Matiyos 21:27 - Mɑ‑to̱ Shir Taku̱rda-o swo̱r o-nu pu̱-o̱

²⁷ Ye̱ shasu̱ru̱ Ye̱so, ye̱ ze̱e̱ru̱, “Te̱ nap á.” Ye̱so ze̱e̱ru̱ ye̱, “Me̱ u̱n cere man ru̱ru̱ no̱ ko̱ u̱n to̱ ke gwo̱mo-to̱ me̱tte̱ m-no̱m u̱n ká rem-se á.

Matiyos 21:27 Referans Kwoze

2 Korinti-ne̱ 4:3

U̱rege̱ Ma-to̱ m-Re̱re̱m to̱ te̱ m-ru̱re̱ u̱n hun-ne̱ ma-to̱ u̱n to̱ à wukusse̱ to̱ ro̱, to̱ ro̱ wukusse̱ be-de u̱n ye̱ ro̱ u̱n co̱w-yo m-sabre̱ à.

Roma-ne̱ 1:28

Bo̱ ye̱ yage̱ nap u̱n Shir à, Shir yagu̱ru̱ ye̱, ye̱ he̱'e̱bu̱ru̱ u̱n barag-se o-hwaa, ye̱ se̱ngu̱te̱ no̱m u̱n rii-yo depe̱ á.

Yohana 9:30

Ka ne̱t-wu̱ shasu̱ru̱ ye̱, “Caane̱ hyat-to̱ ka! No̱ nap be-de wu̱ rwu̱u̱ne̱ á, amba ne̱ wu̱ upsu̱ssu̱te̱ me̱ yish!

Matiyos 16:3

N-sot komo, no̱ hyene̱ To̱n-o no̱mo̱g zá, no̱ m-ze̱e̱, ‘Caane̱ a hye kem.’ No̱ m-hoks m-nap bo̱ To̱n-o ro̱ u̱r-hew à, amba no̱ hoks o-napa yo Shir ro̱ m-no̱m u̱n ka da-o á.

Matiyos 15:14

Yagu̱ ye̱ temb. Po̱-ne̱ yan-nak u̱n o̱r u̱n ye̱ po̱-ne̱. U̱rege̱ ko-po̱ ro̱ m-nak u̱n o̱r u̱n wu̱ ko-po̱, ai, kap mo̱ u̱n ye̱ ye̱a he̱'e̱be̱ n-me̱ o-kuub.”

Matiyos 21:26

Amba a zee no̱, ‘Be-de u̱n ne̱t o̱,’ A o-gye̱r u̱n ka bu̱u̱g-de u̱n hun-ne̱ de, remen ko̱wan dekse̱ Yohana ko-yan-Rwo̱r u̱n Ma-to̱ Shir wu̱.”

Matiyos 21:28

“To̱, ru̱ru̱ me̱ no̱ yo no̱ hyane̱ u̱n to̱ ka ma-to̱ ne̱ à. Wu̱ ken ne̱t-wu̱ ro u̱n yakar-ne̱ yoor yan-campo̱-ne̱. Wu̱ haaru̱ be-de u̱n wu̱ ro̱ se̱k-wu̱ à, wu̱ ze̱e̱ru̱, ‘Wà re, caane̱ neke̱, o nom m-se̱nge̱ o-kat o̱ u̱s-anab.’