Apisu-ne̱ 2:14 - Mɑ‑to̱ Shir Taku̱rda-o swo̱r o-nu pu̱-o̱

¹⁴ Kiristi hantu̱te̱ she'et-de u̱n gwu̱gwu̱-mo̱ u̱r-hur be-u̱r na Yahuda-ne̱ u̱n ye̱ ro̱ Yahuda-ne̱ á. Bo̱ ye̱ m-she'et u̱ntu̱n hun-ne̱ gaan à, ba ye̱ u̱n wonge̱ u̱n o̱r u̱n ye̱ ne̱, to̱ wongsu̱ ye̱ à, Shir dossu̱ssu̱te̱ ka yo wo̱o̱ngsu̱ ye̱ à u̱n mar-m Kiristi o-kan.

Apisu-ne̱ 2:14 Referans Kwoze

Garatiya-ne̱ 3:28

Remen kaane̱ koos-m ro̱ ko̱n á be-de u̱n Yahuda-ne̱ u̱n ye̱ ro̱ Yahuda-ne̱ ne̱ á. Komo koos-m mo̱ kus be-de ye̱ ro̱ u̱r-mat u̱n gu̱w-ne̱ ne̱ á, ko̱ be-de u̱n ne'a-ne̱ u̱n campo̱-ne̱ ne̱. Kap gaan no̱ ro̱ be-de u̱n mo̱sse̱ u̱r-hi u̱n Kiristi Ye̱so.

Korosiya-ne̱ 3:11

Remen Shir muutu̱ no̱ hun-ne̱ pu̱-ye̱ m-mo̱ka koos-m mo̱ kus á. U̱n ko-Yahuda, u̱n wu̱ ro̱ ko-Yahuda á, myet gaan-to̱. Ko̱ a ko̱o̱g ne̱t, ko̱ a ko̱ wu̱ á, myet gaan-to̱. Koos-m mo̱ kus á, ko̱ ko-hamat ko̱ ko-yan-ba-u̱s-we̱e̱r ne̱, ko̱ ne̱ ko-gu̱w, ko̱ ne̱ wu̱ ro̱ ko-gu̱w á. Kiristi wu̱ jiishe̱ ko̱yan, wu̱ wu̱ ro̱ tomso ne̱ n-me̱ u̱n hun-ne̱ ye̱ u̱n wu̱ myet.

Korosiya-ne̱ 3:15

Yage̱ she'et-de u̱n ba u̱t-ween de Kiristi yoosu̱ no̱ à, de do̱ru̱ttu̱ no̱ bo̱ no̱ co̱ne̱ à. Nom no̱ yo ka remen Shir daagu̱ no̱, no̱ she'ete̱ no̱ nom m-se̱nge̱ be-u̱r gaan ba u̱t-ween u̱ntu̱n wu̱r-o gaan. No̱ se̱nge̱ bo̱ngo̱n-de Shir u̱n ko̱ o̱ ke da-o̱.

Apisu-ne̱ 2:15

Karamsa-to̱ u̱n Yahuda-ne̱ ro u̱t-mo̱o̱r ne̱, amba mar-m Kiristi kapste̱ to̱. Wu̱ u̱n no̱m yo ka remen wu̱ mo̱ssu̱té̱ Yahuda-ne̱ u̱n ye̱ ro̱ Yahuda-ne̱ ne̱ á be-de u̱n wu̱. Ye̱ waragte̱ ragaan, u̱n kaane̱ Yahuda-ne̱ u̱n ye̱ ro̱ Yahuda-ne̱ á honge̱ u̱n o̱r u̱n ye̱ ne̱ ne̱.

Korosiya-ne̱ 1:20

Komo Kiristi wu̱ Shir nomte̱ co̱w-yo m-mu̱u̱nte̱ u̱n ko̱yan yo wu̱ no̱me̱ à, be-de m-hongse̱ u̱n wu̱ ne̱. Yo ka mo̱ssu̱te̱ myet-mo̱ u̱n rii-yo ro̱ n-To̱n à u̱n ho̱no o-dak ne̱. Shir no̱mo̱g o-co̱w remen ko̱ yo ke rii-yo ma'aste̱ ba u̱t-ween u̱n wu̱ ne̱. Shir no̱mo̱g yo ka u̱n bu̱-yo u̱n ya'as u̱n Wà u̱n wu̱, a wu̱u̱ste̱ hyó-mo̱ u̱n wu̱, wu̱ meret n-to̱n o-kan.

Korosiya-ne̱ 2:20

Bo̱ rem-se ma-hun no̱ merse̱ n-me̱ u̱n Kiristi à, m-mo̱ka be̱e̱b-de u̱n ho̱no o-dak, a garamse̱ no̱ á. ¿Remen yan o̱ no̱tte̱ u̱n nome̱ u̱n ka karamsa-to̱ o-do̱ro̱tte̱ sa o zee ho̱no o-dak o̱ ro̱ no̱ m-garamse̱?

Roma-ne̱ 5:1

Remen kaane̱, bo̱ a warge̱ kashi remen a she̱re̱g be-u̱r Ye̱so à, m-mo̱ka a kumug gwu̱gwu̱-mo̱ u̱r-hur be-de Shir. Mo̱ haane̱ be-u̱r na remen ka rii-yo Ye̱so Kiristi Wan-Ko̱yan na nome̱ à.

Se̱nge̱-mo̱ 10:36

No̱ nepste̱ to̱m-o̱ wu̱ to̱mnu̱nte̱ hun-ne̱ ye̱ o-Isra à. Shir ya'ag te̱ Ma-to̱ m-Re̱re̱m to̱ rwo'e̱ na she'et-de ba u̱t-ween u̱n Shir ne̱ à. Wu̱ u̱n no̱m kaane̱ u̱n bu̱-o Ye̱so Kiristi, komo wu̱ ro̱ Wan-Ko̱yan be-de u̱n ko̱ wu̱ ke ne̱t-wu̱.

