Matiyos 21:34 - Mɑ‑to̱ Shir Taku̱rda-o swo̱r o-nu pu̱-o̱

³⁴ Bo̱ da-o̱ m-ce wo̱o̱nte̱ à, wu̱ to̱mnu̱ru̱ gu̱w-ne̱ ye̱ u̱n wu̱. Ye̱ he be-de u̱n ye̱ wu̱ mu̱u̱ge̱ o-kat à, remen ye̱ go̱ksu̱ntú̱ wu̱ o̱ ma u̱n wu̱ nu-o̱, o̱ u̱n kwu̱m-o̱ o-kat.

Matiyos 21:34 Referans Kwoze

Matiyos 22:3

Hun-ne̱ de̱e̱n a bande̱ o-biki. Da-o̱ a ko̱me̱ zo̱nge̱-to̱ o-biki à, wu̱ to̱mu̱ru̱ gu̱w-ne̱ ye̱ u̱n wu̱ ye̱ ru̱re̱ ko̱ wu̱ ke da-o nomoste̱. Amba hun-ne̱ ye̱ a bande̱ à ye̱ haan á.

Matiyos 21:35

“Amba ye̱ mo̱ge̱ o-kat à shipi gu̱w-ne̱, ye̱ kaktu̱ wan-gaan u̱r-bu̱'u̱g, ye̱ ho̱o̱ru̱ wan-gaan, ye̱ kaktu̱ wan-gaan u̱s-jor.

Matiyos 21:38

“Amba bo̱ yan-mo̱o̱g o-kat hyanbu̱te̱ wà-wu̱ u̱n ko-ya-o-kat à, ye̱ ze̱e̱ru̱ hi u̱n de u̱n ye̱, ‘Ehee! Ai, ko-yan-go̱ks u̱n cim-yo o-kat wu̱ ka. A ho no̱ wu̱, kat-o warag o̱ ma na!’

Matiyos 21:40

Ye̱so citu̱ru̱ ye̱, “To̱, ka ko-ya-o-kat-wu̱ mu̱u̱ne̱, ¿ya wu̱ he m-no̱m u̱n ká yan-mo̱o̱g-ye̱ ne̱?”

Matiyos 21:41

Ye̱ ze̱e̱ru̱ wu̱, “Ai, cip wu̱a hoom ye̱, wu̱ ya'as ho̱r-ye̱ mo̱o̱g-o̱ u̱n ká kat-o̱, ye̱ he wu̱ se̱nge̱ m-ya'as u̱n o̱ ma u̱n wu̱ nu-o̱, o̱ u̱n kwu̱m-o̱ o-kat ko̱ o̱ ke hak-o̱.”

Markus 12:1

Ka da-de ne̱, Ye̱so taknu̱ ye̱ m-yoose̱ u̱n sha-mo̱ u̱t-ma. Wu̱ ze̱e̱ru̱ ye̱, “Wu̱ ken ne̱t-wu̱ go̱'e̱ kat-o̱ u̱n anab. Wu̱ rigimsu̱ru̱ o̱ u̱n gagan. Wu̱ hinu̱ru̱ o-kuub remen wu̱ pot ho̱-mo̱ u̱n anab. Wu̱ no̱mu̱ru̱ sak-o̱ m-pipir remen u̱r-'er. Bo̱ wu̱ komse̱ à, wu̱ ya'asu̱ru̱ ya-to̱m ka kat-o̱. Ka da-de ne̱, wu̱ argu̱ru̱ m-neke̱ o̱ ken dak-o̱.

Markus 12:7

“Amba ka ya-to̱m-ye̱ ze̱e̱ru̱ u̱n hi u̱n de u̱n ye̱, ‘Wà-wu̱ u̱n wa-o-kat-wu̱ ka. Haan no̱ a ho no̱ wu̱ remen cim-yo u̱n wu̱ waragté̱ yo ma na.’

Markus 12:9

Bo̱ Ye̱so komte̱ ye̱ m-ru̱re̱ u̱n ka ma-to̱ à, wu̱ citu̱ru̱ ye̱. Wu̱ ze̱e̱ru̱, “To̱, ¿ya ne̱ wa-o-kat he m-no̱m? Se̱ wu̱ haante̱ wu̱ ho-m ka ya-to̱m-ye̱, wu̱ ya'as ye̱ ken ye̱ ka kat-o̱.” Ye̱so dooru̱ ye̱ m-ru̱re̱ u̱t-ma. Wu̱ ze̱e̱ru̱,

Ruka 20:9

Ye̱so ru̱ru̱ ka hun-ne̱ ye̱ ka sha-mo̱ u̱t-ma mo̱: “Wu̱ ken ne̱t-wu̱ go̱o̱g o-kat, wu̱ de̱ku̱ru̱ ya-to̱m, wu̱ wargu̱ru̱ o-hur wu̱ she'etu̱ndu̱ru̱ de̱e̱n.