Apisu-ne̱ 5:2 - Mɑ‑to̱ Shir Taku̱rda-o swo̱r o-nu pu̱-o̱

² Co̱n no̱ hun-ne̱ ko̱yanda, u̱ntu̱n bo̱ Kiristi co̱nu̱ no̱ à. Wu̱ marag rem na. Wu̱ ya'aste̱ Shir ho̱o̱g-mo̱ u̱n wu̱ u̱t-seke̱ to̱ m-shi'igin, u̱n no̱m u̱n kaane̱ wu̱ gwu̱'u̱rsu̱te̱ Shir u̱r-hur.

Apisu-ne̱ 5:2 Referans Kwoze

Yohana 13:34

“Karamsa-o pu̱-o̱ o̱ me̱ no̱ m-ru̱re̱. Was no̱ u̱n o̱r no̱ ne̱. Bo̱ u̱m wasse̱ u̱n no̱ ne̱ à, ka bo̱-se ne̱ o̱ u̱n cen no̱ ne̱ no̱ was u̱n o̱r no̱ ne̱.

Garatiya-ne̱ 2:20

A kamag me̱ be-u̱r gaan u̱n Kiristi ne̱. M-mo̱ka me̱ u̱n ho̱o̱g ne̱, amba me̱ wu̱ u̱n hi u̱n de á. Kiristi wu̱ ro̱ ho̱o̱g-mo̱ u̱n hur u̱n de. Ka ho̱o̱g-mo̱ u̱n wu̱r-o re mo̱, ho̱o̱g-mo̱ be-de m-she̱r u̱n Wà-wu̱ Shir. Wu̱ kutu̱ me̱ m-co̱n à har wu̱ mer rem re.

Korosiya-ne̱ 3:14

Yo arge̱ yo ka ma à, was no̱ o̱r no̱ ne̱. Remen no̱ wasse̱ o̱r no̱ ne̱, no̱a she'et no̱ gem u̱r-hi be-u̱r gaan.

2 Korinti-ne̱ 2:15

Remen na be-de Shir rii-yo m-shi'igin yo a ro̱, yo Ye̱so Kiristi tebbe̱ Shir à, yo nekse̱ be-de u̱n ka ye̱ a u̱n gwu̱ à, komo u̱n ye̱ ro̱ ne̱ u̱n co̱w-yo m-sabre̱ à.

Titus 2:14

Ye̱so ya'aste̱ hi u̱n de u̱n wu̱ har m-mar rem na. Wu̱ u̱n no̱m kaane̱, remen wu̱ rurut na be-de u̱n be̱e̱b-de u̱r-ba'as, komo remen wu̱ soksté̱ ba'as-u̱t na. Wu̱ u̱n no̱m kaane̱ bo̱ a he m-warag kashi u̱n hun-ne̱ ye̱ u̱n Shir à, komo bo̱ a he m-warag hun-ne̱ yan-go̱p-de u̱n no̱m u̱n rem-se u̱r-bon be-de Shir.

1 Korinti-ne̱ 16:14

Yage̱ myet-o̱ u̱n rii-yo no̱ he m-no̱m à, no̱ nomot yo m-was ne̱.

Matiyos 20:28

Ko̱ me̱ ma, Wà-wu̱ u̱n ne̱t me̱ haan remen a nomotú̱ me̱ m-gu̱w á, se̱ de̱ remen u̱m nomoté̱ ye̱ ken ye̱ m-gu̱w. Komo u̱m ya'asté̱ ho̱o̱g-m re remen u̱m rurut hun-ne̱ de̱e̱n.”

1 Bitrus 4:8

Yo jiishe̱ kap à, se̱ no̱ kute̱ o̱r no̱ ne̱ m-was de̱e̱n, remen was-m ro̱ u̱n bite̱ mo̱o̱r-to̱ u̱t-ba'as to̱ ye̱ no̱me̱ na à.

2 Korinti-ne̱ 8:9

Remen no̱ nepse̱ yar-m Wan-Ko̱yan Ye̱so Kiristi rem na. Ko̱ de̱ nomte̱ wu̱ ro̱ u̱n ko̱ yo ke rii-yo ne̱ à, myet u̱n kaane̱ ne̱, wu̱ waragte̱ ko-ko̱o̱b rem no̱. Remen ko-ko̱o̱b-wu̱ wu̱ warge̱ à, o̱ rwo̱'e̱ no̱ kumut ko̱ yo ke rii-yo u̱n co-o̱ Shir.

