so ze̱e̱ru̱, “Remen kaane̱, ya'as no̱ ko-Gwo̱mo Sisar yo ro̱ yo ma u̱n wu̱ à, no̱ ya'as Shir yo ro̱ yo u̱n Shir à.”