Se̱nge̱-mo̱ 10:28

Wu̱ ze̱e̱ru̱ ye̱, “No̱ u̱n hi u̱n no̱, no̱ nepste̱ u̱nze u̱depe̱ ko-Yahuda mo̱sse̱ u̱r-hi ko̱ ne̱ wu̱ gas, ko̱ ha u̱r-hamat be-de u̱n ne̱t-wu̱ ro̱ ko-Yahuda á. Amba Shir ze̱e̱g taase u̱m zee ne̱t, ‘Shir a go̱ks wo̱ á.’

Yahuda-ne̱ 13:20

Me̱ u̱n ko̱n-se Shir wu̱ 'ye no̱ ko̱ yo ke rii-yo u̱r-bon yo remen no̱ nomot rii-yo wu̱ co̱ne̱ à. Komo wu̱ se̱nge̱ m-no̱m rii-yo wu̱ co̱ne̱ à, be-u̱r no̱ u̱n bu̱-yo Ye̱so Kiristi. Wu̱ ro̱: Shir wan-'ya u̱n gwu̱gwu̱-mo̱ u̱r-hur! Wu̱ 'yonse̱ Ye̱so Wan-Ko̱yan u̱t-marimar u̱n ka hyó-mo̱ u̱n e̱ss u̱t-ma mo̱, to̱ a e̱sse̱ har da-o̱ ba m-ta à! Ye̱so wu̱ ro̱ kashi u̱n wan-gu̱t-de u̱n ca! A bu̱m no̱ wu̱ har da-o̱ ba m-ta, amin.

Ruka 2:14

“Se̱ke̱mse̱-mo̱ Shir n-To̱n, m-gwu̱gwu̱ mo̱ u̱r-hur u̱n ko̱ wu̱ ke be-de u̱n ka ye̱ Shir ro̱ o-zak u̱n ye̱ ne̱ à!”

Yohana 10:16

Me̱ u̱n ye̱ ken ca-ye̱ ne̱ ye̱ ro̱ u̱n o̱ ka kur-o̱ á. Se̱ u̱m hantu̱te̱ ye̱. Ye̱a ho̱ge̱ co̱r re. Ka da-de, ye̱a she'et kur-o gaan, wa-u̱r-gu̱t wan-gaan.

Ruka 1:79

dea rwu̱u̱n karara n-to̱n u̱n ye̱ she'ete̱ u̱n comb-o̱ m-mar à, wu̱a 'er na-u̱s na u̱n bu̱-yo u̱n gwu̱gwu̱-mo̱ u̱r-hur.”

Yahuda-ne̱ 7:2

Ibrahi ya'asu̱ru̱ wu̱ u̱r-gwu̱u̱g de u̱n rem-se wu̱ jo'onte̱ so̱ u̱r-gu̱n à. Wu̱ hu̱ssu̱ru̱ rii gaan be-de u̱n o̱p u̱n ko yo ke rii-yo wu̱ kumne̱ à, wu̱ ya'asu̱ru̱ wu̱. Jin-de u̱n wu̱ u̱r-takan de ro, “Ko-Gwo̱mo Kashi,” tomso ne̱ “Ko-Gwo̱mo-wu̱ o-Sare̱m,” de ro̱ “Ko-Gwo̱mo-wu̱ u̱n Gwu̱gwu̱-mo̱ u̱r-Hur.”

Apisu-ne̱ 4:16

Kiristi mo̱ssu̱te̱ myet yan-dor ye̱ u̱n wu̱ u̱ntu̱n bo̱ 'rwo̱-u̱s mo̱sse̱ myet do̱k-to̱ u̱n wu̱r-o̱ u̱n ne̱t à. U̱rege̱ ko̱ de ke do̱k-de no̱mo̱g yo depe̱ de no̱m à, ka da-de o-wu̱r myet o̱ bo̱'o̱su̱ru̱ o̱ waragu̱ru̱ m-'wo̱ns ne̱, da-o̱ ko̱ de ke do̱k-de o-wu̱r de wasse̱ u̱n o̱r u̱n de ne̱ à.

Apisu-ne̱ 3:15

Wu̱ hwo̱o̱ne̱ ko̱ yo ke rii-yo u̱n ho̱o̱g-yo myet n-To̱n o-dak ne̱.

Yohana 16:33

Me̱ u̱n ru̱ru̱ no̱ ka ma-to̱ remen hur u̱n no̱ gwu̱'u̱ru̱té̱ bo̱ no̱ dape̱ me̱ à. No̱a su̱ u̱r-ko̱o̱b be-de u̱n hun-ne̱ ye̱ u̱n ho̱no o-dak amba 'mo̱ no̱ u̱r-hur! U̱m re̱e̱g u̱r-ho̱ u̱n ho̱no o-dak ne̱!”

Yohana 11:52

Yanze ne̱ remen Yahuda-ne̱ u̱n ho̱n-de u̱n ye̱ á, amba remen wu̱ mo̱rgu̱nsu̱té̱ yakar-ye̱ Shir ye̱ ro̱ cakarse̱ ko̱ kene̱ à, ye̱ she'ete̱ kang-o gaan.

Apisu-ne̱ 2:17

Kiristi haante̱ wu̱ ko̱'o̱te̱ Ma-to̱ m-Re̱re̱m to̱ ro̱ m-hante̱ gwu̱gwu̱-mo̱ u̱r-hur be-u̱r no̱ ye̱ no̱me̱ m-pu̱pa u̱n Shir ne̱ à, m-gwu̱gwu̱ be-de u̱n ye̱ ro̱ yow yow à.