1 Yohana 3:16

Rii-yo hante̱ a nept m-was à, remen Ye̱so Kiristi ya'aste̱ ho̱o̱g-o̱ u̱n wu̱ rem na. Na ne̱, depu̱te̱ a ya'as hi u̱n na rem o̱r na ne̱.

U̱t-Hyangan 1:5

tomso ne̱ rwu̱u̱n-mo̱ u̱n be-u̱r Ye̱so Kiristi wu̱ ro̱ ko-yan-e̱ss u̱t-ma wan-su̱'e̱ u̱n ka rem-se. Wu̱ ro̱ mat-de co, be-de u̱n ye̱ ine̱ u̱t-marimar à. Wu̱ ro̱ ko-Gwo̱mo-wu̱ u̱n kap Gwo̱mo-ne̱ ye̱ u̱n ho̱no o-dak. M-se̱ps kap be-de u̱n wu̱, wu̱ ro̱ na m-was à. Wu̱ sokse̱ na ba'as-u̱t na u̱n bu̱-yo u̱n wu̱u̱s u̱n hyó-mo̱ u̱n wu̱ rem na.

Yahuda-ne̱ 9:26

U̱rege̱ se a no̱mo̱g kaane̱, wu̱ ro̱a se̱nge̱ m-mar bim-m-bim, cin da-o̱ a nome̱ ho̱no o-dak à. Amba, ay, wu̱ u̱n haan so̱ o-gaan cot, bo̱ u̱n ka da-o̱ ko̱m-de ka. Wu̱ hu̱ste̱ be̱e̱b-de u̱r-ba'as har da-o̱ ba m-ta u̱n bu̱-yo u̱n seke̱-de u̱n hi-de u̱n wu̱ har m-mar rem na.

Yahuda-ne̱ 9:14

No̱m no̱ u̱s-barag, hyó-m Ye̱so Kiristi argte̱ hyó-mo̱ u̱t-gu̱t! Hyó-mo̱ u̱n wu̱ mo̱a so'os ri'in-to̱ u̱r-ba'as u̱n hur-u̱r na be-de u̱n no̱m u̱n rem-se o-hwaa se ro̱ m-hante̱ m-mar à. Wu̱ u̱n nom kaane̱ remen a nomoté̱ Shir o̱ u̱n ho̱o̱g, m-gu̱w. Ye̱so seke̱ Shir hi u̱n de u̱n wu̱ kashi u̱r-seke̱ komo remen ba'as-u̱t na. Wu̱ no̱m kaane̱ u̱n gwu̱-o̱ u̱n Ku̱kt-o̱ ba m-ta.

1 Timoti 2:6

Ye̱so ya'aste̱ hi u̱n de u̱n wu̱ har be-de m-mar, remen wu̱ rurut na kap. Ma-to̱ u̱n mar-m Kiristi, Shir ya'ag na m-mo̱ka o-da o̱ m-ru̱re̱ hun-ne̱ ka ma-to̱ u̱nze Shir co̱no̱g ko̱ wu̱ ke ne̱t-wu̱ kum gwu̱.

Apisu-ne̱ 4:15

O̱tte̱ kaane̱ à jiishte̱, a ru̱r o-nip u̱n bu̱-yo o-acu̱nde̱, bo̱ a he m-warag shiishe̱ u̱ntu̱n Kiristi u̱n ko̱ yo ke rii-yo a m-no̱m à. Wu̱ ro̱ ko-Gwo̱mo na.

1 Yohana 3:23

Yo Shir ze̱e̱ a no̱m à yo ka: A she̱r no̱ u̱n jin-u̱r Wà u̱n wu̱ Ye̱so Kiristi, tomso ne̱ a was u̱n o̱r na ne̱ ne̱, bo̱ Ye̱so Kiristi ze̱e̱ na à.

1 Timoti 4:12

Taase o yage̱ hun-ne̱ gu̱t hi u̱n du ba u̱s-shi á, remen wo̱ mo̱nge̱ á. Amba se̱nge̱ yoos u̱n du. Komo yage̱ she'et u̱n du ma'as rii-yo u̱r-yoos be-de u̱n yan-dor Ye̱so bo̱ depe̱ ye̱ she'et à: Ce̱p ma-to̱ u̱r-bon. No̱m rii-yo u̱r-bon. Was u̱n hun-ne̱ ne̱. She̱r be-de Shir. Komo o ma'as u̱n hur-u̱r pus-de ne̱.

1 Tasaronika-ne̱ 4:9

M-mo̱ka mo̱sse̱ u̱n was u̱n o̱r no̱ ne̱ ne̱ komo, ba se̱ wu̱ ken wu̱ genete̱ no̱ á, remen no̱ u̱n hi u̱n no̱ Shir o̱ yoosu̱ no̱, no̱ was u̱n o̱r no̱ ne̱ ne̱.

Apisu-ne̱ 4:2

Ko̱yanda ma'as no̱ yan-gwe̱gwe̱r-mo̱ u̱r-hi, u̱n 'mo̱ u̱r-hur ne̱, komo no̱ geeg u̱t-me̱n u̱n o̱r no̱ ne̱ ne̱ be-de m-was.

Apisu-ne̱ 3:17

Komo me̱ u̱s-ko̱n se Shir, bo̱ Kiristi he m-she'et ko̱yanda u̱n hur-u̱t no̱ remen no̱ she̱re̱g u̱n wu̱ à. Me̱ u̱s-ko̱n no̱ cu̱n Shir, u̱n o̱r no̱ ne̱. Ká co̱n-to̱ a doo no̱ m-'wo̱ns.

Garatiya-ne̱ 1:4

No̱ nak Ye̱so Kiristi ya'aste̱ hi u̱n de u̱n wu̱ remen ba'as-u̱t na, remen wu̱ guut na u̱n ka da-o yo̱-o̱ o̱. Wu̱ u̱n nom yo ka remen kaane̱ Shir Tato na co̱ne̱ m-no̱m.

U̱t-Hyangan 5:9

Ye̱ huru̱ se̱p-o pu̱-o̱, ye̱ ro̱ m-ze̱e̱: “Wo̱ wu̱ bo̱'o̱se̱ go̱ks u̱n kà taku̱rda-o pu'usse̱-o̱ komo o ke'es reke̱-to̱ u̱n o̱ o ups o̱. Remen n-ga a ro hoostu̱ wo̱, komo u̱n mar-m ru mo̱ u̱r-seke̱ o rundu̱te̱ Shir hun-ne̱ n-me̱ u̱n ko̱ o̱ ke baag-o̱, u̱t-rem ne̱, u̱n bu̱u̱g-to̱ u̱n hun-ne̱ ne̱ u̱t-dak ne̱.

Yahuda-ne̱ 9:23

Ro u̱r-bon ne̱, a so'os rem-se u̱n ho̱no o-dak u̱r-seke̱ remen se sha-mo̱ temb mo̱ u̱n rem-se n-To̱n shir, amba rem-se n-To̱n shir u̱n hi u̱n de u̱n se, se a so'oste̱ se u̱t-seke̱, to̱ jiishe̱ to̱ n-ga à.

Apisu-ne̱ 3:19

Komo no̱a nep was-m Kiristi mo̱ arge̱ be-de m-nap à. Ka da-de a shoos no̱ shi-mo̱ u̱n ho̱o̱g u̱r-be̱e̱b ne̱ rwu̱u̱n-mo̱ be-de Shir.

Roma-ne̱ 8:3

Yo karamsa-o wo̱ hokse̱ m-no̱m á remen kende̱-de u̱n wu̱r-o̱ ma-hun, yo yo Shir no̱me̱. Shir to̱mo̱nte̱ Wà u̱n wu̱ wan-gaan cot u̱n sha-mo̱ u̱n wu̱r-u̱t na to̱ u̱r-ba'as remen wu̱ waragté̱ rii-yo u̱r-seke̱ rem u̱r-ba'as, Ye̱so doste̱ komo be̱e̱b-de u̱r-ba'as u̱n wu̱r-u̱t na.

Apisu-ne̱ 5:25

No̱ campo̱-ne̱ co̱n no̱ ne'a no̱ ne̱, bo̱ Kiristi co̱ne̱ yan-dor à, komo wu̱ ya'asu̱ru̱ hi u̱n de u̱n wu̱ be-de m-mar rem yan-dor.

1 Korinti-ne̱ 5:7

Ruut no̱ ká yist-m 'wu̱tu̱m-mo̱ remen no̱ waragté̱ buro̱di-u̱r pu̱-de ba m-yist bo̱ no̱ ro à. No̱m no̱ kaane̱ remen Shir so'ostu̱ no̱, be u̱n no̱ a peneste̱ rwu̱u̱g o-ca yo u̱n Biki-o̱ m-Pas. Kiristi ro̱ rwu̱u̱g-o̱ ca-o na.

Roma-ne̱ 4:25

Remen ba'as-u̱t na o̱ rwo̱'e̱ Shir ya'aste̱ Ye̱so wu̱ meret a 'yons wu̱ u̱n ho̱o̱g ne̱ remen a waragté̱ ba u̱r-ba'as be-de Shir.

Yohana 6:51

Me̱ wu̱ ro̱ ka buro̱di-to̱ u̱n ho̱o̱g-to̱ to̱ rwu̱u̱ne̱ n-To̱n u̱n shir à. Bo̱n ne̱t-wu̱ re̱ ka buro̱di-to̱ à, wu̱a nom ho̱o̱g-mo̱ ba m-ta. Ka buro̱di-to̱ komo wu̱r-o re o̱, o̱ u̱m he m-ya'as à, remen ho̱no o-dak o̱ nomot ho̱o̱g.”

Roma-ne̱ 8:37

U̱n ka rem-se a argu̱te̱ hun-ne̱ zee na, a re̱e̱g u̱r-ho̱ cot remen was-mo̱ Kiristi wasse̱ na à.

Roma-ne̱ 15:16

U̱m waragte̱ wan-se̱nge̱-m Kiristi Ye̱so be-de u̱n ye̱ ro̱ Yahuda-ne̱ á. Me̱ u̱n se̱nge̱-mo̱ u̱n ko̱n-se Shir u̱n bu̱-yo m-ko̱'o̱t u̱n Ma-to̱ m-Re̱re̱m to̱ Shir remen ye̱ ro̱ Yahuda-ne̱ á, ye̱ waragté̱ rii-yo u̱r-seke̱ yo Shir he m-go̱ks à. Ye̱a warag ba m-ku̱ko̱p u̱n bu̱-yo u̱n Ku̱kt-o̱ Shir.

2 Korinti-ne̱ 2:14

Amba u̱r-bo̱ngo̱n be-de Shir, wu̱ ro̱ na u̱n teke̱ o-co ko̱yanda à, te̱ re̱e̱g u̱r-ho̱ n-me̱ u̱n Ye̱so Kiristi. Wu̱ ya'ag na u̱r-be̱e̱b a ru̱ru̱t bo̱ hun-ne̱ he nap u̱n Ye̱so Kiristi à ko̱ kene̱, u̱ntu̱n no̱w-mo̱ m-shi'igin mo̱ a taame̱ à.

Apisu-ne̱ 1:4

Rii-yo Shir nomot o-To̱n o-dak ne̱, wu̱ daagu̱ na, remen wu̱ co̱no̱g na, a waragté̱ kashi u̱n hun-ne̱ komo ba u̱r-ba'as be-de Shir. Remen Shir waste̱ u̱n na ne̱,

Apisu-ne̱ 5:15

Remen kaane̱ no̱m no̱ ce̱n u̱n she'et-u̱r no̱ ne̱. No̱ jar no̱ she'et u̱ntu̱n raag-ne̱ á, amba she'et no̱ u̱ntu̱n ya-u̱s-nap.

Piripi-ne̱ 4:18

Nap no̱ u̱nze yo no̱ to̱mnu̱nte̱ me̱ à wo̱o̱nte̱ be u̱n de, komo yo aragte̱ bo̱ u̱m co̱ne̱ à, cin da-o̱ E̱paraditus hante̱ me̱ ka saw-to̱ no̱ to̱mo̱nte̱ wu̱ à. Ya ro̱ sa o zee no̱ ya'ag Shir no̱w-mo̱ m-shi'igin, mo̱ u̱r-seke̱, Shir go̱kste̱, komo wu̱ ho̱gu̱te̱ m-re̱re̱m.

Yahuda-ne̱ 8:3

Bo̱ Shir co̱ne̱ ko̱ wu̱ ke ko-Gwo̱mo-wu̱ u̱n ko̱n-se Shir, wu̱ 'ye m-yar u̱t-seke̱ ne̱ à. Wu̱ ma na ko-Gwo̱mo-wu̱ go̱s-wu̱ u̱n cen wu̱ se̱ wu̱ seke̱te̱ yo ken rii-yo.